ಜೀವನದ ಜ್ಞಾನ ಹೆಚ್ಚಿಸುವ ಮಕ್ಕಳ ಸನ್ಮಿತ್ರ...

ರೊ. ಪಿ.ರಾಘವೇಂದ್ರ ಭಟ್​ ಅಭಿಪ್ರಾಯ

ಮಕ್ಕಳಿಗೆ ವಿದ್ಯಾರ್ಥಿ ಮಿತ್ರ ಪತ್ರಿಕೆ ವಿತರಣೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಶೈಕ್ಷಣಿಕ ಸಾಧನೆಯೊಂದಿಗೆ ಸಮಾಜದಲ್ಲಿ ಉತ್ತಮ ಸ್ಥಾನಮಾನ ಗಳಿಸಲು ಸಾಮಾನ್ಯ ಜ್ಞಾನವೂ ಅಗತ್ಯ. ಪಠ್ಯಕ್ರಮದ ಅಧ್ಯಯನದೊಂದಿಗೆ ಇನ್ನಿತರ ವಿಷಯಗಳ ಮಾಹಿತಿಗಳುಳ್ಳ ಓದುವಿಕೆಯಿಂದ ಸಾಧನೆ ಸುಲಭವಾಗುತ್ತದೆ. ಆ ನಿಟ್ಟಿನಲ್ಲಿ ವಿಜಯವಾಣಿಯ ವಿದ್ಯಾರ್ಥಿಮಿತ್ರವು ಮಕ್ಕಳ ಜೀವನದಲ್ಲಿ ಜ್ಞಾನ ಹೆಚ್ಚಿಸುವ ಸನ್ಮಿತ್ರನಾಗಿದ್ದಾನೆ ಎಂದು ರೋಟರಿ ಮಿಡ್​ಟೌನ್​ ಉಡುಪಿಯ ಅಧ್ಯಕ್ಷ ರೊ. ಪಿ.ರಾಘವೇಂದ್ರ ಭಟ್​ ಅಭಿಪ್ರಾಯಪಟ್ಟರು.

ಉಡುಪಿ ಚಿಟ್ಪಾಡಿಯ ಇಂದಿರಾ ನಗರದಲ್ಲಿರುವ ಸರ್ಕಾರಿ ಪ್ರೌಢಶಾಲೆಯ ಎಸ್​ಎಸ್​ಎಲ್​ಸಿಯ ಎಲ್ಲ ವಿದ್ಯಾರ್ಥಿಗಳಿಗೆ ಸಂಸ್ಥೆಯ ಪ್ರಾಯೋಜಕತ್ವದಲ್ಲಿ ಪ್ರಸಕ್ತ ಶೈಕ್ಷಣಿಕ ವರ್ಷದ ಪರ್ಯಂತ ಪ್ರತಿದಿನವೂ ಉಚಿತವಾಗಿ ನೀಡಲಿರುವ ವಿದ್ಯಾರ್ಥಿ ಮಿತ್ರ ಪತ್ರಿಕೆಯನ್ನು ಜು.16ರಂದು ಮಧ್ಯಾಹ್ನ ವಿತರಿಸಿ ಮಾತನಾಡಿದರು.

ಶಿಕ್ಷಣಕ್ಕೆ ಸದಾ ಸಹಕಾರ

ರೊ.ರಾಮದೇವ ಕಾರಂತ, ರೊ. ಭುಜಂಗ ಶೆಟ್ಟಿ, ರೊ. ಎಚ್​.ಜಗನ್ನಾಥ ಶೆಟ್ಟಿ, ಮುಖ್ಯೋಧ್ಯಾಪಕ ಗಿರೀಶ ನಾಯ್ಕ ಉಪಸ್ಥಿತರಿದ್ದರು.

ಶಾಲೆಯ ವಿದ್ಯಾರ್ಥಿನಿಯರಾದ ವೈಷ್ಣವಿ, ಕನಿಕ್ಷಾ ಪ್ರಾರ್ಥಿಸಿದರು. ಪತ್ರಿಕೆಯ ಉಡುಪಿ ಜಿಲ್ಲಾ ಹಿರಿಯ ವರದಿಗಾರ ಪ್ರಶಾಂತ ಭಾಗ್ವತ ಪ್ರಾಸ್ತಾವಿಕವಾಗಿ ಮಾತನಾಡಿ, ಸ್ವಾಗತಿಸಿದರು. ಪ್ರಸಾರಂಗ ವಿಭಾಗದ ನವೀನ್​ ಎನ್. ವಂದಿಸಿದರು. ಶಾಲೆಯ ಇಂಗ್ಲಿಷ್​ ಶಿಕ್ಷಕಿ ಭವ್ಯಾ ಜಿ. ಸಹಕರಿಸಿದರು.