ಪರಿಸರ ರಕ್ಷಣೆಗಾಗಿ 'ಉಡುಪಿ ಟು ಲಡಾಕ್​' ಯಾತ್ರೆ..!

ಕಮಲಶಿಲೆಯ ಯುವಕ ದಿನೇಶ ಬೋವಿ ಸಾಧನೆ

ಸೈಕಲ್​ನಲ್ಲಿ 11 ತಿಂಗಳು, 3,300 ಕಿಮೀ ಪ್ರಯಾಣ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಪರಿಸರ ಉಳಿಸಿ ಎಂಬ ಸಂದೇಶದೊಂದಿಗೆ 23 ವರ್ಷದ ಯುವಕನೋರ್ವ ಉಡುಪಿಯಿಂದ ಲಡಾಕ್​ವರೆಗೆ ಸತತ 11 ತಿಂಗಳು ಸೈಕಲ್​ನಲ್ಲಿ ಯಾತ್ರೆ ನಡೆಸಿದ್ದು, 3,300 ಕಿಮೀ ಪ್ರಯಾಣಿಸಿ ಸಾಧನೆಯೊಂದಿಗೆ ಹುಟ್ಟೂರಿಗೆ ಮರಳಿದ್ದಾನೆ.

ಈ ವೇಳೆ ಮಲ್ಪೆ ಪೊಲೀಸ್​ ಠಾಣೆಯ ಪಿಎಸ್​ಐ ಅನಿಲಕುಮಾರ್​, ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕ ಡಾ.ಜಯರಾಮ ಶೆಟ್ಟಿಗಾರ್​, ಹಳೆಯ ವಿದ್ಯಾರ್ಥಿ ಸಂಘದ ಪದಾಧಿಕಾರಿಗಳಾದ ಆಲನ್​ ಲೂವಿಸ್​, ಶೇಖರ ಗುಜ್ಜರಬೆಟ್ಟು, ಶಾಲೆಟ್​ ಮಥಾಯಸ್​, ಶಿಕ್ಷಕ-ರಕ್ಷಕ ಸಂಘದ ಗಣೇಶ ಮೇಸ್ತ ಇತರರಿದ್ದರು.

ವಿದ್ಯಾರ್ಥಿಗೆ ಡಾ. ಆಳ್ವಾ ಪ್ರೋತ್ಸಾಹ

ಯುವಕನಿಗೆ ಯಾತ್ರೆಯಲ್ಲಿ ಆಹಾರಕ್ಕೆ ಹೆಚ್ಚಿನ ಹಣ ಖರ್ಚಾಗಿದ್ದು ಕಲ್ಯಾಣಪುರ ಮಿಲಾಗ್ರಿಸ್​ ಕಾಲೇಜಿನ ಪ್ರಾಂಶುಪಾಲ ಹಾಗೂ ಸೈಕಲಿಸ್ಟ್​ ಆಗಿರುವ ಡಾ.ವಿನ್ಸೆಂಟ್​ ಆಳ್ವಾ ಅವರು ದಾನಿಗಳು ಹಾಗೂ ಹಳೆಯ ವಿದ್ಯಾರ್ಥಿಗಳ ಸಹಕಾರದಿಂದ ಭರಿಸಿದ್ದಾರೆ. ಸೈಕಲ್​ ಸಹ ಕೊಡುಗೆಯಾಗಿ ನೀಡಿ ವಿದ್ಯಾರ್ಥಿಗೆ ಪ್ರೋತ್ಸಾಹಿಸಿದ್ದಾರೆ. ನಮ್ಮ ಕಾಲೇಜಿನ ಯಾವುದೇ ವಿದ್ಯಾರ್ಥಿಗಳು ಇಂತಹ ಸಾಧನೆ ಮಾಡುವುದಿದ್ದರೆ ಸಂಪೂರ್ಣ ಸಹಕಾರ ಕೊಡುವುದಾಗಿ ಡಾ.ವಿನ್ಸೆಂಟ್​ ಆಳ್ವಾ ತಿಳಿಸಿದರು.

ಸಂಚಾರದಲ್ಲಿ ಜತೆಯಾದ ನಾಯಿ

ಎಂಟು ರಾಜ್ಯಗಳಿಗೆ ಭೇಟಿ

ಉಡುಪಿಯಿಂದ 2024ರ ಅ.15ರಂದು ಸೈಕಲ್​ ಮೂಲಕ ಲಡಾಖ್​ಗೆ ದಿನೇಶ ಪ್ರಯಾಣ ಬೆಳೆಸಿದ್ದು 2025ರ ಸೆ.15ರಂದು ಲಡಾಕ್​ ತಲುಪಿದ್ದನು. ಸತತ 330 ದಿನ ಸೈಕಲ್​ ಮೂಲಕ 8 ರಾಜ್ಯಗಳಿಗೆ ಭೇಟಿ ನೀಡಿದ್ದಾನೆ. ಕರ್ನಾಟಕದಿಂದ ಆರಂಭಗೊಂಡು, ಗೋವಾ, ಮಹಾರಾಷ್ಟ್ರ, ಗುಜರಾತ್​, ರಾಜಸ್ಥಾನ, ಪಂಜಾಬ್​, ಹರಿಯಾಣ ಮೂಲಕವಾಗಿ ಜಮ್ಮು-ಕಾಶ್ಮೀರ ತಲುಪಿದ್ದಾನೆ. ಕಾಶ್ಮೀರದ ಥಾಂಗ್​ ಗ್ರಾಮದ ರಸ್ತೆ ವರ್ಷದಲ್ಲಿ 6 ತಿಂಗಳು ಮಾತ್ರ ತೆರೆದಿರುತ್ತದೆ. ಹೀಗಾಗಿ 1 ತಿಂಗಳು ಮುಂಬಯಿಯಲ್ಲಿ ವಿಶ್ರಾಂತಿ, 3 ತಿಂಗಳು ಗುಜರಾತ್​ನಲ್ಲಿದ್ದರು. ಲಡಾಕ್​ನ ಛಾಂಗ್​ಗೆ ಭೇಟಿ ನೀಡಿದ್ದು, ಅದು ಭಾರತದ ಗಡಿಗ್ರಾಮ. ಪಕ್ಕದಲ್ಲೇ ಪಾಕಿಸ್ಥಾನ ಭೂಪ್ರದೇಶ ಕಾಣಿಸುತ್ತದೆ.