ಪ್ಲೇಆಫ್​ ಕನಸು ಭಗ್ನ! ಧೋನಿ ಬದಲಿಗೆ ಈತನೇ ಕ್ಯಾಪ್ಟನ್ ಆಗಬೇಕಿತ್ತು: 'ಬಜ್ಜಿ' ಗರಂ | CSK

CSK: ಐಪಿಎಲ್​ 18ನೇ ಆವೃತ್ತಿಯ ಮೊದಲಾರ್ಧ ಇದೀಗ ಮುಕ್ತಾಯಗೊಂಡಿದ್ದು, 8 ಪಂದ್ಯಗಳನ್ನಾಡಿರುವ ಚೆನ್ನೈ ಸೂಪರ್ ಕಿಂಗ್ಸ್​ ತಂಡ ಅತ್ಯಂತ ಕಳಪೆ ಪ್ರದರ್ಶನ ನೀಡಿದೆ. ಕೇವಲ ಎರಡು ಪಂದ್ಯ ಗೆದ್ದಿದ್ದು ಬಿಟ್ಟರೆ ಇನ್ನುಳಿದ ಪಂದ್ಯಗಳನ್ನೆಲ್ಲ ಐದು ಬಾರಿ ಚಾಂಪಿಯನ್ಸ್ ತಂಡ ಹೀನಾಯವಾಗಿ ಸೋತಿದೆ. ಹಲವಾರು ವರ್ಷಗಳಿಂದ ಬಲಿಷ್ಠ ಫ್ರಾಂಚೈಸಿಯಾಗಿ ಮೆರೆದಿರುವ ಸಿಎಸ್​ಕೆ, ಇದೇ ಮೊದಲ ಬಾರಿಗೆ ಕಳಪೆಯಲ್ಲೇ ತೀರ ಕಳಪೆ ಪ್ರದರ್ಶನ ನೀಡಿ, ಕ್ರಿಕೆಟ್​ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ ಹಣ್ಣು ತಿನ್ನುತ್ತೀರಾ? ಹಾಗಾದ್ರೆ ಅದರಿಂದ ನಿಮಗೆ ಅಪಾಯ ಆಗಬಹುದು ಎಚ್ಚರ! Eating fruits

ಕ್ಯಾಪ್ಟನ್ ಬದಲಾದರೂ ಗೆಲುವಿಲ್ಲ

ಆರಂಭದಿಂದ ರುತುರಾಜ್ ಗಾಯಕ್ವಾಡ್​ ನಾಯಕನಾಗಿ ತಂಡವನ್ನು ಮುನ್ನಡೆಸಿಕೊಂಡು ಬಂದರೆ, ಕಳೆದ ಮೂರು ಪಂದ್ಯಗಳಿಂದ ಮಾಜಿ ನಾಯಕ, ದಿಗ್ಗಜ ಮಹೇಂದ್ರ ಸಿಂಗ್ ಧೋನಿ ಮತ್ತೊಮ್ಮೆ ಕ್ಯಾಪ್ಟನ್ ಆಗಿ ತಂಡವನ್ನು ಮುನ್ನಡೆಸಿದ್ದಾರೆ. ಇಷ್ಟಾದರೂ ಸಿಎಸ್​ಕೆ ಗೆಲುವಿನ ಲಯಕ್ಕೆ ಮರಳಲು ಸಾಧ್ಯವಾಗುತ್ತಿಲ್ಲ. ಧೋನಿ ನಾಯಕತ್ವದಲ್ಲಿ ಐದು ಬಾರಿ ಚಾಂಪಿಯನ್ಸ್​ ಆಗಿ ಮಿಂಚಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಇದೇ ಮೊದಲ ಬಾರಿಗೆ ಅಂಕಪಟ್ಟಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನದಿಂದ ಪ್ರಸ್ತುತ ಕೊನೆ ಸ್ಥಾನದಲ್ಲಿ ಉಳಿದುಕೊಂಡಿದೆ.

ಎಂ.ಎಸ್​. ಧೋನಿ ಅವರ ನಾಯಕತ್ವದಿಂದ ಏನಾದರೂ ಬದಲಾವಣೆ ಕಾಣಿಸಬಹುದು, ಸಿಎಸ್​ಕೆ ಸತತ ಗೆಲುವಿನ ಮೂಲಕ ಪುಟಿದೇಳಬಹುದು ಎಂದು ಫ್ರಾಂಚೈಸಿ ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದರೆ, 8 ಪಂದ್ಯಗಳನ್ನಾಡಿರುವ ಸಿಎಸ್​ಕೆ, 2 ಪಂದ್ಯಗಳನ್ನು ಹೊರತುಪಡಿಸಿ ಇನ್ನೆಲ್ಲ ಪಂದ್ಯವನ್ನು ಸೋತಿದೆ. ಇದು ಐದು ಬಾರಿ ಚಾಂಪಿಯನ್ಸ್​ ತಂಡಕ್ಕೆ ಪ್ಲೇಆಫ್​ ಕನಸು ಭಗ್ನ ಎಂಬುದನ್ನು ಬಹತೇಕ ಖಚಿತಪಡಿಸಿದೆ. ಈ ಕುರಿತು ಕಿಡಿಕಾರಿರುವ ಟೀಮ್ ಇಂಡಿಯಾ ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್​, "ಧೋನಿ ಬದಲಿಗೆ ಸುರೇಶ್ ರೈನಾ ಕ್ಯಾಪ್ಟನ್ ಆಗಬೇಕಿತ್ತು" ಎಂದಿದ್ದಾರೆ.

ಇದನ್ನೂ ಓದಿ: ಸತತ 8 ಗಂಟೆಗಳ ಹುಡುಕಾಟ! 75ಕ್ಕೂ ಅಧಿಕ ಮಂಡಲಹಾವು ಮರಿ ಸೆರೆ | Baby Vipers

15 ವರ್ಷಗಳ ಕೊಡುಗೆ

"ಸುರೇಶ್​ ರೈನಾ ಇನ್ನು ಮೂರು ವರ್ಷ ಸಿಎಸ್​ಕೆ ಪರ ಆಡಬೇಕಿತ್ತು. ಮೊದಲಿಗೆ ಅವರನ್ನು ತಂಡ ಉಳಿಸಿಕೊಳ್ಳುವ ಪ್ರಯತ್ನ ಮಾಡಲಿಲ್ಲ. ಇದು ರೈನಾ ಐಪಿಎಲ್​ ನಿವೃತ್ತಿಗೆ ಕಾರಣವಾಯಿತು. 15 ವರ್ಷಗಳಿಂದ ಚೆನ್ನೈ ತಂಡವನ್ನು ಪ್ರತಿನಿಧಿಸಿದ ರೈನಾಗೆ ಚೆನ್ನೈ ತಂಡದ ಜವಾಬ್ದಾರಿಯನ್ನು ವಹಿಸಬಹುದಿತ್ತು. ಈ ಹಿಂದೆ ಸಿಎಸ್​ಕೆಗೆ ಆತ ಮಾಜಿ ನಾಯಕನಾಗಿದ್ದ. ಆದರೆ, ಒಮ್ಮೆಯೂ ಆತನಿಗೆ ಕ್ಯಾಪ್ಟನ್ಸಿ ಅವಕಾಶ ಸಿಗಲಿಲ್ಲ" ಎಂದು ಬಜ್ಜಿ ಹೇಳಿದ್ದಾರೆ.

ಪ್ಲೇಆಫ್​ಗೆ ಹೋಗುವುದಿಲ್ಲ

"ನಾನು ಬಹಳ ಖಚಿತವಾಗಿ ಹೇಳುತ್ತೀನಿ, ಈ ಬಾರಿಯ ಐಪಿಎಲ್​ನಲ್ಲಿ ಸಿಎಸ್​ಕೆ ಪ್ಲೇಆಫ್​ಗೆ ಎಂಟ್ರಿ ಕೊಡುವುದಿಲ್ಲ. ಆಟದ ದಿಕ್ಕು ಸಂಪೂರ್ಣ ಬದಲಾಗಿದೆ. ಇವರಿಗಿಂತ ಮುಂದೋಗಿದೆ. ಕೇವಲ ತವರಿನಲ್ಲಿ ಗೆದ್ದರೆ ಸಾಲುವುದಿಲ್ಲ. ಇತರೆ ಪಿಚ್​ಗಳಲ್ಲಿಯೂ ಗೆಲುವು ಸಾಧಿಸಬೇಕು" ಎಂದು ಹರ್ಭಜನ್​ ಸಿಎಸ್​ಕೆ ವಿರುದ್ಧ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ,(ಏಜೆನ್ಸೀಸ್).

https://www.vijayavani.net/basit-ali-gives-verdict-about-vaibhav-suryavanshi