ಮಾಲ್​ಗೆ ಹೋಗುವ ಮಂದಿಗೆ ಕರೊನಾ ಬರೆ ! ದುಡ್ಡು ತೆತ್ತು ಪರೀಕ್ಷೆ ಮಾಡಿಸಿಕೊಳ್ಳಿ !

ಮುಂಬೈ : ಕರೊನಾ ಸೋಂಕು ಹೆಚ್ಚುತ್ತಿದ್ದರೂ ಸುಖಾಸುಮ್ಮನೇ ಶಾಪಿಂಗ್​ಗೆಂದು ಮಾಲ್​ ಕಡೆ ಹೆಜ್ಜೆ ಹಾಕುವ ಜನರು ಇನ್ನು ಮುಂದೆ ಮತ್ತೊಮ್ಮೆ ಯೋಚಿಸಬೇಕಾಗುತ್ತದೆ. ಏಕೆಂದರೆ ಮುಂಬೈ ನಗರದಲ್ಲಿ ಮಾಲ್​ಗಳನ್ನು ಪ್ರವೇಶಿಸುವ ಜನರಿಗೆ ಕರೊನಾ ಪರೀಕ್ಷೆ ನಡೆಸಲು ನಗರ ಪಾಲಿಕೆಯ ಸಿಬ್ಬಂದಿ ಕಾದು ಕೂರಲಿದ್ದಾರೆ. ಅಷ್ಟೇ ಅಲ್ಲ, ಆ ಪರೀಕ್ಷೆಯ ವೆಚ್ಚವನ್ನು ಸಹ ಅಂತಹ ಜನರಿಂದಲೇ ಪಡೆಯಲಿದ್ದಾರೆ.

ಜನರು ಓಡಾಡುವುದನ್ನು ಕಡಿಮೆ ಮಾಡಲು ಮತ್ತು ಸೋಂಕು ಪತ್ತೆ ಕಾರ್ಯವನ್ನು ತ್ವರಿತಗೊಳಿಸಲು ಬೃಹನ್​ಮುಂಬೈ ಮಹಾನಗರ ಪಾಲಿಕೆ(ಬಿಎಂಸಿ)ಯು ಜನನಿಬಿಡ ಪ್ರದೇಶಗಳಲ್ಲಿ ರಾಂಡಮ್ ಆಗಿ ಕರೊನಾ ಪರೀಕ್ಷೆ ನಡೆಸುವ ನಿರ್ಧಾರ ತೆಗೆದುಕೊಂಡಿದೆ. ರೈಲು ನಿಲ್ದಾಣ, ಬಸ್ ಡಿಪೋ, ಗಲ್ಲಿ ಮಾರ್ಕೆಟ್, ಮಾಲ್​ ಮುಂತಾದೆಡೆ ಯಾವುದೇ ವ್ಯಕ್ತಿಯನ್ನು ನಿಲ್ಲಿಸಿ ಕರೊನಾ ಪರೀಕ್ಷೆಗೊಳಪಡಿಸುವ ಅಧಿಕಾರವನ್ನು ಪಾಲಿಕೆ ಸಿಬ್ಬಂದಿಗೆ ನೀಡಲಾಗಿದೆ. ರಾಪಿಡ್ ಆ್ಯಂಟಿಜನ್ ಟೆಸ್ಟಿಂಗ್ ಮೂಲಕ ನಡೆಸಲಾಗುವ ಈ ಪರೀಕ್ಷೆಗೆ ಜನರ ಅನುಮತಿ ಬೇಕಿಲ್ಲ. ಬಿಎಂಸಿ ಸಿಬ್ಬಂದಿ ಪರೀಕ್ಷೆ ಮಾಡಿಸಲು ಆಯ್ಕೆ ಮಾಡಿದಲ್ಲಿ, ಅದು ಕಡ್ಡಾಯವಾಗಿರುತ್ತದೆ.

ಇದನ್ನೂ ಓದಿ: ಮನೆ-ಸೈಟು ಮಾರಾಟದ ಮೋಸಕ್ಕೆ ಬ್ರೇಕ್! 100 ವಾರ್ಡ್‌ಗಳಲ್ಲಿ ಇ-ಆಸ್ತಿ ಸಾಫ್ಟ್​​ವೇರ್​​ ಜಾರಿ

ವಿಶೇಷವೆಂದರೆ, ಬೇರೆಲ್ಲಾ ಸ್ಥಳಗಳಲ್ಲಿ ಬಿಎಂಸಿ ನಡೆಸುವ ಈ ರಾಂಡಮ್ ಪರೀಕ್ಷೆ ಉಚಿತವಾಗಿ ನಡೆಯಲಿದೆ. ಆದರೆ, ಮಾಲ್​ಗಳಲ್ಲಿ ಮಾತ್ರ ಪರೀಕ್ಷೆಯ ವೆಚ್ಚವನ್ನು ಜನರೇ ಭರಿಸಬೇಕಾಗಿದೆ. ಮಾಲ್​ ಪ್ರವೇಶಿಸಿದ ಮೇಲೆ ಪಾಲಿಕೆ ಸಿಬ್ಬಂದಿ ಪರೀಕ್ಷೆ ಮಾಡಿಸಿಕೊಳ್ಳಿ ಎಂದಲ್ಲಿ, ದುಡ್ಡು ಕೊಟ್ಟು ಕಡ್ಡಾಯವಾಗಿ ಪರೀಕ್ಷೆಗೊಳಪಡಬೇಕು. ಹೀಗಾಗಿ ಮಾಲ್​ಗೆ ಹೆಜ್ಜೆಯಿಡುವ ಮುನ್ನ ಜನರು ಚೆನ್ನಾಗಿ ಯೋಚಿಸುವುದಲ್ಲದೆ ತಮ್ಮ ಜೇಬನ್ನೂ ಮತ್ತಷ್ಟು ತುಂಬಿಸಿಕೊಂಡು ಹೋಗಬೇಕಾದೀತು.

ಪರೀಕ್ಷೆ ಮಾಡಿಸಿಕೊಳ್ಳಲು ನಿರಾಕರಿಸುವುದು ಇಲ್ಲವೇ ಹಣ ಭರಿಸದಿರುವುದಕ್ಕೂ ಅವಕಾಶವಿಲ್ಲ. ಏಕೆಂದರೆ ಅದು ಸಾಂಕ್ರಾಮಿಕ ಕಾಯ್ದೆ, 1897 ರ ಅಡಿಯಲ್ಲಿ ಅಪರಾಧವಾಗುತ್ತದೆ. ಅಂತಹವರ ವಿರುದ್ಧ ಬಿಎಂಸಿ ಕಾನೂನು ಕ್ರಮ ಕೈಗೊಳ್ಳಬಹುದು. ಈ ರೀತಿಯಾಗಿ ಮುಂಬೈನ 27 ಮಾಲ್​ಗಳಲ್ಲಿ ಒಟ್ಟು 10,800 ಪರೀಕ್ಷೆಗಳನ್ನು ಪ್ರತಿದಿನ ನಡೆಸಲು ಉದ್ದೇಶಿಸಲಾಗಿದೆ. ಪ್ರತಿ ಮಾಲ್​​ನಲ್ಲಿ 400 ಜನರ ಮೇಲೆ ಕಡ್ಡಾಯ ಕರೊನಾ ಪರೀಕ್ಷೆ ನಡೆಸುವ ಟಾರ್ಗೆಟ್​ಅನ್ನು ಬಿಎಂಸಿ ಸಿಬ್ಬಂದಿಗೆ ನೀಡಲಾಗಿದೆ. (ಏಜೆನ್ಸೀಸ್)

https://www.vijayavani.net/who-is-this-mermaid-see-again/

https://www.vijayavani.net/woman-chops-off-genitals-of-man-who-tried-to-rape-her/

https://www.vijayavani.net/take-care-of-your-mouth-today-is-oral-health-day/