ಜಿಂದಾಲ್ ಸೋಂಕಿತರ ಸಂಖ್ಯೆ ಭಾನುವಾರಕ್ಕೆ 106ಕ್ಕೆ ತಲುಪಿದೆ. ಜಿಂದಾಲ್ ನೌಕರರು ಬಳ್ಳಾರಿ, ಕುರುಗೋಡು, ಸಂಡೂರು ಹೊಸಪೇಟೆ, ಹಗರಿಬೊಮ್ಮನಹಳ್ಳಿ ಕೂಡ್ಲಿಗಿ ಸೇರಿದಂತೆ ಜಿಲ್ಲೆಯ ವಿವಿಧೆಡೆ ವಾಸವಾಗಿದ್ದು, ಎಲ್ಲೆಡೆ ಸೋಂಕಿನ ಜಾಲ ಪಸರಿಸಿದೆ. ಕೊಪ್ಪಳ ಜಿಲ್ಲೆಗೂ ಸೋಂಕು ಹಬ್ಬಿರುವ ಅನುಮಾನ ವ್ಯಕ್ತವಾಗುತ್ತಿದೆ. ಗಂಗಾವತಿ ತಾಲೂಕಿನಲ್ಲಿ ದಂಪತಿಗೆ ಇಂದು ಕರೊನಾ ದೃಢಪಟ್ಟಿದೆ. ಈ ದಂಪತಿಯ ಪುತ್ರ ಜಿಂದಾಲ್ ನಲ್ಲಿ ಕೆಲಸ ಮಾಡುತ್ತಿದ್ದು, ಪುತ್ರನಿಂದ ಸೋಂಕು ತಗುಲಿರುವ ಶಂಕೆ ವ್ಯಕ್ತವಾಗುತ್ತಿದೆ. ಜಿಂದಾಲ್ ಗೆ ಸಂಬಂಧಿಸಿ ಕಳೆದ ವಾರಕ್ಕೆ ಹೋಲಿಸಿದರೆ ಪ್ರಸ್ತುತ ಕರೊನಾ ನಿಯಂತ್ರಣದಲ್ಲಿದೆ. ಪರಿಸ್ಥಿತಿ ಇನ್ನೂ ಸುಧಾರಿಸಬೇಕಿದೆ ಎಂದು ಜೆಎಸ್ ಡಬ್ಲ್ಯೂ ಉಪಾಧ್ಯಕ್ಷ ಮಂಜುನಾಥ ಪ್ರಭು ವಿಜಯವಾಣಿ ಗೆ ತಿಳಿಸಿದರು.
