ಆಯುಧ ಪೂಜೆಗೆ ಅಗತ್ಯವಾದ ಬೂದುಗುಂಬಳದ ದರ ಆರಂಭದಲ್ಲಿ ಗಗನಕ್ಕೇರಿದೆ. ಕೆಜಿಗೆ 30 ರೂ. 40 ರೂ.ಇದೆ. ಕೆಲವೆಡೆ ಕಾಯಿಯ ಗಾತ್ರ ಆಧರಿಸಿ 150 ರೂ. 200 ರೂ.ಮಾರಾಟ ಮಾಡಲಾಗುತ್ತಿದೆ. ತಮಿಳುನಾಡು, ಆಂಧ್ರ ಪ್ರದೇಶದಿಂದ ಬೂದಗುಂಬಳಕಾಯಿ ಮಾರುಕಟ್ಟೆಗೆ ಬಂದಿದೆಯಾದರೂ ಮಳೆಯಿಲ್ಲದ ಕಾರಣಕ್ಕೆ ಇಳುವರಿ ಹೆಚ್ಚಿಲ್ಲ. ಹೀಗಾಗಿ ಬೂದುಗುಂಬಳ ಸೇರಿ ಹಣ್ಣು, ತರಕಾರಿ ಬೆಲೆ ದುಬಾರಿಯಾಗಿದೆ ಎಂದು ವರ್ತಕರು ತಿಳಿಸಿದ್ದಾರೆ.
ಮೊನ್ನೆ ಮೊನ್ನೆಯಷ್ಟೇ ಕೈಗೆಟಕುವ ಬೆಲೆಯಲ್ಲಿದ್ದ ಹೂವು ಹಬ್ಬ ಸಮೀಪಿಸುತ್ತಿದ್ದಂತೆ ತುಟ್ಟಿಯಾಗಿದೆ. ಸುಗಂಧರಾಜ ಹೂವಿನ ಹಾರ 300 ರೂ. ದರಕ್ಕೆ ಮಾರಾಟವಾಗುತ್ತಿದೆ. ಕೆ.ಆರ್.ಮಾರುಕಟ್ಟೆಯಲ್ಲಿ ಗೌರಿಬಿದನೂರು, ಮೈಸೂರು ಮತ್ತಿತರ ಭಾಗಗಳಿಂದ ಬರುತ್ತಿರುವ ಸೇವಂತಿ ಹೂವು ಕೆಜಿಗೆ 200 ರೂ.250 ರೂ, ಚೆಂಡು ಹೂ ಕೆಜಿಗೆ 60 ರೂ.80 ರೂ. ಬೆಲೆಯಿದೆ. ತಮಿಳುನಾಡಿನಿಂದ ಬರುತ್ತಿರುವ ಮಲ್ಲಿಗೆ ಮೊಗ್ಗು ಕೆಜಿಗೆ 600 ರೂ ಇದೆ. ಕನಂಕಾಂಬರ ಬೆಲೆ ಕೂಡ ಹೆಚ್ಚಾಗಿದ್ದು ಕೆಜಿಗೆ 1 ಸಾವಿರ ತಲುಪಿದೆ.
