ಗ್ರಾಮಸ್ಥರ ವಿವಿಧ ಪ್ರಾದೇಶಿಕ ಸಮಿತಿ ಮಹಿಳಾ ಸದಸ್ಯೆಯರು ಮಡಲು ಹೆಣೆಯುವ, ಪೊರಕೆ ನಿರ್ಮಾಣ ಕೈಂಕರ್ಯದಲ್ಲಿ ನುರಿತ ಪರಂಪರಾಗತ ಮಡಲು, ಕಸಬರಿಕೆ ತಯಾರಿಕೆ ಬಗ್ಗೆ ಪ್ರೇಮ ಕಲ್ಲಗದ್ದೆ, ಲೀಲಾವತಿ ಆಚಾರ್ಯ, ರೇಣುಕಾ ಕಲ್ಲಗದ್ದೆ, ಯಶೋದಾ ಕಾನ, ಸಾವಿತ್ರಿ ಕುರೆಡ್ಕ, ಸರೋಜಿನಿ ಮುಗೇರು ಪ್ರಾತ್ಯಕ್ಷಿಕೆ ನೀಡಿದರು. ಹಲವಾರು ಕಾರ್ಯಕರ್ತೆಯರು, ಮಕ್ಕಳು ಮಡಲು ಹೆಣೆಯುವ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಂಡರು. ಬ್ರಹ್ಮಕಲಶೋತ್ಸವಕ್ಕಾಗಿ 600 ಮಡಲುಗಳ ಅವಶ್ಯಕತೆಯಿದ್ದು, ಮುಂದಿನ ದಿನಗಳಲ್ಲಿ ಮಾತೃ ಸಂಘದ ವಿವಿಧ ಪ್ರಾದೇಶಿಕ ಸಮಿತಿ ನೇತೃತ್ವದಲ್ಲಿ ಮಡಲು ಹೆಣೆಯುವ, ಪೊರಕೆ ತಯಾರಿಸಿ ಕ್ಷೇತ್ರಕ್ಕೆ ತಂದೊಪ್ಪಿಸುವ ಯೋಜನೆ ಇರಿಸಲಾಗಿದೆ.
