ಮೂರನೇ ಹಂತ ಆರಂಭ : ಈ ತಿಂಗಳು ರಜಾ ದಿನಗಳಲ್ಲೂ ಲಸಿಕೆ ಲಭ್ಯ

ನವದೆಹಲಿ : ಕರೊನಾ ಲಸಿಕಾ ಅಭಿಯಾನದ ಮೂರನೇ ಹಂತ ಇಂದು ಆರಂಭವಾಗಿದ್ದು, 45 ವರ್ಷ ಮೇಲ್ಪಟ್ಟ ಎಲ್ಲರೂ ಲಸಿಕೆ ಪಡೆಯಲು ಅರ್ಹತೆ ಹೊಂದಿದ್ದಾರೆ. ಸೋಂಕು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಈ ತಿಂಗಳ ಪ್ರತಿಯೊಂದು ದಿನವೂ ಸರ್ಕಾರಿ ಮತ್ತು ಖಾಸಗಿ ಲಸಿಕೆ ಕೇಂದ್ರಗಳಲ್ಲಿ ಲಸಿಕೆ ನೀಡಲಾಗುವುದು ಎನ್ನಲಾಗಿದೆ.

ಲಸಿಕಾ ಅಭಿಯಾನವು ಏಪ್ರಿಲ್​ನಲ್ಲಿ ಸರ್ಕಾರಿ ರಜಾದಿನಗಳನ್ನೂ ಒಳಗೊಂಡಂತೆ ಎಲ್ಲಾ ದಿನಗಳಲ್ಲೂ ನಡೆಯಬೇಕು ಎಂದು ಕೇಂದ್ರ ಸರ್ಕಾರವು ಎಲ್ಲಾ ರಾಜ್ಯ ಸರ್ಕಾರಗಳಿಗೆ ಸೂಚನೆ ನೀಡಿದೆ. ಕರೊನಾ ಸಂಬಂಧಿತ ಸಾವುಗಳು ಶೇ. 90 ರಷ್ಟು 45 ವರ್ಷ ಮೇಲ್ಪಟ್ಟ ಜನರಲ್ಲೇ ಕಂಡುಬಂದಿರುವುದರಿಂದ ಈ ವರ್ಗದ ಜನರು ಸೋಂಕು ಹೊಂದುವ ಅತಿ ಹೆಚ್ಚು ಅಪಾಯವನ್ನು ಹೊಂದಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಸಚಿವ ಬಿ.ಸಿ ಪಾಟೀಲ್​ಗೆ ಮನೆಯಲ್ಲೇ ಕರೊನಾ ಲಸಿಕೆ ಪ್ರಕರಣ: ತಾಲೂಕು ವೈದ್ಯಾಧಿಕಾರಿ ಅಮಾನತು!

ಮಾರ್ಚ್ 31 ರ ಬೆಳಿಗ್ಗೆ 9 ಗಂಟೆಯಿಂದ ಏಪ್ರಿಲ್ 1 ರ ಬೆಳಿಗ್ಗೆ 9 ಗಂಟೆವರೆಗಿನ 24 ಗಂಟೆಗಳಲ್ಲಿ ಭಾರತದಲ್ಲಿ 72,330 ಕರೊನಾ ಪ್ರಕರಣಗಳು ವರದಿಯಾಗಿವೆ. 2020ರ ಅಕ್ಟೋಬರ್​ನಲ್ಲಿ ಈ ರೀತಿಯ ಏರಿಕೆ ಕಂಡಿದ್ದು, ಇದೀಗ ಮತ್ತೆ ಸೋಂಕು ದರ ಏರಿರುವುದು ಕಳವಳಕ್ಕೆ ಕಾರಣವಾಗಿದೆ. ವರದಿಯಾದ ಪ್ರಕರಣಗಳಲ್ಲಿ 39,544 ಮಹಾರಾಷ್ಟ್ರದಿಂದ ದಾಖಲಾಗಿದ್ದು, ಛತ್ತೀಸಗಡದಿಂದ 4,563 ಮತ್ತು ಕರ್ನಾಟಕದಿಂದ 4,000 ಪ್ರಕರಣಗಳು ದಾಖಲಾಗಿವೆ. (ಏಜೆನ್ಸೀಸ್)

https://www.vijayavani.net/nirvana-to-give-corona-test-results-in-15-minutes/

https://www.vijayavani.net/corona-infection-increased-among-small-children/

https://www.vijayavani.net/guess-what-is-the-price-of-this-vegetable/