ನಟರಾದ ಗಣೇಶ್, ದಿಗಂತ್ ಮಂಚಾಲೆ, ರವಿಶಂಕರ್ ಗೌಡ ಮತ್ತು ನಿರ್ದೇಶಕ ಪ್ರೀತಮ್ ಗುಬ್ಬಿ ವಾಟ್ಸಾಪ್ ಕಾಲ್ ಮೂಲಕ ಒಬ್ಬರಿಗೊಬ್ಬರು ಎದುರಾಗಿದ್ದಾರೆ. ಲಾಕ್ ಡೌನ್ ಆದ ಬಗ್ಗೆ ಪರಸ್ಪರರು ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ಹೀಗೆ ನಾಲ್ಕು ಜನ ಇರುವ ಫೋಟೋದ ಸ್ಕ್ರೀನ್ಶಾಟ್ ಅನ್ನು ಗಣೇಶ್ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. ರವಿಶಂಕರ್ ಗೌಡ ಅವರ ಭಂಗಿಯನ್ನು ನೋಡಿ, ‘ಗೌಡ ಇದು ಶೂಟಿಂಗ್ ಅಲ್ಲ ಕಣೋ. ಪೇಮೆಂಟ್ ಇಲ್ಲ’ ಎಂದು ನಗೆ ಚಟಾಕಿ ಹಾರಿಸಿದ್ದಾರೆ. ನಾವು ಯಥಾ ಪ್ರಕಾರ ನೋಡಿದಂತೆ, ದಿಗಂತ್ ಜೀವನದಲ್ಲಿ ಯಾವತ್ತೂ ಮುಂಜಾವನ್ನು ನೋಡಿಲ್ಲ ಅಂತ ಕಾಣುತ್ತೆ.. ಈ ವಿಡಿಯೋ ಚಾಟ್ನ ನಿರ್ದೇಶಕರು ಪ್ರೀತಮ್ ಗುಬ್ಬಿ’ ಎಂದು ಕಾಮಿಡಿಯಾಗಿ ಕ್ಯಾಪ್ಷನ್ ನೀಡಿದ್ದಾರೆ ಗಣೇಶ್. ಕೊನೆಗೆ ಗಣೇಶ್ ಪುತ್ರಿ ಚಾರಿತ್ರ್ಯಳ ಜನ್ಮ ದಿನಕ್ಕೆ ಎಲ್ಲರೂ ಶುಭ ಕೋರಿದ್ದಾರೆ.
