ಇತ್ತೀಚಿಗೆ ಸಂತ್ರಸ್ತೆ ನೀಡಿದ ದೂರಿನ ಪ್ರಕಾರ, ವಂಚಕರು ಸಂತ್ರಸ್ತೆಗೆ ಕರೆ ಮಾಡಿ ಅಪರಾಧ ಶಾಖೆಯ ಅಧಿಕಾರಿಯಂತೆ ನಟಿಸಿದ್ದು, ಜೆಟ್ ಏರ್ವೇಸ್ ಸಿಇಒ ನರೇಶ್ ಗೋಯಲ್ ಅವರಿಗೆ ಸಂಬಂಧಿಸಿದ ಹಣ ವರ್ಗಾವಣೆ ಪ್ರಕರಣದಲ್ಲಿ ಆಕೆ ಆಧಾರ್ ಕಾರ್ಡ್ ಅನ್ನು ದುರುಪಯೋಗಪಡಿಸಿಕೊಳ್ಳಲಾಗಿದೆ ಎಂದು ಆರೋಪಿಸಿದ್ದಾರೆ. ಹಾಗೆ ಕರೆ ಮಾಡಿದ ವ್ಯಕ್ತಿ ನಕಲಿ ಬಂಧನ ವಾರಂಟ್ಗಳೊಂದಿಗೆ ಆಕೆಯನ್ನು ಬೆದರಿಸಿ, ವಾಟ್ಸಾಪ್ ಕರೆಗಳ ಮೂಲಕ ಸುಪ್ರೀಂ ಕೋರ್ಟ್ ಆದೇಶವನ್ನು ನಕಲಿ ಮಾಡಿದ್ದಾನೆ. ನಂತರ ಬೆದರಿಕೆಗಳ ಹೆದರಿ, ಆಕೆ ಕೆನರಾ ಬ್ಯಾಂಕ್, ಪಿಎನ್ಬಿ, ಎಸ್ಬಿಐ ಮತ್ತು ಎಚ್ಡಿಎಫ್ಸಿಯಲ್ಲಿನ ತನ್ನ ಖಾತೆಗಳಿಂದ ನಾಲ್ಕು ಆರ್ಟಿಜಿಎಸ್ ವಹಿವಾಟುಗಳ ಮೂಲಕ 77,42,420 ರೂ.ಗಳನ್ನು ವರ್ಗಾಯಿಸಿದ್ದಾಳೆ.
