ಗುರುವಾರ ಕನ್ನಡ ಸಂಘಕ್ಕೆ ಭೇಟಿ ನೀಡಿ ಸಂಘದಿಂದ ಗೌರವ ಸ್ವೀಕರಿಸಿ ಮಾತನಾಡಿ, ನಗರ ಪ್ರದೇಶಗಳಿಗಿಂತ ಗ್ರಾಮೀಣ ಪ್ರದೇಶಗಳಲ್ಲಿ ಕನ್ನಡದ ಕಂಪು ಹೆಚ್ಚಾಗಿ ಪಸರಿಸಿದೆ ಎಂದು ಹೇಳಿದರು.
ಕನ್ನಡ ಸಂಘಗಳು, ಕರ್ನಾಟಕ ಸಂಘಗಳು ಹಾಗೂ ಕನ್ನಡ ಭವನಗಳ ಅಭಿವೃದ್ಧಿಯಾಗಬೇಕೆನ್ನುವುದು ನನ್ನ ಧ್ಯೇಯ. ರಾಜ್ಯದೆಲ್ಲೆಡೆ ಕನ್ನಡದ ಫಲಕಗಳೇ ರಾರಾಜಿಸಬೇಕು ಎನ್ನುವುದು ಪ್ರತಿ ಕನ್ನಡಿಗನ ಕನಸು ನನಸಾಗುವ ಕಾಲ ಬಂದಿದೆ. ಎಲ್ಲ ಜಿಲ್ಲಾ ಮಟ್ಟದ ನ್ಯಾಯಾಲಯದ ತೀರ್ಪುಗಳನ್ನು ಕನ್ನಡದಲ್ಲಿಯೇ ನೀಡಬೇಕು ಎನ್ನುವ ಆದೇಶವಾಗಿದ್ದು, ಅದು ಕನ್ನಡಕ್ಕೆ ಸಿಕ್ಕ ಗೌರವ. ಶಿಕ್ಷಣ, ಉದ್ಯೋಗದಲ್ಲೂ ಕನ್ನಡ ಮಾಧ್ಯಮಕ್ಕೆ ಮೀಸಲು ನಿಗದಿಪಡಿಸಲಾಗಿದೆ. ಇವೆಲ್ಲವೂ ಹೋರಾಟಕ್ಕೆ ಸಿಕ್ಕ ಫಲ. ಕನ್ನಡ ಕಲಿಯದವರಿಗೂ ಕಲಿಸುವ ಜವಾಬ್ದಾರಿ ಸರ್ಕಾರವೇ ತೆಗೆದುಕೊಂಡಿದ್ದು, ಅದಕ್ಕಾಗಿ ಕನ್ನಡ ಶಿಕ್ಷಾ ಕೇಂದ್ರಗಳನ್ನು ಸ್ಥಾಪಿಸಲು ಮುಂದಾಗಿದೆ ಎಂದು ತಿಳಿಸಿದರು.
ಸಾಹಿತ್ಯ ದಿಗ್ಗಜರ ಕೃತಿಗಳ ಸಾರಾಂಶವನ್ನು 100 ಪುಟದ ಪುಸ್ತಕಗಳಲ್ಲಿ ಸಾಹಿತ್ಯ ಗುಚ್ಛ ರೂಪದಲ್ಲಿ ಪ್ರಕಟಿಸುವ ಉದ್ದೇಶ ಹೊಂದಲಾಗಿದೆ. ಕನ್ನಡ, ಕನ್ನಡಿಗ, ಕರ್ನಾಟಕ ಎಂಬ ಧ್ಯೇಯದಲ್ಲಿ ಭಾಷೆಗಾಗಿ ಉತ್ತಮ ಕೆಲಸ ಮಾಡಿದವರು ಹಾಗೂ ಸಂಘಟನೆಗಳನ್ನು ಕರ್ನಾಟಕ ಸುವರ್ಣ ಮಹೋತ್ಸವ ಸಂದರ್ಭದಲ್ಲಿ ಗೌರವಿಸುವ ಗುರಿ ಹೊಂದಲಾಗಿದೆ. ಅದರ ಅಂಗವಾಗಿ ಸುವರ್ಣ ಮಹೋತ್ಸವ ಆಚರಿಸುತ್ತಿರುವ ಬೀರೂರಿನ ಕನ್ನಡ ಸಂಘವನ್ನು ಗೌರವಿಸುವುದಾಗಿ ಹೇಳಿದರು.
ಕಸಾಪ ಜಿಲ್ಲಾಧ್ಯಕ್ಷ ಸೂರಿ ಶ್ರೀನಿವಾಸ್ ಮಾತನಾಡಿ, ಬೀರೂರು ಕನ್ನಡ ಸಂಘ ಜನಸಾಮಾನ್ಯರ ಕೈಗೆಟುಕುವಂತೆ ಕಾರ್ಯ ನಿರ್ವಹಿಸುತ್ತಿದೆ. ಎಲ್ಲ ಕನ್ನಡಿಗರೂ ಕಸಾಪ ಸದಸ್ಯತ್ವಕ್ಕೆ ನೋಂದಾಯಿಸಬೇಕು ಎಂದು ಮನವಿ ಮಾಡಿದರು.
ಉಪಾಧ್ಯಕ್ಷ ನಾರಾಯಣ, ವಿಶ್ವನಾಥ ಗೌಡ, ನಾಗೇಂದ್ರ ಶ್ರೇಷ್ಠಿ, ಬಿ.ಸಿ.ಪಾಲಾಕ್ಷ, ಬಾಬುಕುಮಾರ್, ಎಸ್.ಎಸ್.ದೇವರಾಜ್, ಚಕ್ಲಿ ಚಂದ್ರಶೇಖರ್, ಎ.ಎಸ್.ಸಜ್ಜನರ್, ಸಿ.ವಿ.ಶಂಕರ್, ಜಿ.ಎನ್.ರಮೇಶ್, ಸಿಂಗಟಗೆರೆ ಸಿದ್ದಪ್ಪ, ಹರಿಪ್ರಸಾದ್, ಎನ್.ಡಿ.ಸೀತಾಲಕ್ಷ್ಮೀ, ಸವಿತಾರಮೇಶ್, ಶಬರೀಶ್ ಇದ್ದರು.
