ಅನಂತರ ಲಿಂಕ್ ಕಳುಹಿಸಿ ಹಣ ಹೂಡಿಕೆ ಮಾಡುವಂತೆ ಪ್ರೇರೇಪಿಸಿದ್ದಾರೆ. ಅದರಂತೆ ದೂರುದಾರರು ಲಿಂಕ್ ಗೆ ಲಾಗಿನ್ ಆಗಿದ್ದು, ಅದರಲ್ಲಿ ಅವರ ಹೆಸರಿನಲ್ಲಿ ಅಕೌಂಟ್ ಸೃಸ್ಟಿಸಿದ್ದಾರೆ. ಅದರಲ್ಲಿ ಹಣ ಹೂಡಿಕೆ ಮಾಡುವ ಆಪ್ಶನ್ ಕಂಡು ಬಂದಿದೆ. ಜೂ.25ರಿಂದ ಜು.9ರ ವರೆಗೆ ಅಪರಿಚಿತ ವ್ಯಕ್ತಿಗಳು ತಿಳಿಸಿದ ವಿವಿಧ ಖಾತೆಗೆ ಹಂತಹಂತವಾಗಿ 10.15 ಲಕ್ಷ ರೂ. ವರ್ಗಾಯಿಸಿದ್ದಾರೆ. ಆಗ ಆ್ಯಪ್ ನಲ್ಲಿ 34,10,149 ರೂ. ಜಮೆ ಆದಂತೆ ತೋರಿಸಿದೆ. ಆ ಹಣವನ್ನು ಹಿಂಪಡೆಯಲು ಮುಂದಾದಾಗ ಅಪರಿಚಿತ ವ್ಯಕ್ತಿಗಳು ಇನ್ನೂ ಹೆಚ್ಚಿನ ಹಣ ಹೂಡಿಕೆ ಮಾಡುವಂತೆ ವಾಟ್ಸ್ ಆ್ಯಪ್ ಮೂಲಕ ತಿಳಿಸಿದ್ದಾರೆ. ಇದರಿಂದ ಅನುಮಾನ ಬಂದು ಮಗಳಿಗೆ ವಿಚಾರ ತಿಳಿಸಿದಾಗ, ಆನ್ ಲೈನ್ ನಲ್ಲಿ ಮೋಸ ಹೋಗಿರುವ ವಿಚಾರ ಅರಿವಾಗಿದೆ.
