ನೆಗೆಟಿವ್​ನಲ್ಲೂ ಪಾಸಿಟಿವ್!; ಕರೊನಾ ವೈರಸ್​ಗೆ ಹೆದರಿದರಾ ಕೊಲೆಗಡುಕರು, ಕಳ್ಳರು, ದರೋಡೆಕೋರರು?!

ಬೆಂಗಳೂರು: ಸದ್ಯಕ್ಕೆ ಕೋವಿಡ್​-19 ಪಾಸಿಟಿವ್ ಎನಿಸಿಕೊಳ್ಳುವುದೇ ದೊಡ್ಡ ನೆಗೆಟಿವ್​. ಆದರೆ ಈ ನೆಗೆಟಿವ್​ನಲ್ಲೂ ಒಂದು ಪಾಸಿಟಿವ್ ಕಂಡುಬಂದಿದೆ. ಅದೇನೆಂದರೆ ಕರೊನಾ ಕೇಸ್​ ಹೆಚ್ಚಳವಾಗುತ್ತಿದ್ದಂತೆ ಹಾಗೂ ಆ ಸಂಬಂಧ ವಿಧಿಸಲಾಗಿರುವ ನೈಟ್​ ಕರ್ಫ್ಯೂ ಮತ್ತು ಲಾಕ್​ಡೌನ್​ನಿಂದಾಗಿ ಅಪರಾಧ ಪ್ರಕರಣಗಳು ತಗ್ಗಿವೆ.

ರಾಜಧಾನಿ ಬೆಂಗಳೂರಿನಲ್ಲಿನ ಕಳೆದ ಕೆಲವು ತಿಂಗಳ ಅದರಲ್ಲೂ ಮಾರ್ಚ್​​-ಏಪ್ರಿಲ್​-ಮೇನಲ್ಲಿನ ಅಪರಾಧ ಪ್ರಕರಣಗಳ ಅಂಕಿ-ಅಂಶಗಳ ಪ್ರಕಾರ ಮಹಾನಗರದಲ್ಲಿ ಅಪರಾಧ ಪ್ರಕರಣಗಳು ಗಣನೀಯವಾಗಿ ಕಡಿಮೆ ಆಗಿರುವುದು ಕಂಡುಬಂದಿದೆ. ಕರೊನಾ ಭೀತಿ ನಡುವೆ ಸದ್ಯಕ್ಕೆ ಅಪರಾಧ ಪ್ರಕರಣಗಳಂತೂ ತಗ್ಗಿವೆ.

ಇದನ್ನೂ ಓದಿ: ಕರ್ತವ್ಯನಿರತ ಪೊಲೀಸ್ ನಿಧನ; ಡ್ಯೂಟಿಯಲ್ಲಿದ್ದಾಗಲೇ ತಲೆಸುತ್ತು ಬಂದು ಬಿದ್ದ ಹೆಡ್​ ಕಾನ್ಸ್​ಟೆಬಲ್​

ಇದೇ ವರ್ಷ ಫೆಬ್ರವರಿಯಲ್ಲಿ ಹೆಚ್ಚಿನ ಪ್ರಮಾಣದಲ್ಲಿದ್ದ ಅಪರಾಧ ಪ್ರಕರಣಗಳು ಮಾರ್ಚ್, ಏಪ್ರಿಲ್, ಮೇ ತಿಂಗಳಲ್ಲಿ ಮೂರು ಪಟ್ಟು ಕಡಿಮೆ ಆಗಿವೆ. ಮಾರ್ಚ್​ನಲ್ಲಿ 3,358, ಏಪ್ರಿಲ್​ನಲ್ಲಿ 2,208 ಪ್ರಕರಣಗಳು ದಾಖಲಾಗಿವೆ. ಇದು ಜನವರಿ-ಫೆಬ್ರವರಿ ತಿಂಗಳಲ್ಲಿ ವರದಿಯಾಗಿದ್ದ ಅಪರಾಧ ಪ್ರಕರಣಗಳಿಗೆ ಹೋಲಿಸಿದರೆ ಮೂರು ಪಟ್ಟು ಕಡಿಮೆ. ಅದರಲ್ಲೂ ಈ ತಿಂಗಳ ಕಳೆದ 13 ದಿನಗಳಲ್ಲಿ ದಾಖಲಾಗಿರುವುದು ಬರೀ 546 ಅಪರಾಧ ಪ್ರಕರಣಗಳು. ಆ ಪೈಕಿ ಸೈಬರ್​ ಕ್ರೈಮ್​ಗೆ ಸಂಬಂಧಿತ ಪ್ರಕರಣಗಳೇ ಅಧಿಕ. ಜನವರಿ-ಫೆಬ್ರವರಿಯಲ್ಲಿ ಮಾಸಿಕ 5 ಸಾವಿರಕ್ಕೂ ಅಧಿಕ ಪ್ರಕರಣಗಳು ದಾಖಲಾಗಿದ್ದವು. ಜನವರಿಯಲ್ಲಿ 6,526, ಫೆಬ್ರವರಿ ತಿಂಗಳಲ್ಲಿ 5,642 ಅಪರಾಧ ಪ್ರಕರಣಗಳು ದಾಖಲಾಗಿವೆ.

ಇನ್ನು ಈಗ ತಗ್ಗಿರುವ ಅಪರಾಧ ಪ್ರಕರಣಳಲ್ಲಿ ಅರ್ಧಕ್ಕರ್ಧ ಪ್ರಕರಣಗಳು ಆನ್​ಲೈನ್​ ಮೂಲಕ ನಡೆದಂತಹ ವಂಚನೆಗಳು. ಹೀಗಾಗಿ ದಾಖಲಾಗಿರುವ ಅಪರಾಧ ಪ್ರಕರಣಗಳಲ್ಲಿ ಕೊಲೆ, ದರೋಡೆ, ಕಳ್ಳತನ, ಸರಗಳ್ಳತನ, ರಾಬರಿ, ಮನೆಗಳ್ಳತನ ಕೇಸ್​ಗಳ ಸಂಖ್ಯೆ ತೀರಾ ಕಡಿಮೆ ಇವೆ.

https://www.vijayavani.net/tree-fell-on-moving-bike-and-pedestrian/

https://www.vijayavani.net/mla-opposed-to-convert-school-into-covid-care-centre/