ಒಬ್ಬಳಿಗಾಗಿ ಇಬ್ಬರ ಕಿತ್ತಾಟ; ಯುವಕನನ್ನು ಥಳಿಸಿ ಮೂತ್ರ ವಿಸರ್ಜಿಸಿದರು

ಅಮರಾವತಿ: ಹುಡುಗಿಯನ್ನು ಪ್ರೀತಿಸುತ್ತಿದ್ದ ಎಂಬ ಕಾರಣಕ್ಕೆ ಯುವಕರ ಗುಂಪೊಂದು ಎಸ್​ಟಿ ಸಮುದಾಯಕ್ಕೆ ಸೇರಿದ ಯುವಕನನ್ನು ಮನಬಂದಂತೆ ಥಳಿಸಿ ಆತನ ಮೇಲೆ ಮೂತ್ರ ವಿಸರ್ಜನೆ ಮಾಡಿರುವ ಘಟನೆ ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಓಂಗೋಲ್​ನಲ್ಲಿ ನಡೆದಿದೆ.

ಪ್ರಕರಣ ಸಂಬಂಧ ಪೊಲೀಸರು ಆರು ಮಂದಿಯನ್ನು ಬಂಧಿಸಿದ್ದು, ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಹಲ್ಲೆಗೊಳಗಾದವರನ್ನು ಮೋಟಾ ನವೀನ್ ಎಂದು ಗುರುತಿಸಲಾಗಿದೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಪ್ರಕಾಶಂ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಮಲ್ಲಿಕಾ ಗಾರ್ಗ್​ ರಾಮಾಂಜನೇಯುಲು ಹಾಗೂ ಹಲ್ಲೆಗೊಳಗಾದ ನವೀನ್​ ಇಬ್ಬರು ಸ್ನೇಹಿತರಾಗಿದ್ದು, ಅಪ್ರಾಪ್ತ ವಯಸ್ಕಳನ್ನು ಪ್ರೀತಿಸುವ ವಿಚಾರವಾಗಿ ಇಬ್ಬರ ನಡುವೆ ಜಗಳವಾಗಿದೆ. ಬಳಿಕ ನವೀನ್​ ಅಪ್ರಾಪ್ತ ವಯಸ್ಕಲೊಂದಿಗೆ ಓಡಿ ಹೋಗಿದ್ದ.

ಇದನ್ನೂ ಓದಿ: ವ್ಹೀಲಿಂಗ್ ಸ್ಟಂಟ್ ಮಾಡುವವರ ಚಾಲನಾ ಪರವಾನಗಿ ರದ್ದು: ಅಲೋಕ್​ ಕುಮಾರ್​

ಹುಡುಗಿಗಾಗಿ ಕಿತ್ತಾಟ

ಈ ಸಂಬಂಧ ನವೀನ್​ ಜಾಮೀನಿನ ಮೇಲೆ ಹೊರ ಬಂದಿದ್ದ. ಬಳಿಕ ಅಪ್ರಾಪ್ತ ವಯಸ್ಕಳೊಂದಿಗಿನ ಸಂಬಂಧವನ್ನು ಮುಂದುವರೆಸಿದ್ದ. ಇದಿರಂದ ಕುಪಿತಗೊಂಡಿದ್ದ ರಾಮಾಂಜನೇಯುಲು ನವೀನ್​ ಜೊತೆ ಜಗಳವಾಡಿ ಇಬ್ಬರು ಮಾತನಾಡುವುದನ್ನು ಬಿಟ್ಟಿದ್ದರು. ಕೆಲ ದಿನಗಳು ಕಳೆದ ನಂತರ ರಾಮಾಂಜನೇಯುಲು ನವೀನ್​ಗೆ ಕರೆ ಮಾಡಿ ಮಾತನಾಡಬೇಕು ಎಂದು ಕರೆಸಿಕೊಂಡಿದ್ದಾನೆ.

ಮಾತನಾಡುವ ನೆಪದಲ್ಲಿ ಆರೋಪಿ ಸಂತ್ರಸ್ತನನ್ನು ಕರೆಸಿಕೊಂಡಿದ್ದು, ಇಬ್ಬರು ಚೆನ್ನಾಗಿ ಕುಡಿದಿದ್ದಾರೆ. ಇದಾದ ಕೆಲ ಹೊತ್ತಿನ ಬಳಿಕ ರಾಮಾಂಜನೇಯುಲು ತನ್ನ ಸ್ನೇಹಿತರ ಜತೆಗೂಡಿ ಪಾನಮತ್ತನಾಗಿದ್ದ ನವೀನ್​ ಮೇಲೆ ಹಲ್ಲೆ ನಡೆಸಿ ಮೂತ್ರ ವಿಸರ್ಜನೆ ಮಾಡಿ ಪರಾರಿಯಾಗಿದ್ದಾರೆ.

ಈ ಸಂಬಂಧ ಆರು ಮಂದಿಯನ್ನು ಬಂಧಿಸಲಾಗಿದ್ದು, ಇನ್ನಿಬ್ಬರು ತಲೆಮಾರಿಸಿಕೊಂಡಿದ್ದಾರೆ. ಈ ಸಂಬಂಧ ವಿಶೇಷ ತಂಡ ಒಂದನ್ನು ರಚಿಸಲಾಗಿದೆ ಎಂದು ಪ್ರಕಾಶಂ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಮಲ್ಲಿಕಾ ಗಾರ್ಗ್ ತಿಳಿಸಿದ್ದಾರೆ.

https://www.vijayavani.net/pilot-husband-thrashed-by-mob-for-employing-torturing-10-year-old-girl

https://www.vijayavani.net/best-legislators-award-presented-to-sr-patil-and-srikantegowda