ಭಾರತೀಯ ಚಿತ್ರರಂಗದ 'ಟ್ರಾಜಿಡಿ ಕಿಂಗ್​' ಆಗಿದ್ದ ದಿಲೀಪ್​ ಕುಮಾರ್​

ಮುಂಬೈ: ಬುಧವಾರ ನಿಧನರಾದ ದಿಲೀಪ್​ ಕುಮಾರ್​, ಚಿತ್ರರಂಗದಲ್ಲಿ 'ಟ್ರಾಜಿಡಿ ಕಿಂಗ್​' ಎಂದೇ ಹೆಸರಾಗಿದ್ದವರು. ಕಾರಣ, ಅವರು ಅಭಿನಯಿಸಿದ ಬಹಳಷ್ಟು ಚಿತ್ರಗಳಲ್ಲಿ ದುರಂತನಾಯಕನಾಗಿ ಅವರು ಕಾಣಿಸಿಕೊಂಡಿದ್ದರು.

ಇದನ್ನೂ ಓದಿ: ದಿಲೀಪ್​ ಕುಮಾರ್​ ನಿಧನಕ್ಕೆ ಪ್ರಧಾನಿ ಮೋದಿ ಸಂತಾಪ

'ದೇವದಾಸ್​' ಚಿತ್ರದಿಂದ ಪ್ರಾರಂಭವಾದ ಈ ದುರಂತನಾಯಕನ ಪರ್ವ, ನಂತರದ ವರ್ಷಗಳಲ್ಲಿ ಹಲವು ಚಿತ್ರಗಳಲ್ಲಿ ಮುಂದುವರೆಯಿತು. 'ಮೊಘಲ್​-ಎ-ಆಜಮ್​', 'ದೀದಾರ್​', 'ಸಂಗ್​ದಿಲ್​', 'ಅಂದಾಜ್​', 'ತರಾನಾ', 'ಯಹೂದಿ', 'ಬಾಬುಲ್​', 'ಮೇಲಾ', 'ಗಂಗ ಜಮುನಾ' ಮುಂತಾದ ಚಿತ್ರಗಳಲ್ಲಿ ದಿಲೀಪ್​ ಕುಮಾರ್​ ಅವರು ದುರಂತನಾಯಕನಾಗಿ ಕಾಣಿಸಿಕೊಂಡರು. ಮಧ್ಯೆಮಧ್ಯೆ, 'ರಾಮ್​ ಔರ್​ ಶ್ಯಾಮ್​', 'ಗೋಪಿ', 'ಲೀಡರ್​' ಮುಂತಾದ ಚಿತ್ರದಗಳಲ್ಲಿ ನಟಿಸಿದರಾದರೂ, ಅವರಿಗೆ ಹೆಚ್ಚು ಜನಪ್ರಿಯತೆ ತಂದುಕೊಟ್ಟಿದ್ದು ದುರಂತ ನಾಯಕನ ಪಾತ್ರಗಳೇ. ಅದೇ ಕಾರಣಕ್ಕೆ ಅವರಿಗೆ 'ಟ್ರಾಜಿಡಿ ಕಿಂಗ್​ ಆಫ್​ ಇಂಡಿಯನ್​ ಸಿನಿಮಾ' ಎಂದು ಕರೆಯಲಾಗುತ್ತಿತ್ತಂತೆ.

ಇದನ್ನೂ ಓದಿ: ಬಾಲಿವುಡ್​ನ ಹಿರಿಯ ನಟ ದಿಲೀಪ್ ಕುಮಾರ್​ ನಿಧನ

ದುರಂತ ಪಾತ್ರಗಳಲ್ಲಿ ಸತತವಾಗಿ ನಟಿಸಿ, ಅವರು ಒಂದು ಹಂತದಲ್ಲಿ ಡಿಪ್ರೆಶನ್‌ಗೆ ಸಹ ಒಳಗಾಗಿದ್ದರು ಎಂದು ಹೇಳಲಾಗುತ್ತದೆ. ಕ್ರಮೇಣ ಅದರಿಂದ ಆಚೆ ಬಂದ ಅವರು, ನಂತರದ ವರ್ಷಗಳಲ್ಲಿ ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡರು.

https://www.vijayavani.net/bollywood-mourns-the-death-of-dilip-kumar/