ಬೆಂಗಳೂರು: ಡೇವಿಡ್ ವಾರ್ನರ್ ಕ್ರಿಕೆಟ್ ಬಿಟ್ಟರೆ, ಸಾಮಾಜಿಕ ಜಾಲತಾಣ ಅವರ ಮತ್ತೊಂದು ಫೇವರಿಟ್. ಟಿಕ್ ಟಾಕ್, ವಿಡಿಯೋ, ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವುದು ಅವರ ಹವ್ಯಾಸವಾಗಿದೆ. ಇದೀಗ ಒಂದು ಹೆಜ್ಜೆ ಮುಂದೆ ಹೋಗಿರುವ ಅವರು, ಬಾಲಿವುಡ್ ಸ್ಟಾರ್ ಟೈಗರ್ ಶ್ರಾ್ ಅವರ ಮುಖವನ್ನು ಸ್ವಾಪ್ (ಮುಖವಾಡ) ಮಾಡಿ ಸ್ಟೂಡೆಂಟ್ ಆಫ್ ದ ಇಯರ್-2 ಚಿತ್ರದ ಹಾಡಿಗೆ ಸೇರಿಸಿದ್ದಾರೆ. ಬೇಡಿಕೆಯಿಂದ ಮತ್ತೆ ಬಂದಿರುವೆ ಎಂದು ವಿಡಿಯೋ ಸಮೇತ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ. ಆಸೀಸ್ ತಂಡದ ಮಾಜಿ ಕ್ರಿಕೆಟಿಗ ಬ್ರೇಟ್ ಲೀ ಸೇರಿದಂತೆ ಹಲವು ಮಂದಿ ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ: VIDEOS: ಕ್ರಿಕೆಟಿಗೂ ಸೈ, ಅಡಿಗೆಗೂ ಸೈ..ಈ ಸ್ಟಾರ್ ಕ್ರಿಕೆಟರ್ಸ್,
ವಾರ್ನರ್ ವಿಡಿಯೋಗೆ ಸಾವಿರಾರು ಮಂದಿ ಲೈಕ್ ನೀಡಿ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ಕ್ರಿಕೆಟ್ನಿಂದ ಬಿಡುವಿನ ವೇಳೆ ಕುಟುಂಬಸ್ಥರೊಂದಿಗೆ ಹೆಚ್ಚಿನ ಸಮಯ ಕಳೆಯುವ ವಾರ್ನರ್, ಹೆಂಡತಿ ಮಕ್ಕಳೊಂದಿಗೆ ಸೇರಿ ಮಾಡುವ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾರೆ. ಐಪಿಎಲ್ನಲ್ಲಿ ಕಳಪೆ ನಿರ್ವಹಣೆ ತೋರಿದ ಹಿನ್ನೆಲೆಯಲ್ಲಿ ವಾರ್ನರ್ ಅವರನ್ನು ನಾಯಕತ್ವ ಸ್ಥಾನದಿಂದ ವಜಾಗೊಳಿಸಲಾಗಿತ್ತು. ಇದೀಗ ಯುಎಇಯಲ್ಲಿ ನಿಗದಿಯಾಗಿರುವ ಐಪಿಎಲ್ ಭಾಗ-2ರಲ್ಲಿ ವಾರ್ನರ್ ಪಾಲ್ಗೊಳ್ಳುವುದು ಅನುಮಾನ ಮೂಡಿಸಿದೆ.
ವಾರ್ನರ್ ನಾಯಕತ್ವದಲ್ಲಿ ಸನ್ರೈಸರ್ಸ್ ತಂಡ ಆಡಿದ 7 ಪಂದ್ಯಗಳಲ್ಲಿ 6ರಲ್ಲಿ ಸೋತು, ಏಕೈಕ ಗೆಲುವು ಕಂಡಿತು. ವಾರ್ನರ್ ನಾಯಕತ್ವದಿಂದ ಕೆಳಗಿಳಿದ ಬಳಿಕ ಕೇನ್ ವಿಲಿಯಮ್ಸನ್ ನಾಯಕರಾಗಿದ್ದರು.