‘ಟಿ20 ವಿಶ್ವಕಪ್ ಟೂರ್ನಿಯ ಭವಿಷ್ಯ ನಿರ್ಧರಿಸಲು ನಮಗೆ ಒಂದು ಅವಕಾಶ ಮಾತ್ರ ಸಿಗಲಿದೆ ಮತ್ತು ಅದು ಸರಿಯಾದ ನಿರ್ಧಾರವಾಗಿರಬೇಕೆಂದು ಬಯಸಿದ್ದೇವೆ. ಹೀಗಾಗಿ ನಾವು ಟೂರ್ನಿಗೆ ಸಂಬಂಧಿಸಿದ ಎಲ್ಲರ ಜತೆಗೆ ಇನ್ನೊಂದು ತಿಂಗಳು ಕಾದು ನೋಡಲು ನಿರ್ಧರಿಸಿದ್ದೇವೆ’ ಎಂದು ಐಸಿಸಿ ಸಿಇಒ ಮನು ಸಾವ್ನೆ ಸಭೆಯ ಬಳಿಕ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ವಿಡಿಯೋ ಕಾನ್ಪರೆನ್ಸ್ ಮೂಲಕ 3 ಗಂಟೆಗಳ ಸುದೀರ್ಘ ಸಭೆ ನಡೆದರೂ, ಟಿ20 ವಿಶ್ವಕಪ್ ಭವಿಷ್ಯ ನಿರ್ಧಾರವಾಗಲಿಲ್ಲ. ವಿಶ್ವಕಪ್ ಆತಿಥ್ಯಕ್ಕೆ ಸಿದ್ಧರಾಗಿದ್ದೇವೆ ಎಂದು ಆಸ್ಟ್ರೇಲಿಯಾದ ಕ್ರೀಡಾ ಸಚಿವರು ಸಕಾರಾತ್ಮಕ ಹೇಳಿಕೆ ನೀಡಿರುವುದು ಐಸಿಸಿ ನಿರ್ಧಾರ ವಿಳಂಬಕ್ಕೆ ಕಾರಣ ಎನ್ನಲಾಗುತ್ತಿದೆ.
