ಕೇರಳದಲ್ಲಿ ಮೂರು ವರ್ಷದ ಮಗುವಿನಲ್ಲಿ ಕೊರೊನಾ ಸೋಂಕು; ಪ್ರತ್ಯೇಕ ವಾರ್ಡ್​ನಲ್ಲಿಟ್ಟು ಚಿಕಿತ್ಸೆ

ಪತ್ತನಂತಿಟ್ಟ: ಕೇರಳದಲ್ಲಿ ಐದು ಮಂದಿಗೆ ಕೊರೊನಾ ಸೋಂಕು ತಗುಲಿದ್ದು ನಿನ್ನೆ ವರದಿಯಾಗಿದೆ. ಇಟಲಿಯಿಂದ ಮಗನೊಂದಿಗೆ ಆಗಮಿಸಿದ್ದ ದಂಪತಿ ತಮ್ಮ ಸಂಬಂಧಿಕರನ್ನು ಭೇಟಿಯಾಗಿದ್ದರು.

ಆ ಇಬ್ಬರು ಸಂಬಂಧಿಕರು ಜ್ವರದಿಂದ ಆಸ್ಪತ್ರೆಗೆ ದಾಖಲಾದಾಗಲೇ ಅವರಲ್ಲಿ ಕೊರೊನಾ ಇರುವುದು ದೃಢಪಟ್ಟಿತ್ತು. ಬಳಿಕ ದಂಪತಿಯನ್ನೂ ತಪಾಸಣೆಗೆ ಒಳಪಡಿಸಿ ಆಸ್ಪತ್ರೆಯೊಂದರ ಪ್ರತ್ಯೇಕ ವಾರ್ಡ್​ನಲ್ಲಿ ಇಟ್ಟು ಚಿಕಿತ್ಸೆ ನೀಡಲಾಗುತ್ತಿದೆ.

ಈಗ ಕೇರಳದಲ್ಲಿ ಆರನೇ ಪ್ರಕರಣ ಪತ್ತೆಯಾಗಿದೆ. ಮೂರು ವರ್ಷದ ಮಗುವಿನಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ.

ಮಗುವಿನ ಕುಟುಂಬವೂ ಇಟಲಿಯಿಂದಲೇ ಆಗಮಿಸಿತ್ತು. ಅವರು ಮಾರ್ಚ್​ 7ರಂದು ಕೊಚ್ಚಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಳಿದಿದ್ದರು. ಅಲ್ಲಿ ಸಾರ್ವತ್ರಿಕ ಸ್ಕ್ರೀನ್​ ಟೆಸ್ಟ್ ವೇಳೆ ಮಗುವಿನಲ್ಲಿ ಸೋಂಕಿನ ಲಕ್ಷಣ ಕಂಡುಬಂದಿತ್ತು. ರಕ್ತದ ಮಾದರಿ ತಪಾಸಣೆಯ ವರದಿ ಸೋಮವಾರ (ಇಂದು) ಬಂದಿದ್ದು, ಅದರಲ್ಲಿ ಕೊರೊನಾ ಇರುವುದು ದೃಢಪಟ್ಟಿದೆ.

ಸದ್ಯ ಎರ್ನಾಕುಲಂ ವೈದ್ಯಕೀಯ ಕಾಲೇಜಿನ ಪ್ರತ್ಯೇಕ ವಾರ್ಡ್​ನಲ್ಲಿ ಮಗುವಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. (ಏಜೆನ್ಸೀಸ್)

https://www.vijayavani.net/coronavirus-5-more-test-positive-in-kerala/

https://www.vijayavani.net/police-attacks-bjp-leaders-close-club/

https://www.vijayavani.net/delete-a-kotigobba-from-youtube/