ದೀಪಿಕಾ ಪಡುಕೋಣೆ ಮತ್ತು ರಣಬೀರ್ ಕಪೂರ್ ಮತ್ತೆ ಜತೆಯಾಗಿ ನಟಿಸುವ ಸಾಧ್ಯತೆ ಕಂಡು ಬರುತ್ತಿದೆ. ‘ಬಚ್ನಾ ಯೇ ಹಸೀನೋ’, ‘ಯೇ ಜವಾನಿ ಹೈ ದಿವಾನಿ’ ಹಾಗೂ ‘ತಮಾಷಾ’ ಚಿತ್ರಗಳ ಬಳಿಕ ನಾಲ್ಕನೇ ಬಾರಿಗೆ ಈ ಜೋಡಿ ಮತ್ತೆ ಒಟ್ಟಿಗೆ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಅಯಾನ್ ಮುಖರ್ಜಿ ನಿರ್ದೇಶನದ ‘ಬ್ರಹ್ಮಾಸ್ತ್ರ 1 – ಶಿವ’ ಇದೇ ಸೆ.9ರಂದು ರಿಲೀಸ್ ಆಗಲಿದೆ. ಕ್ಲೈಮ್ಯಾಕ್ಸ್ ನಲ್ಲಿ ದೀಪಿಕಾ ಪಡುಕೋಣೆ ಕಾಣಿಸಿಕೊಳ್ಳಲಿದ್ದು, ಎರಡನೇ ಭಾಗದಲ್ಲಿ ನಾಯಕಿಯಾಗಿ ಮುಂದುವರಿ ಯಲಿದ್ದಾರೆ ಎನ್ನಲಾಗಿದೆ. ಅದು ‘ಬ್ರಹ್ಮಾಸ್ತ್ರ’ ಯಶಸ್ಸನ್ನು ಅವಲಂಬಿಸಿದೆ. ರಣಬೀರ್ ಕಪೂರ್, ಆಲಿಯಾ ಭಟ್ ಜೋಡಿಯಾಗಿರುವ ಈ ಚಿತ್ರ, ನಿರೀಕ್ಷಿಸಿದಂತೆಯೇ ಹಿಟ್ ಆದರೆ, ಎರಡು ಹಾಗೂ ಮೂರನೇ ಭಾಗಗಳೂ ಬರಲಿವೆಯಂತೆ. ಆ ನಿಟ್ಟಿನಲ್ಲಿ ನಿರ್ದೇಶಕ ಅಯಾನ್ ಮುಖರ್ಜಿ ಮುಂದುವರೆದ ಭಾಗಗಳ ನೀಲಿ ನಕ್ಷೆಯನ್ನೂ ಸಿದ್ಧಪಡಿಸಿಕೊಂಡಿದ್ದಾರೆ ಎನ್ನಲಾಗಿದೆ.
ಕನ್ನಡ ‘ಕೇಸರಿಯಾ’ ಹಾಡಿಗೆ ಮೆಚ್ಚುಗೆ!: ಇತ್ತೀಚೆಗಷ್ಟೇ ‘ಬ್ರಹ್ಮಾಸ್ತ್ರ’ ಚಿತ್ರದ ‘ಕೇಸರಿಯಾ …’ ಹಾಡು ರಿಲೀಸ್ ಆಗಿದೆ. ಐದು ಭಾಷೆಗಳಲ್ಲೂ ಏಕಕಾಲಕ್ಕೆ ಚಿತ್ರತಂಡ ರಿಲೀಸ್ ಮಾಡಿದೆ. ಹಿಂದಿ ವರ್ಷನ್ಗೆ ಅರಿಜಿತ್ ಸಿಂಗ್ ಕಂಠದಾನ ಮಾಡಿದ್ದಾರೆ. ಆದರೆ, ಹಿಂದಿ ಸಾಹಿತ್ಯದಲ್ಲಿ ‘ಕೇಸರಿಯಾ’ಗೆ ಪ್ರಾಸವಾಗಿ ‘ಲವ್ಸ್ಟೋರಿಯಾ’ ಎಂದು ಬಳಸಿಕೊಳ್ಳಲಾಗಿದ್ದು ಸಾಕಷ್ಟು ಟ್ರೋಲ್ ಆಗುತ್ತಿದೆ. ಮತ್ತೊಂದೆಡೆ ಇದೇ ಹಾಡಿನ ಕನ್ನಡ ಸಾಹಿತ್ಯವನ್ನು ನಿರ್ದೇಶಕ ಯೋಗರಾಜ್ ಭಟ್ ಬರೆದಿದ್ದು, ಸಂಜಿತ್ ಹೆಗ್ಡೆ ಹಾಗೂ ಸಿಡ್ ಶ್ರೀರಾಮ್ ಹಾಡಿದ್ದಾರೆ. ಈ ಹಾಡಿಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ನೂಪುರ್ ಶರ್ಮಾ ಹತ್ಯೆಗಾಗಿ ಗಡಿ ದಾಟಿ ಬಂದ ಪಾಕಿಸ್ತಾನಿ; 11 ಇಂಚಿನ ಚಾಕು ಸಹಿತ ಸಿಕ್ಕಿಬಿದ್ದ…