ಹಲ್ಲೆ-ಅಪರಾಧಿಗೆ ಹತ್ತು ವರ್ಷ ಜೈಲು ಶಿಕ್ಷೆ

ಕಾರವಾರ: ತಾನು ಕರೆದಾಗ ಮನೆ ಕೆಲಸಕ್ಕೆ ಬಂದಿಲ್ಲ‌ ಎಂಬ ಕಾರಣಕ್ಕೆ ವ್ಯಕ್ತಿಯೊಬ್ಬನಿಗೆ  ಕತ್ತಿಯಿಂದ ಕಡಿದು ಗಾಯಗೊಳಿಸಿದ ವ್ಯಕ್ತಿಗೆ ಶಿರಸಿಯ 1 ನೇ ಅಧಿಕ ಜಿಲ್ಲಾ ಮತ್ತು ಸೆಶನ್ಸ್  ನ್ಯಾಯಾಲಯವು 10  ವರ್ಷ ಜೈಲು ಶಿಕ್ಷೆ ಹಾಗೂ 6  ಸಾವಿರ ರೂ ದಂಡ ವಿಧಿಸಿದೆ.

ಹಳಿಯಾಳದ ಗರಡೊಳ್ಳಿಯ ಬಸ್ತ್ಯಾಂವ ಬೆನಿತ್ ಗೋದೋಳ್ಕರ್ ಶಿಕ್ಷೆಗೊಳಗಾದ ಅಪರಾಧಿ. 

2019 ರ ಸೆಪ್ಟೆಂಬರ್ ನಲ್ಲಿ ಪ್ರಾನ್ಸಿಸ್ ಎಂಬುವವರ ಮೇಲೆ‌ ಹಲ್ಲೆ ನಡೆಸಿದ್ದ. ಹಳಿಯಾಳ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಹಳಿಯಾಳ ಪೊಲೀಸ್ ಠಾಣೆಯ ಆಗಿನ ಪಿಎಸ್ಐ ಆನಂದಮೂರ್ತಿ ಹಲ್ಲೆ ಮಾಡಿದಾತನನ್ನು ಬಂಧಿಸಿ ದೋಷಾರೋಪಣಾ‌ ಪಟ್ಟಿ ಸಲ್ಲಿಸಿದ್ದರು. 

ಇದನ್ನೂ ಓದಿ: ಲಾರಿ ಡಿಕ್ಕಿಯಾಗಿ ಚಾಲಕರಿಗೆ ಗಾಯ

ಶಿರಸಿಯ 1 ನೇ ಅಧಿಕ ಜಿಲ್ಲಾ ಮತ್ತು ಸೆಶನ್ಸ್  ನ್ಯಾಯಾಲಯದ ಪೀಠಾಸೀನ ಅಧಿಕಾರಿ‌ ಕಿರಣ‌ ಕಿಣಿ ಅವರು ವಿಚಾರಣೆ ನಡೆಸಿ ಶಿಕ್ಷೆ ಪ್ರಕಟಿಸಿದ್ದಾರೆ. ಹಲ್ಲೆಗೊಳಗಾದವನಿಗೆ 6 ಸಾವಿರ ರೂ. ಪರಿಹಾರ ನೀಡುವಂತೆ ಸೂಚಿಸಿದ್ದಾರೆ. ಪಬ್ಲಿಕ್ ಪ್ರಾಸಿಕ್ಯೂಟರ್ ರಾಜೇಶ ಎಂ ಮಳಗೀಕರ್ ವಾದ ಮಂಡಿಸಿದ್ದರು.