ಕಾಂಗ್ರೆಸ್​ ಪಾಕ್ ಭಯೋತ್ಪಾದಕರನ್ನು ಬೆಂಬಲಿಸುತ್ತದೆ, ಒಳನುಸುಳುಕೋರರನ್ನು ರಕ್ಷಿಸುತ್ತದೆ: ಪ್ರಧಾನಿ ಮೋದಿ ವಾಗ್ದಾಳಿ| PM Modi

PM Modi: ಕಾಂಗ್ರೆಸ್ ರಾಷ್ಟ್ರವಿರೋಧಿ ಶಕ್ತಿಗಳ ಪರವಾಗಿದೆ ಮತ್ತು ಪಾಕಿಸ್ತಾನ ಪೋಷಿಸುವ ಭಯೋತ್ಪಾದಕರಿಗೆ ಬೆಂಬಲ ನೀಡುತ್ತಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಕಾಂಗ್ರೆಸ್​ ವಿರುದ್ಧ ಭಾನುವಾರ (ಸೆಪ್ಟೆಂಬರ್​,14) ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ಅಸ್ಸಾಂನ ದರ್ರಾಂಗ್‌ಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ನಮ್ಮ ವೀರ ಸೈನಿಕರೊಂದಿಗೆ ನಿಲ್ಲುವ ಬದಲು, ಕಾಂಗ್ರೆಸ್ ಒಳನುಸುಳುಕೋರರನ್ನು ಮತ್ತು ಭಾರತದ ಏಕತೆಗೆ ಬೆದರಿಕೆ ಹಾಕುವವರನ್ನು ಬೆಂಬಲಿಸಲು ಆಯ್ಕೆ ಮಾಡಿಕೊಂಡಿದೆ. ಕಾಂಗ್ರೆಸ್​ ಪದೇ ಪದೇ ರಾಷ್ಟ್ರವಿರೋಧಿ ಶಕ್ತಿಗಳಿಗೆ ರಕ್ಷಣೆ ನೀಡಿದೆ ಎಂದು ಕಿಡಿಕಾರಿದ್ದಾರೆ.

ಆಪರೇಷನ್ ಸಿಂಧೂರದ ನಂತರ ನಿನ್ನೆ ಅಸ್ಸಾಂಗೆ ನನ್ನ ಮೊದಲ ಭೇಟಿಯಾಗಿತ್ತು. ಮಾ ಕಾಮಾಕ್ಯಳ ಆಶೀರ್ವಾದದಿಂದ, ಸಿಂಧೂರ ಯಶಸ್ವಿಯಾಯಿತು. ಇಂದು ನಾನು ಈ ಪವಿತ್ರ ಭೂಮಿಯಲ್ಲಿರುವ ಮೂಲಕ ದೈವಿಕ ಸಂಪರ್ಕವನ್ನು ಅನುಭವಿಸುತ್ತಿದ್ದೇನೆ ಎಂದು ಮೋದಿ ಹೇಳಿದ್ದಾರೆ.

ಇದನ್ನೂ ಓದಿ: Election Commission Petition | ಇದು ಚುನಾವಣಾ ಆಯೋಗದ ಅಧಿಕಾರ ವ್ಯಾಪ್ತಿಯನ್ನು ಅತಿಕ್ರಮಿಸಿದಂತೆ!..;ಸುಪ್ರೀಂಗೆ ಅಫಿಡವಿಟ್​​ ಸಲ್ಲಿಸಿದ ಆಯೋಗ

ಮುಂದುವರೆದು ಮಾತನಾಡಿದ ಪ್ರಧಾನಿ ಮೋದಿ, ಭಾರತದ ಭವಿಷ್ಯದ ಭದ್ರತಾ ವಾಸ್ತುಶಿಲ್ಪಕ್ಕೆ ಸ್ಫೂರ್ತಿಯಾಗಿ ಶ್ರೀಕೃಷ್ಣನ ಸುದರ್ಶನ ಚಕ್ರವನ್ನು ಉಲ್ಲೇಖಿಸಿ ಮಾಡಿದ ಸ್ವಾತಂತ್ರ್ಯೋತ್ಸವದ ಭಾಷಣವನ್ನು ನೆನಪಿಸಿಕೊಂಡರು. ಕೆಂಪು ಕೋಟೆಯಿಂದ, ನಾನು ಚಕ್ರಧಾರಿ ಮೋಹನನನ್ನು ನೆನಪಿಸಿಕೊಂಡೆ. ಇಂದು, ಈ ಪವಿತ್ರ ಸಂದರ್ಭದಲ್ಲಿ, ರಾಷ್ಟ್ರೀಯ ಭದ್ರತೆಗಾಗಿ ಸುದರ್ಶನ ಚಕ್ರದ ನಮ್ಮ ದೃಷ್ಟಿಕೋನವನ್ನು ನಾನು ಪುನರ್​​ ಉಚ್ಚರಿಸುತ್ತೇನೆ ಎಂದು ತಿಳಿಸಿದರು.

ಅಸ್ಸಾಂ ಧೈರ್ಯದ ಕೇಂದ್ರ ಎಂದು ಕರೆದ ಪ್ರಧಾನಿ, ಈ ಸ್ಪೂರ್ತಿದಾಯಕ ಭೂಮಿಯ ಜನರ ದರ್ಶನ ಪಡೆಯುವುದು ಅದೃಷ್ಟಶಾಲಿ ಎಂದು ಹೇಳಿದ್ದಾರೆ.

ಆಸ್ಸಾಂನಲ್ಲಿ ಹಲವಾರು ಅಭಿವೃದ್ಧಿ ಯೋಜನೆಗಳನ್ನು ಅನಾವರಣಗೊಳಿಸಿದರು. ಇವುಗಳಲ್ಲಿ ದರ್ರಾಂಗ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆ, ಜಿಎನ್‌ಎಂ ಶಾಲೆ ಮತ್ತು ಬಿ.ಎಸ್ಸಿ. ನರ್ಸಿಂಗ್ ಕಾಲೇಜಿಗೆ ಶಿಲಾನ್ಯಾಸ ನೇರವೇರಿಸಲಾಯಿತು. ನಗರದ ಜನರ ದಟ್ಟಣೆಯನ್ನು ಕಡಿಮೆ ಮಾಡುವ ಮತ್ತು ನಗರ ಚಲನಶೀಲತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿರುವ ಗುವಾಹಟಿ ರಿಂಗ್ ರಸ್ತೆ ಯೋಜನೆ ಮತ್ತು ಈ ಪ್ರದೇಶದಲ್ಲಿ ಸಂಪರ್ಕವನ್ನು ಹೆಚ್ಚಿಸುವ ಮತ್ತು ಸಾಮಾಜಿಕ-ಆರ್ಥಿಕ ಬೆಳವಣಿಗೆಯನ್ನು ಉತ್ತೇಜಿಸುವ ಬ್ರಹ್ಮಪುತ್ರದ ಮೇಲೆ ಕುರುವಾ-ನರೇಂಗಿ ಸೇತುವೆಗೆ ಮೋದಿ ಅಡಿಪಾಯ ಹಾಕಿದರು.

ಇದನ್ನೂ ಓದಿ: 54 ವರ್ಷಗಳ ಬಳಿಕ ಈ ದೇಗುಲದ ಖಜಾನೆ ಓಪನ್​! ಏನಿದರ ವಿಶೇಷತೆ? ಹೀಗಿದೆ ವಿವರ | Banke Bihari Temple

ಕಳೆದ ತಿಂಗಳಿನಲ್ಲಿ ಮಾಡಿದ ಸ್ವಾತಂತ್ರ್ಯೋತ್ಸವದ ಭಾಷಣದಲ್ಲಿ, ಪ್ರಧಾನಿ ಮೋದಿ ಸುದರ್ಶನ ಚಕ್ರ ಮಿಷನ್ ಅನ್ನು ಘೋಷಿಸಿದರು. ಇದು ಅತ್ಯಾಧುನಿಕ, ಕಬ್ಬಿಣದ ಗುಮ್ಮಟದಂತಹ ರಕ್ಷಣಾ ಗುರಾಣಿಯನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸುವ ಒಂದು ದಶಕದ ಯೋಜನೆಯಾಗಿದೆ. 2035 ರ ವೇಳೆಗೆ, ನಾವು ಈ ವ್ಯವಸ್ಥೆಯನ್ನು ವಿಸ್ತರಿಸುತ್ತೇವೆ, ಆಧುನೀಕರಿಸುತ್ತೇವೆ ಮತ್ತು ಬಲಪಡಿಸುತ್ತೇವೆ. ಇದು ಭಯೋತ್ಪಾದಕ ದಾಳಿಯಿಂದ ನಮ್ಮನ್ನು ರಕ್ಷಿಸುವುದಲ್ಲದೆ, ನಿರ್ಣಾಯಕವಾಗಿ ಪ್ರತಿದಾಳಿ ಮಾಡುತ್ತದೆ ಎಂದು ಮೋದಿ ಹೇಳಿದರು. ರಕ್ಷಣಾ ತಂತ್ರಜ್ಞಾನದಲ್ಲಿ ಸಂಪೂರ್ಣ ಸ್ವಾವಲಂಬನೆಯನ್ನು ಸಾಧಿಸುವ ಭಾರತದ ಗುರಿಯನ್ನು ಮೋದಿ ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/we-dont-participate-in-wars-china-hits-back-at-trump-tariff-threat