ಹಣ ಕೊಡಲು ತಪ್ಪಿದರೆ ತಂದೆಗೆ ಕೊಲೆ ಬೆದರಿಕೆಯನ್ನೂ ಈತ ಹಾಕಿದ್ದ. ಈ ಪಾಪಿ ಮಗ, ತನ್ನ ತಂದೆಗೆ ದೈಹಿಕವಾಗಿ ಚಿತ್ರಹಿಂಸೆಯನ್ನೂ ನೀಡಿದ್ದಾನೆ. ಮಗನ ಚಿತ್ರಹಿಂಸೆ ತಾಳಲಾರದೆ ಕೋಟಯ್ಯ ಅವರು ಪತ್ನಿ ಸಮೇತ ಕೆಲ ಸಮಯದ ಹಿಂದೆ ಗುಮ್ಮಡಿದೂರು ಗ್ರಾಮದ ಮಗಳು ವಿಜಯಲಕ್ಷ್ಮಿ ಅವರ ಮನೆಗೆ ಹೋಗಿದ್ದರು. ನಂತರ ದಂಪತಿಗಳು ತಮ್ಮ ಮಗಳ ಮನೆಯಲ್ಲಿಯೇ ಇದ್ದರು. ಇದಾದ ಬಳಿಕ ಕೋಟಯ್ಯ ಮೃತಪಟ್ಟಿದ್ದರು. ಈ ಸಂದರ್ಭ ಅಂತ್ಯಕ್ರಿಯೆ ನೆರವೇರಿಸಪ್ಪಾ ಎಂದು ಹಿರಿಯರು ಮಗನಿಗೆ ಹೇಳಿದರೂ ಉಳಿದ 30 ಲಕ್ಷ ರೂ. ಹಣ ಕೊಡದಿದ್ದಲ್ಲಿ ಅಂತ್ಯಕ್ರಿಯೆಯನ್ನೇ ಮಾಡುವುದಿಲ್ಲ ಎಂದು ಈತ ಪಟ್ಟು ಹಿಡಿದು ಕುಳಿತಿದ್ದ. ಕಡೆಗೆ ಸಹೋದರನ ಅವಾಂತರಕ್ಕೆ ರೋಸಿ ಹೋದ ಸಹೋದರಿ, ತಾನೇ ತನ್ನ ತಂದೆಯ ಅಂತ್ಯಕ್ರಿಯೆಯನ್ನು ನೆರವೇರಿಸಿದ್ದಾಳೆ. (ಏಜೆನ್ಸೀಸ್)
