'ಈಗಿದೆಲ್ಲ ಕಾಮನ್..ನಾವೂ ಕ್ಯಾಸಿನೋಕ್ಕೆ ಹೋಗಿದ್ವಿ, ಆದ್ರೆ...' -ನಟ ದಿಗಂತ್​ ತಾಯಿ ಹೇಳಿದ್ದು ಹೀಗೆ

ಬೆಂಗಳೂರು: ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇಂದು ಸ್ಟಾರ್​ ದಂಪತಿಗಳಾದ ಐಂದ್ರಿತಾ ರೈ ಮತ್ತು ದಿಗಂತ್​ಗೆ ಸಿಸಿಬಿ ನೋಟಿಸ್ ಕಳಿಸಿದೆ. ಈ ಬಗ್ಗೆ ದಿಗಂತ್​ ತಾಯಿ ಮಲ್ಲಿಕಾ ಕೃಷ್ಣಮೂರ್ತಿ ಮಾಧ್ಯಮಗಳೊಂದಿಗೆ ಮಾತನಾಡಿದ್ದಾರೆ.

ದಿಗಂತ್​ ಮತ್ತು ಐಂದ್ರಿತಾಗೆ ನೋಟಿಸ್ ಬಂದಿದ್ದು ನನಗೆ ಗೊತ್ತಿಲ್ಲ. ನಾವು ಟಿವಿ ನೋಡಿಲ್ಲ. ನನಗೆ ಅಣ್ಣ ಕರೆ ಮಾಡಿ ಕೇಳಿದರು. ಈ ಬಗ್ಗೆ ಮಾತನಾಡಲು ದಿಗಂತ್​ಗೆ ಕರೆ ಮಾಡಿದರೆ ಅವರು ಫೋನ್​ ಪಿಕ್​ ಮಾಡುತ್ತಿಲ್ಲ. ನಿನ್ನೆ ಬೆಳಗ್ಗೆಯೇ ಕೇರಳಕ್ಕೆ ಹೋಗಿದ್ದಾರೆ. ಇದುವರೆಗೂ ಒಂದೇ ಒಂದು ಫೋನ್ ಮಾಡಿಲ್ಲ ಎಂದು ಹೇಳಿದರು.

ಇನ್ನು ಶ್ರೀಲಂಕಾದಲ್ಲಿ ಹಿಂದಿ ಮೂವಿ ಪ್ರಮೋಶನ್​ಗೆ ಹೋಗಿದ್ದಾಗಿ ನನ್ನ ಸೊಸೆ ತಿಳಿಸಿದ್ದಳು. ನಾವು ಕುಟುಂಬದವರು ಶ್ರೀಲಂಕಾಗೆ ತೆರಳಿದ್ದಾಗ ಕ್ಯಾಸಿನೋಗೆ ಕೂಡ ಹೋಗಿದ್ದೆವು. ಆಗಲೂ ಐಂದ್ರಿತಾ, ಅವರು ಡ್ಯಾನ್ಸ್​ ಮಾಡಿದ ಜಾಗವನ್ನೆಲ್ಲ ತೋರಿಸಿದ್ದಳು. ಕ್ಯಾಸಿನೋ ಇಲ್ಲಂತೂ ಇಲ್ಲ. ಶ್ರೀಲಂಕಾಕ್ಕೆ ಹೋದಾಗ ಅವರು ಆಡಿರಬಹುದು. ಇನ್ನು ಕ್ಲಬ್​, ಪಾರ್ಟಿಗಳೆಲ್ಲ ಈಗ ಕಾಮನ್​. ಆಮಂತ್ರಣ ನೀಡಿರುತ್ತಾರೆ ಇವರೂ ಹೋಗಿರುತ್ತಾರೆ. ಆದರೆ ಡ್ರಗ್ಸ್ ಎಂಬುದು ಇಲ್ಲವೇ ಇಲ್ಲ ಎಂದು ಮಲ್ಲಿಕಾ ತಿಳಿಸಿದರು. ಇದನ್ನೂ ಓದಿ:‘ರಾಗಿಣಿ..ಸಿಂಹಿಣಿ ಇದ್ದ ಹಾಗೆ..ಎಲ್ಲವನ್ನೂ ಗೆದ್ದು ಬರುತ್ತಾಳೆ’

ನಮ್ಮದು ಸಾಂಪ್ರದಾಯಿಕ ಕುಟುಂಬ. ನಮ್ಮ ಮನೆಯಲ್ಲಿ ಅದಕ್ಕೆಲ್ಲ 100 ಪರ್ಸಂಟ್​ ವಿರೋಧವಿದೆ. ನನ್ನ ಪತಿ ಕಾಲೇಜ್ ಪ್ರೊಫೆಸರ್ ಆಗಿದ್ದವರು. ತುಂಬ ಮಕ್ಕಳಿಗೆ ಪಾಠ ಮಾಡುವವರು ಅಂಥದ್ದೆಲ್ಲ ಮಾಡಲು ಸಾಧ್ಯವೇ ಇಲ್ಲ ಎಂದು ಹೇಳಿದರು.

ಫಾಝೀಲ್​ ಜತೆ ನನ್ನ ಕಾಂಟಾಕ್ಟ್ ಇಲ್ಲ. ಆದರೂ ಯಾಕೆ ಹೀಗೆಲ್ಲ ಮಾಡುತ್ತಿದ್ದಾರೆ ಗೊತ್ತಿಲ್ಲ ಎಂದು ಐಂದ್ರಿತಾ ತುಂಬ ಬೇಸರ ಮಾಡಿಕೊಂಡಿದ್ದಾಳೆ ಎಂದು ತಿಳಿಸಿದರು.(ದಿಗ್ವಿಜಯ ನ್ಯೂಸ್​)

https://www.vijayavani.net/drugcase-ccb-aindritaray-digant/