ಲಖನೌ: ಬಾಲಕಿಯೋರ್ವಳು ಮಾಡಿದ ಭೀಕರ ಡಬಲ್ ಮರ್ಡರ್ಗೆ ಇಡೀ ಲಖನೌ ಜನತೆ ಬೆಚ್ಚಿಬಿದ್ದಿದೆ. ಗೌತಂಪಲ್ಲಿ ಕಾಲನಿಯಲ್ಲಿ ಘಟನೆ ನಡೆದಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
10ನೇ ತರಗತಿಯಲ್ಲಿ ಓದುತ್ತಿರುವ ಬಾಲಕಿ ತನ್ನ ತಾಯಿ ಮತ್ತು ಸೋದರನನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾಳೆ. ಬಾಲಕಿ ರಾಷ್ಟ್ರಮಟ್ಟದ ಶೂಟರ್ ಆಗಿದ್ದು, ಅವಳ ಮಾನಸಿಕ ಸ್ಥಿತಿ ಸದ್ಯ ಸ್ಥಿರವಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ತಾಯಿ ಮತ್ತು ಸೋದರನಿಗೆ ಗುಂಡು ಹಾರಿಸುವ ಮೊದಲು ಇವಳು ತಮ್ಮ ಮನೆಯ ವಾಶ್ ರೂಂನಲ್ಲಿರುವ ಗಾಜಿನ ಕನ್ನಡಿಯ ಮೇಲೆ disqualified human ಎಂದು ಬರೆದಿದ್ದಾಳೆ. ಹಾಗೇ ಮೊದಲ ಗುಂಡನ್ನು ಆ ಗ್ಲಾಸ್ಗೆ ಹೊಡೆದಿದ್ದಾಳೆ. ಎರಡನೇ ಗುಂಡು ತಾಯಿಗೆ ಮತ್ತು ಮೂರನೇಯದನ್ನು ಸೋದರನಿಗೆ ಹೊಡೆದಿದ್ದಾಳೆ ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲ ಆಕೆಯ ತೋಳಿನ ಮೇಲೆ ರೇಜರ್ನಿಂದ ಹಲವು ಬಾರಿ ಕತ್ತರಿಸಿಕೊಂಡಿದ್ದಾಳೆ. ಆ ರೇಜರ್ನ್ನೂ ಕೂಡ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಸದ್ಯ ಬಾಲಕಿಯನ್ನು ವಿಚಾರಣೆಗಾಗಿ ಕರೆದೊಯ್ದಿದ್ದಾರೆ. ಇದನ್ನೂ ಓದಿ: ಸಭೆ, ಸಮಾರಂಭಕ್ಕೆ ಅನುಮತಿ; ಸೆ.7ರಿಂದ ಮೆಟ್ರೋ ಸಂಚಾರ; ಶಾಲಾ-ಕಾಲೇಜು ಬಂದ್; ಅನ್ಲಾಕ್ 4.0 ಮಾರ್ಗಸೂಚಿ
ಈ ವಿದ್ಯಾರ್ಥಿನಿ ಹತ್ಯೆ ಮಾಡುವಾಗ ಕೆಲಸದವರೂ ಕೂಡ ಮನೆಯಲ್ಲಿದ್ದರು. ಮೃತ ದೇಹಗಳನ್ನು ಪೋಸ್ಟ್ಮಾರ್ಟಮ್ಗೆ ಕಳಿಸಲಾಗಿದೆ. ಮೇಲ್ನೋಟಕ್ಕೆ ಏನೂ ಗೊತ್ತಾಗುತ್ತಿಲ್ಲ ಎಂದು ಪೊಲೀಸ್ ಕಮಿಷನರ್ ತಿಳಿಸಿದ್ದಾರೆ.
ಉತ್ತರ ಪ್ರದೇಶದ ಡಿಜಿಪಿ ಹಿತೇಶ್ ಚಂದ್ರ ಅಶ್ವಥಿ ಕೂಡ ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಈ ಬಾಲಕಿ ರೈಲ್ವೆ ಇಲಾಖೆಯಲ್ಲಿ ಕೆಲಸ ಮಾಡುತ್ತಿರುವ ಅಧಿಕಾರಿಯೋರ್ವರ ಮಗಳು ಎನ್ನಲಾಗಿದೆ. ಗೌತಂಪಲ್ಲಿಯಲ್ಲಿರುವ ರೈಲ್ವೆ ಕ್ವಾರ್ಟರ್ಸ್ನಲ್ಲಿ ಈ ಕುಟುಂಬ ವಾಸವಾಗಿತ್ತು. ಬಾಲಕಿಯ ತಂದೆಯಿಂದಲೂ ಹೇಳಿಕೆ ಪಡೆಯಲಾಗಿದೆ.
ಮಾವನ ಹತ್ಯೆ, ಅತ್ತೆಯ ಪರಿಸ್ಥಿತಿ ತೀವ್ರ ಗಂಭೀರ: ಇದು ಸುರೇಶ್ ರೈನಾ ವಾಪಸ್ ಆಗಲು ಕಾರಣ