ವೃದ್ಧನಿಗೆ ಸಿಕ್ತು ಒಪ್ಪೊತ್ತಿನ ಊಟದ ಸೌಲಭ್ಯ; ದಿಗ್ವಿಜಯ ನ್ಯೂಸ್ ಇಂಪ್ಯಾಕ್ಟ್, ಸ್ಥಳಕ್ಕೆ ತಹಸೀಲ್ದಾರ್ ಭೇಟಿ

ಉಡುಪಿ: ಕಟಪಾಡಿ, ಏಣಗುಡ್ಡೆ ರೈಲ್ವೆ ಟ್ರ್ಯಾಕ್ ಬಳಿ ವಾಸವಿರುವ ಮುದ್ದು ಪೂಜಾರಿ ಎಂಬವರ ಬದುಕು ಶೋಚನೀಯವಾಗಿ, ಲಾಕ್​ಡೌನ್ ಸಮಯದಲ್ಲಿ ಊಟಕ್ಕಿಲ್ಲದ ಪರಿಸ್ಥಿತಿ ಇದೆ. ಮುರುಕಲು ಮನೆಯಲ್ಲಿ ವಾಸವಿರುವ ಇವರು 8 ವರ್ಷಗಳಿಂದ ಗಂಜಿ ಬಿಟ್ಟು ಬೇರೇನೂ ಸೇವಿಸುತ್ತಿರಲಿಲ್ಲ.

ಸರ್ಕಾರದ ವೃದ್ಧಾಪ್ಯ ವೇತನದ ಹಣ ಮಾತ್ರ ಇವರಿಗೆ ಸಿಗುತ್ತದೆ. ವೋಟರ್ ಐಡಿ, ರೇಷನ್ ಕಾರ್ಡ್, ವಿದ್ಯುತ್, ನೀರಿನ ಸಂಪರ್ಕ ಇವರಿಗೆ ಇಲ್ಲ. ಲಾಕ್​ಡೌನ್​ನಿಂದಾಗಿ ವೇತನವೂ ಕೈ ಸೇರಿಲ್ಲ. ಅಂಗಡಿಯಿಂದ ಅಕ್ಕಿ ತರಲೂ ಆಗುತ್ತಿರಲಿಲ್ಲ. ಇವರಿಗೆ ಇಬ್ಬರು ಮಕ್ಕಳಿದ್ದು, ಒಬ್ಬರು ಶಿಕ್ಷಕಿ, ಇನ್ನೊಬ್ಬರು ಇಂಜಿನಿಯರ್. ಮುದ್ದು ಪೂಜಾರಿ ಮನೆಬಿಟ್ಟು ಹೊರಹೋಗಲು ಕೇಳುತ್ತಿಲ್ಲ. ಮಕ್ಕಳ ಮಾತು ಕೇಳುತ್ತಿರಲಿಲ್ಲ.

ಈ ಬಗ್ಗೆ ದಿಗ್ವಿಜಯ ನ್ಯೂಸ್ 247 ವಿಶೇಷ ವರದಿ ಪ್ರಸಾರ ಮಾಡಿತ್ತು. ವರದಿಗೆ ಸ್ಪಂದಿಸಿದ ಜಿಲ್ಲಾ ಪಂಚಾಯಿತಿ ಸದಸ್ಯೆ ಗೀತಾಂಜಲಿ ಸುವರ್ಣ, ಮುದ್ದು ಪೂಜಾರಿಗೆ ಊಟದ ವ್ಯವಸ್ಥೆ ಮಾಡಿದ್ದಾರೆ. ಸ್ಥಳಕ್ಕೆ ಕಾಪು ತಹಸೀಲ್ದಾರ್ ಮಹಮ್ಮದ್ ಇಸಾಕ್ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.