ವಿಕಿ-ಕತ್ರೀನಾ ಮದುವೆಗಾಗಿ ಸಿದ್ಧತಾ ಸಭೆ; ವೈರಲ್​ ಆಗಿದೆ ಜಿಲ್ಲಾಧಿಕಾರಿಯ ನೋಟೀಸ್​​

ಸವಾಯಿ ಮಾಧೋಪುರ್: ಡಿಸೆಂಬರ್ 9 ರಂದು ಬಾಲಿವುಡ್​ ಬೆಡಗಿ ಕತ್ರೀನಾ ಕೈಫ್ ಮತ್ತು ನಟ ವಿಕಿ ಕೌಶಲ್​ರ ಅದ್ದೂರಿ​ ಮದುವೆ ನಡೆಯಲಿದೆ ಎಂಬ ಸುದ್ದಿ ಓಪನ್​ ಸೀಕ್ರೆಟ್​ನಂತೆ ಮಾಧ್ಯಮದಲ್ಲೆಲ್ಲಾ ಹರಡಿದೆ. ಆದರೂ, ಈವರೆಗೆ ಕತ್ರೀನಾ ಆಗಲಿ, ವಿಕಿ ಆಗಲಿ ಈ ಬಗ್ಗೆ ಒಂದು ಮಾತನ್ನೂ ಆಡಿಲ್ಲ. ಇದೀಗ ಅವರ ಮದುವೆ ರಾಜಸ್ಥಾನದ ಸವಾಯಿ ಮಾದೋಪುರದಲ್ಲಿ ನಡೆಯುತ್ತಿರುವುದನ್ನು ಜಿಲ್ಲಾಧಿಕಾರಿಯ ಒಂದು ಮೀಟಿಂಗ್​​ ನೋಟಿಸ್​​ ಕರ್ನರ್ಮ್​ ಮಾಡಿದೆ.

ಕಲಾವಿದರಾದ ವಿಕಿ ಮತ್ತು ಕತ್ರೀನಾ ಅವರ ಮದುವೆ ಸಮಾರಂಭದ ಆಯೋಜನೆಯ ಮುನ್ನ ವ್ಯವಸ್ಥೆಗಳ ಬಗ್ಗೆ ಚರ್ಚಿಸಲು ಸವಾಯಿ ಮಾಧೋಪುರ್​​ ಜಿಲ್ಲಾ ಕಲೆಕ್ಟರ್​​ರ ಅಧ್ಯಕ್ಷತೆಯಲ್ಲಿ ಡಿ.3 ರ ಬೆಳಿಗ್ಗೆ 10.15 ಕ್ಕೆ ಸಭೆ ಕರೆಯಲಾಗಿದೆ ಎಂದು ಗುರುವಾರ ಹೊರಡಿಸಲಾಗಿರುವ ಹಾಗೂ ವೈರಲ್​ ಆಗಿರುವ ಈ ಸುತ್ತೋಲೆಯಲ್ಲಿ ಹೇಳಲಾಗಿದೆ.

ವಿವಾಹ ಸಮಾರಂಭದ ಹಿನ್ನೆಲೆಯಲ್ಲಿ ಜನಸಂದಣಿ ನಿರ್ವಹಿಸಲು, ಕಾನೂನು ವ್ಯವಸ್ಥೆ ಮತ್ತು ಸಂಭಾವಿತ ಪರಿಸ್ಥಿತಿಗಳ ಬಗ್ಗೆ ವಿಚಾರ ಮಾಡಲು ಮತ್ತು ಅಗತ್ಯ ವ್ಯವಸ್ಥೆಗಳನ್ನು ಸುನಿಶ್ಚಿತಗೊಳಿಸಲು ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ನಿರ್ಧರಿಸಲು ಈ ಸಭೆ ನಡೆದಿದೆ. ಪೊಲೀಸ್​ ಅಧೀಕ್ಷಕರು, ಮದುವೆ ನಡೆಯಲಿರುವ ಸಿಕ್ಸ್​ ಸೆನ್ಸಸ್​ ಹೊಟೆಲ್​ನ ಪ್ರತಿನಿಧಿಗಳು ಮತ್ತು ರಣಥಂಬೋರ್​ ಹುಲಿ ಸಂರಕ್ಷಿತ ಉಪವನದ ಅರಣ್ಯ ಸಂರಕ್ಷಣಾಧಿಕಾರಿ ಮುಂತಾದವರನ್ನು ಒಳಗೊಂಡು ಸಭೆ ನಡೆದಿದೆ ಎನ್ನಲಾಗಿದೆ.

ಈ ನಡುವೆ ಇಂದು ಮುಂಬೈನಲ್ಲಿ, ಬೇರೆ ಬೇರೆ ಧರ್ಮಗಳಿಗೆ ಸೇರಿರುವ ವಿಕಿ ಮತ್ತು ಕತ್ರೀನಾ, ಸ್ಪೆಷಲ್​​ ಮ್ಯಾರೇಜಸ್​ ಆ್ಯಕ್ಟ್​ ಅಡಿಯಲ್ಲಿ ಮ್ಯಾರೇಜ್​ ರಿಜಿಸ್ಟ್ರಾರ್​ ಕಚೇರಿಗೆ ತೆರಳಿ, ರಿಜಿಸ್ಟರ್ಡ್​ ಮದುವೆ ಮಾಡಿಕೊಳ್ಳಲಿದ್ದಾರೆ ಎಂದೂ ವರದಿಗಳು ತಿಳಿಸಿವೆ. (ಏಜೆನ್ಸೀಸ್)

https://www.vijayavani.net/r-no-name-tags-just-codes-for-vicky-kaushal-katrina-kaif-wedding-guests/

https://www.vijayavani.net/video-woman-jumps-out-of-moving-train-saved/