2020ರಲ್ಲಿ ಶ್ರೀಕಿಯನ್ನು ಮಾಜಿ ಶಾಸಕರ ಮಗನ ಜೊತೆಗೆ ಡ್ರಗ್ಸ್ ಕೇಸ್ ನಲ್ಲಿ ನಾವು ಬಂಧಿಸಿದ್ದೇವೆ. ಆತನನ್ನು ವಿಚಾರಣೆಗೊಳಪಡಿಸಿದಾಗ ಅಂತರಾಷ್ಟ್ರೀಯ ಹ್ಯಾಕರ್ ಎಂದು ತಿಳಿದುಬಂತು. ಬಳಿಕ ಇಂಟರ್ ಪೋಲ್, ಇಡಿಗೆ ಮಾಹಿತಿ ನೀಡಿ ಪಾರದರ್ಶಕವಾಗಿ ಶ್ರೀಕಿಯನ್ನು ವಿಚಾರಣೆಗೊಳಪಡಿಸಿದ್ದೇವೆ. ಕಾಂಗ್ರೆಸ್ಸಿಗರು ಬೊಬ್ಬೆ ಹೊಡೆಯುತ್ತಿದ್ದಾರೆ. ಸಾಕ್ಷ್ಯಗಳನ್ನು ನೀಡಲಿ ನಾವು ಯಾರನ್ನು ಬೇಕಾದರೂ ವಿಚಾರಣೆಗೊಳಪಡಿಸುತ್ತೇವೆ. ಇಂಟರ್ಪೋಲ್ನವರು ಏನೂ ಮಾಡಲಿಲ್ಲ, ಹಾಗಾಗಿ ಆತ ಬಿಡುಗಡೆಯಾದ. ಇಡಿ ತನಿಖೆ ನಡೆಸುತ್ತಿದೆ. ಆದರೆ ಕೋರ್ಟ್ ಬಿಡುಗಡೆ ಮಾಡಿದೆ. ಶ್ರೀಕಿ ವಿರುದ್ಧ ಎಷ್ಟು ಪ್ರಕರಣ ದಾಖಲಿಸಲು ಸಾಧ್ಯವೋ ಅಷ್ಟು ಪ್ರಕರಣ ದಾಖಲಿಸಿದ್ದೇವೆ. ಉನ್ನತ ತನಿಖೆ ಅಗತ್ಯವಿದ್ದರೆ ಅದಕ್ಕೂ ನಾವು ಸಿದ್ದರಿದ್ದೇವೆ. ಶ್ರೀಕಿ ವಿಚಾರಣೆಯಲ್ಲಿ ಸಿಕ್ಕ ಎಲ್ಲ ಮಾಹಿತಿಯನ್ನು ನಾವು ಕೋರ್ಟಿಗೆ ನೀಡಿದ್ದೇವೆ ಎಂದು ಜ್ಞಾನೇಂದ್ರ ಹೇಳಿದರು.
