ದುಬೈ: ಯುವ ವೇಗಿಗಳಾದ ದೀಪಕ್ ಚಹರ್ ಹಾಗೂ ರುತುರಾಜ್ ಗಾಯಕ್ವಾಡ್ ಸೇರಿದಂತೆ 13 ಮಂದಿಗೆ ಕರೊನಾ ವೈರಸ್ ಕಾಣಿಸಿಕೊಂಡಿರುವುದರಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಕರೊನಾಘಾತದಿಂದ ತತ್ತರಿಸಿದೆ. ಇದರಿಂದಾಗಿ ಕ್ವಾರಂಟೈನ್ ಅವಧಿಯನ್ನೂ ವಿಸ್ತರಿಸಿಕೊಂಡಿರುವ ಸಿಎಸ್ಕೆ, ದುಬೈನಲ್ಲಿರುವ ತಾಜ್ ಹೋಟೆಲ್ನಲ್ಲಿ ಕ್ವಾರಂಟೈನ್ ಮುಂದುವರಿಸಿದೆ. ಇದರ ಮಧ್ಯೆ ಎಸ್ಕೆ ತಂಡ ಪ್ರಮುಖ ಆಲ್ರೌಂಡರ್ ರವೀಂದ್ರ ಜಡೇಜಾ ಅಭಿಮಾನಿಗಳಿಂದ ಮತ್ತೊಮ್ಮೆ ಟ್ರೋಲ್ ಆಗಿದ್ದಾರೆ. ‘ಚಿಲ್ಲಿಂಗ್ ವಿತ್ ಮೈ ಸೆಲ್ಫ್’ ಎಂದು ಬರೆದುಕೊಂಡು ಕಾಫಿ ಮಗ್ ಹಿಡಿದಿರುವ ತಮ್ಮ ಫೋಟೋವನ್ನು ಜಡೇಜಾ ಇನ್ಸ್ಟಾಗ್ರಾಂನಲ್ಲಿ ಪ್ರಕಟಿಸಿದ್ದರು. ಜತೆಗೆ ಚಿತ್ರ ಹೇಗಿದೆ ಎಂದು ಜಡೇಜಾ ಅಭಿಮಾನಿಗಳನ್ನು ಕೇಳಿದ್ದರು. ಆದರೆ ಈ ಫೋಟೋ ಟ್ರೋಲ್ಗೆ ಒಳಗಾಗಿದೆ.
