7 ಎಕರೆ ಜಾಗದಲ್ಲಿ ವಿಸ್ತರಿಸಿಕೊಂಡಿರುವ ಕುಲಕೆರೆಯಲ್ಲಿ ನೀರಿನ ಆಶ್ರಯದ 3 ಎಕರೆ ಜಾಗದಲ್ಲಿ ಸುಮಾರು ಮೂರೂವರೆ ಅಡಿ ಆಳಕ್ಕೆ ಹೂಳೆತ್ತಲಾಗಿದೆ. ಮಳೆಗಾಲದಲ್ಲಿ ಕೆರೆ ತುಂಬಿ ಅಂತರ್ಜಲ ವೃದ್ಧಿಯಾಗಲಿದ್ದು, ಬೇಸಿಗೆಯಲ್ಲಿ ಸುತ್ತಲ ಜನವಸತಿ ಪ್ರದೇಶದ ಬಹುತೇಕ ಎಲ್ಲ ಬಾವಿ, ಕೆರೆಕಟ್ಟೆಗಳಲ್ಲಿ ನೀರು ಲಭಿಸಲಿದೆ. ಕೃಷಿಗೂ ನೀರು ಬಳಕೆ ಮಾಡಬಹುದು. ಮಳೆ ಆರಂಭಕ್ಕೆ ಮುನ್ನ ಕೆರೆಗೆ ಕಲ್ಲು ಹಾಸು ಕಾಮಗಾರಿ ಪೂರ್ಣಗೊಳ್ಳಲಿದೆ.
ಪಂಚಾಯಿತಿಯಿಂದ ಉದ್ಯಾನ, ಬೋಟಿಂಗ್ ಅಭಿವೃದ್ಧಿ
ಹೂಳೆತ್ತಲಾದ ಕೆರೆಯ ಸುತ್ತ ಉದ್ಯಾನ, ರಸ್ತೆ, ವಾಹನ ಪಾರ್ಕಿಂಗ್ ವ್ಯವಸ್ಥೆ ರೂಪುಗೊಳ್ಳಲಿದೆ. ಕೆರೆಯ ಸುತ್ತಲ ಪ್ರದೇಶದಲ್ಲಿ ಪ್ರವಾಸೋದ್ಯಮ ದೃಷ್ಟಿಯಿಂದ ಉದ್ಯಾನ, ದೀಪಗಳ ಅಳವಡಿಕೆ ಹಾಗೂ ಬೋಟಿಂಗ್ ವ್ಯವಸ್ಥೆ ಕಲ್ಪಿಸುವ ಯೋಜನೆ ಬಗ್ಗೆ ಪಂಚಾಯಿತಿ ಯೋಚಿಸಿದೆ.
