ಗುರುವಾರ ಬೆಳಗ್ಗೆ ಇಲಾಖಾ ವಾಹನಗಳಲ್ಲಿ ತನಿಖಾಧಿಕಾರಿ ಮತ್ತು ಇತರ ಇಲಾಖಾ ಅಧಿಕಾರಿಗಳ ತಂಡದೊಂದಿಗೆ ಮೇಲಾಧಿಕಾರಿಗಳ ಆದೇಶದಂತೆ ಬ್ರಹ್ಮಾವರ ಪೊಲೀಸ್ ಠಾಣಾ ಪೊಲೀಸರು ಮಹೇಶ ತಿಮರೋಡಿ ವಶಕ್ಕೆ ಬೆಳ್ತಂಗಡಿ ತಾಲೂಕಿನ ಉಜಿರೆ ಗ್ರಾಮಕ್ಕೆ ಹೋಗಿದ್ದರು. ಬೆಳಗ್ಗೆ 10:45ರ ವೇಳೆಯಲ್ಲಿ ಅವರನ್ನು ವಶಕ್ಕೆ ಪಡೆದರು. ಈ ವೇಳೆ ತಿಮರೋಡಿಯ 50ಕ್ಕೂ ಹೆಚ್ಚು ಬೆಭಲಿಗರು ಸೇರಿದ್ದು, ಪೊಲೀಸರ ಕರ್ತವ್ಯ ಅಡ್ಡಿಪಡಿಸಿದರು. ತೊಂದರೆ ಮಾಡದಂತೆ ತಿಳಿವಳಿಕೆ ನೀಡಿದರೂ ಗಲಾಟೆ ಮಾಡುತ್ತಿದ್ದರು. ತಿಮರೋಡಿ ವಶಕ್ಕೆ ಪಡೆದ ಪೊಲೀಸರು ಅವರ ಮನೆಯಿಂದ ಉಜಿರೆ, ಬೆಳ್ತಂಗಡಿ, ಗುರುವಾಯನಕೆರೆ, ನಾರಾವಿ ಮೂಲಕ ಬ್ರಹ್ಮಾವರಕ್ಕೆ ಹೊರಟಿದ್ದರು. ಆಗಲೂ ಸಹ ಬೆಂಬಲಿಗರು ತಿಮರೋಡಿಯವರನ್ನುಯ ಏಕೆ ಬಂಧಿಸುತ್ತೀರಿ ಎಂದು ಪ್ರಶ್ನಿಸುತ್ತ, ಅನೇಕ ಕಾರು, ಬೈಕ್ಗಳ ಮೂಲಕ ಪೊಲೀಸ್ ವಾಹನಗಳನ್ನು ಹಿಂಬಾಲಿಸುತ್ತಲೇ ಇದ್ದರು.
