ಪುನೀತ್ ರಾಜಕುಮಾರ್ ನೆನೆದು ಭಾವುಕರಾದ ನಾಯಕ ದಕ್ಷ, ‘ಅಪ್ಪು ಸರ್ ಇದ್ದಿದ್ದರೆ ಖಂಡಿತವಾಗಿಯೂ ನಮಗೆ ಬೆನ್ನೆಲುಬಾಗಿ ನಿಲ್ಲುತ್ತಿದ್ದರು. ಆದರೆ, ನಮಗೆ ಆ ಅದೃಷ್ಟವಿಲ್ಲ. ಹೀಗಾಗಿಯೇ ಅವರ ಸ್ಮಾರಕಕ್ಕೆ ಭೇಟಿ ನೀಡಿ ನಮಿಸಿ ಬಂದು, ರಿಲೀಸ್ ಡೇಟ್ ಅನೌನ್ಸ್ ಮಾಡುತ್ತಿದ್ದೇವೆ’ ಎಂದರು. ನಿರ್ದೇಶಕ ಬಿಲ್ಲೂರು ಸುರೇಶ್, ‘ಸಿನಿಮಾ ಮೇಲಿನ ಅತಿಯಾದ ಪ್ರೀತಿ ಮತ್ತು ಆಸಕ್ತಿಯಿಂದ ಈ ಚಿತ್ರ ಮಾಡಿದ್ದೇವೆ. ಕಣ್ಣುಗಳ ಮಹತ್ವ ಸಾರುವ, ಸಸ್ಪೆನ್ಸ್ ಥ್ರಿಲ್ಲರ್ ಜಾನರ್ ಕಥೆಯಿರುವ ಸಿನಿಮಾ. ಕುತೂಹಲ ಮೂಡಿಸುತ್ತಾ ಜರ್ನಿಯ ಜತೆ ಸಾಗುವ ಸಿನಿಮಾ. ‘ನೇತ್ರಂ’ ಶೂಟಿಂಗ್ ಬೇಗನೇ ಮುಗಿದಿತ್ತು. ಆದರೆ, ಕರೊನಾದಿಂದಾಗಿ ಸ್ವಲ್ಪ ತಡವಾಗಿದೆ’ ಎಂದು ಮಾಹಿತಿ ನೀಡಿದರು.
