ಇನ್ನೂ 2 ವರ್ಷ ಐಪಿಒ ಹವಾ

ಜಾಗತಿಕ ಐಪಿಒ ಮಾರುಕಟ್ಟೆಯಲ್ಲಿ ಕಳೆದ ವರ್ಷ 2,388 ಐಪಿಒಗಳು ಬಿಡುಗಡೆಯಾಗಿದ್ದು, 453.3 ಶತಕೋಟಿ ಡಾಲರ್​ ಬಂಡವಾಳ ಕ್ರೋಡಿಕರಣವಾಗಿತ್ತು. 2020ಕ್ಕೆ ಹೋಲಿಸಿದರೆ ಇದು ಶೇ.60 ಹೆಚ್ಚು. ಭಾರತದಲ್ಲಿ 63 ಕಂಪನಿಗಳು 1.19 ಲಕ್ಷ ಕೋಟಿ ರೂಪಾಯಿಯನ್ನು ಐಪಿಒ ಮೂಲಕ ಸಂಗ್ರಹಿಸಿದ್ದವು. ಇದು 2020ಕ್ಕೆ ಹೋಲಿಸಿದರೆ (26,628 ಕೋಟಿ ರೂ.) ನಾಲ್ಕು ಪಟ್ಟು ಹೆಚ್ಚು. ಈ ವರ್ಷದ ಟ್ರೆಂಡ್​ ಈಗಾಗಲೆ ಬಹಿರಂಗವಾಗಿದ್ದು, ಐಪಿಒ ವರ್ಷಧಾರೆ ಮುಂದುವರಿಯುವ ಸಾಧ್ಯತೆ ದಟ್ಟವಾಗಿದೆ.

| ಉಮೇಶ್​ ಕುಮಾರ್​ ಶಿಮ್ಲಡ್ಕ ಬೆಂಗಳೂರು

ಸಾರ್ವಜನಿಕ ಹೂಡಿಕೆದಾರರಿಂದ ನಿಧಿ ಸಂಗ್ರಹಿಸುವುದಕ್ಕಾಗಿ ಕಂಪನಿಗಳು ಐಪಿಒಗಳನ್ನು ಬಿಡುಗಡೆ ಮಾಡುವ ಪರಿಪಾಠ ನಾಲ್ಕೂವರೆ ದಶಕಗಳಿಂದ ಚಾಲ್ತಿಯಲ್ಲಿದೆ. ಕಳೆದ ಎರಡು ಮೂರು ವರ್ಷಗಳಲ್ಲಿ ಐಪಿಒಗಳ ಸಂಖ್ಯೆ ಮತ್ತು ನಿಧಿ ಸಂಗ್ರಹ ಪ್ರಮಾಣದಲ್ಲಿ ಭಾರಿ ಏರಿಕೆ ಆಗಿದೆ. ಕಾರಣ ಇಷ್ಟೆ & ಜಗತ್ತಿನಲ್ಲೇ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಅರ್ಥವ್ಯವಸ್ಥೆಗಳ ಪೈಕಿ ಭಾರತವೂ ಒಂದು. ಡಿಜಿಟಲ್​ ಸೇವೆಗಳನ್ನು ಬಳಸುವ ಪ್ರಮಾಣವೂ ಪ್ರವಾಗಿ ಏರುತ್ತಲೇ ಇದೆ. ಕೋವಿಡ್​ 19 ಸಂಕಷ್ಟದಿಂದ ಆಗಿರುವ ಅಡಚಣೆಗಳ ಕಾರಣ ಇದರ ವೇಗ ಇನ್ನಷ್ಟು ಹೆಚ್ಚಾಗಿದೆ. ಡಿಜಿಟಲ್​ ಸೇವೆಗಳಿಂದಾಗಿ ಟೆಕ್​, ಮಿಡಿಯಾ ಮತ್ತು ಟೆಲಿಕಾಂ (ಟಿಎಂಟಿ) ಕಂಪನಿಗಳ ವ್ಯವಹಾರ ಬಹಳಷ್ಟು ಹೆಚ್ಚಾಗಿದೆ. ಗ್ಲೋಬಲ್​ ಡೇಟಾ ಪ್ರಕಟಿಸಿರುವ ವರದಿ ಪ್ರಕಾರ, ಭಾರತದಲ್ಲಿ 2021ರಲ್ಲಿ 15 ಟಿಎಂಟಿ ಕಂಪನಿಗಳು ಇನಿಷಿಯಲ್​ ಪಬ್ಲಿಕ್​ ಆರಿಂಗ್​ (ಐಪಿಒ) ಬಿಡುಗಡೆ ಮಾಡಿವೆ. ಪೇಟಿಎಂ (ಫಿನ್​ಟೆಕ್​), ಜೊಮ್ಯಾಟೊ (ಇಕಾಮರ್ಸ್​), ಕಾರ್​

ಟ್ರೇಡ್​ (ಇಕಾಮರ್ಸ್​), ಆಪ್ಟಸ್​ ವ್ಯಾಲ್ಯೂ ಹೌಸಿಂಗ್​ ಫೈನಾನ್ಸ್​ (ಫಿನ್​ಟೆಕ್​), ರೇಟ್​ ಗೇನ್​ (ಕ್ಲೌಡ್​), ಈಸಿ ಟ್ರಿಪ್​ (ಇಕಾ ಮರ್ಸ್​), ನೈಕಾ (ಇಕಾಮರ್ಸ್​) ಮುಂತಾದ ಕಂಪನಿಗಳ ಐಪಿಒಗಳು ಇದರಲ್ಲಿ ಸೇರಿಕೊಂಡಿವೆ. ಭಾರತದ ಐಪಿಒ ಮಾರುಕಟ್ಟೆ ಯಲ್ಲಿ ಕಳೆದ ವರ್ಷದ ಹವಾ ಇನ್ನೂ ಎರಡು ವರ್ಷ ಮುಂದುವರಿಯಲಿದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಐಪಿಒ ಮಾರುಕಟ್ಟೆಯ ಅತಿದೊಡ್ಡದು ಎಂಬ ಕೀರ್ತಿಯೊಂದಿಗೆ ಎಲ್​ಐಸಿ ಐಪಿಒ ಮಾರು ಕಟ್ಟೆ ಪ್ರವೇಶಕ್ಕೆ ಸಜ್ಜಾಗಿದ್ದು, ಇಂದು ಬಿಡ್ಡಿಂಗ್​ ಕೊನೆಗೊಳ್ಳುತ್ತಿದೆ.

ಪ್ರಮುಖ ಐಪಿಒಗಳು

ಪ್ರಸಕ್ತ ಹಣಕಾಸು ವರ್ಷ ಮಾರುಕಟ್ಟೆ ಪ್ರವೇಶಿಸುವ ಐಪಿಒಗಳ ಪೈಕಿ ನವಿ ಟೆಕ್ನಾಲಜೀಸ್​, ಪೈನ್​ ಲ್ಯಾಬ್ಸ್​, ಸ್ನಾಪ್​ಡೀಲ್​, ಡೆಲ್ಹಿವರಿ, ಡ್ರೂಮ್​, ಾಮ್​ರ್ಈಸಿ, ಓಯೋ ರೂಮ್ಸ್​, ಫ್ಲಿಪ್​ಕಾರ್ಟ್​, ಓಲಾ ಕ್ಯಾಬ್ಸ್​, ಬೈಜುಸ್​, ಸ್ವಿಗ್ಗಿ ಪ್ರಮುಖವಾದವು. ಅವುಗಳ ತಯಾರಿ ಯಾವ ಹಂತದಲ್ಲಿದೆ ಎಂಬ ವಿವರವೂ ಇಲ್ಲಿದೆ.

ನವಿ ಟೆಕ್ನಾಲಜೀಸ್​ - ಫಿನ್​ಟೆಕ್​ ನವೋದ್ಯಮವಾಗಿದ್ದು, ಗ್ರಾಹಕರಿಗೆ ವಿಮೆ, ಸಾಲ ಉತ್ಪನ್ನಗಳನ್ನು ಒದಗಿಸುತ್ತದೆ. ಇತ್ತೀಚೆಗಷ್ಟೇ ಐಪಿಒ ಬಿಡುಗಡೆಗೆ ಅರ್ಜಿ ಸಲ್ಲಿಸಿದೆ. ನವಿ ಫಿನ್​ಸರ್ವ್​ ಪೆವೇಟ್​ ಲಿಮಿಟೆಡ್​ ಮತ್ತು ನವಿ ಜನರಲ್​ ಇನ್ಶೂರೆನ್ಸ್​ ಲಿಮಿಟೆಡ್​ಗಳಲ್ಲಿ ಹೂಡಿಕೆಗೆ ಈ ಐಪಿಒ ಅವಕಾಶ ಮಾಡಿಕೊಡಲಿದೆ.

ಪೈನ್​ ಲ್ಯಾಬ್ಸ್​ - ಡಿಜಿಟಲ್​ ಪಾವತಿ ಸೇವೆ ಒದಗಿಸುವ ಕಂಪನಿ ಇದಾಗಿದ್ದು, 2022ರ ಜನವರಿಯಲ್ಲೇ ಅಮೆರಿಕದ ಷೇರುಪೇಟೆಯಲ್ಲಿ ಲಿಸ್ಟಿಂಗ್​ಗಾಗಿ ಅರ್ಜಿ ಸಲ್ಲಿಸಿದೆ. ಜೂನ್​ ಒಳಗೆ ಈ ಐಪಿಒ ಬಿಡುಗಡೆ ಆಗುವ ಸಾಧ್ಯತೆಗಳಿವೆ. ಪೈನ್​ಲ್ಯಾಬ್ಸ್​ನ ಮಾರುಕಟ್ಟೆ ಮೌಲ್ಯ 5.5 ಶತಕೋಟಿ ಡಾಲರ್​ ಎಂದು ಅಂದಾಜಿಸಲಾಗಿದೆ.

ಸ್ನಾಪ್​ಡೀಲ್​- ಇದು ಆನ್​ಲೈನ್​ ರಿಟೇಲ್​ ಕಂಪನಿ. ಕಳೆದ ವರ್ಷ ಡಿಸೆಂಬರ್​ನಲ್ಲೇ 165 ದಶಲಕ್ಷ ಡಾಲರ್​ ಹಣ ಸಂಗ್ರಹ ಮಾಡುವ ಉದ್ದೇಶದೊಂದಿಗೆ ಐಪಿಒ ಬಿಡುಗಡೆಗೆ ಅರ್ಜಿ ಸಲ್ಲಿಸಿದೆ. ಲಾಜಿಸ್ಟಿಕ್ಸ್​ ಸಾಮರ್ಥ್ಯ ವೃದ್ಧಿ ಮತ್ತು ಕಂಪನಿಯ ಟೆಕ್​ ಮೂಲಸೌಕರ್ಯ ಸುಧಾರಣೆಗಾಗಿ ಂಡ್​ ಸಂಗ್ರಹಿಸುತ್ತಿದೆ. ಅಲ್ಲದೆ, ಮಾರುಕಟ್ಟೆ ಮೌಲ್ಯವನ್ನು 200 ಕೋಟಿ ಡಾಲರ್​ಗೆ ಏರಿಸಲು ಮುಂದಾಗಿದೆ.

ಡೆಲ್ಹಿವರಿ - ಇಕಾಮರ್ಸ್​ ಲಾಜಿಸ್ಟಿಕ್ಸ್​ ಕಂಪನಿ 2021ರ ನವೆಂಬರ್​ನಲ್ಲೇ ಐಪಿಒ ಬಿಡುಗಡೆಗೆ ಅರ್ಜಿ ಸಲ್ಲಿಸಿದೆ. ಮುಂದಿನ ಮೂರು ತಿಂಗಳ ಒಳಗೆ ಷೇರುಪೇಟೆ ಲಿಸ್ಟ್​ ಸೇರ್ಪಡೆಯಾಗುವ ನಿರೀೆಯಲ್ಲಿದೆ ಕಂಪನಿ. 998 ದಶಲಕ್ಷ ಡಾಲರ್​ ನಿಧಿ ಸಂಗ್ರಹಿಸುವ ಉದ್ದೇಶ ಮತ್ತು ಕಂಪನಿಯ ಮಾರುಕಟ್ಟೆ ಮೌಲ್ಯವನ್ನು 500 ಕೋಟಿ ಡಾಲರ್​ಗೆ ಏರಿಸುವ ಕಡೆಗೆ ಗಮನಹರಿಸಿದೆ. ಈ ಕಂಪನಿಯ ಐಪಿಒ ಪ್ರಸ್ತಾವನೆಗೆ ಸೆಕ್ಯುರಿಟೀಸ್​ ಆ್ಯಂಡ್​ ಎಕ್ಸ್​ಚೇಂಜ್​ ಬೋರ್ಡ್​ ಆ್​ ಇಂಡಿಯಾ (ಸೆಬಿ ) ಅನುಮೋದನೆ ನೀಡಿದೆ.

ಡ್ರೂಮ್​ - ಈ ಆನ್​ಲೈನ್​ ಆಟೊಮೊಬೈಲ್​ ಮಾರ್ಕೆಟ್​ ಪ್ಲೇಸ್​ 2021ರ ನವೆಂಬರ್​ನಲ್ಲಿ ಐಪಿಒ ಬಿಡುಗಡೆಗೆ ಅನುಮತಿ ಕೋರಿ ಅರ್ಜಿ ಸಲ್ಲಿಸಿದೆ. ಈ ಹಣಕಾಸು ವರ್ಷದಲ್ಲೇ ಐಪಿಒ ಮಾರುಕಟ್ಟೆ ಪ್ರವೇಶಿಸಲು ಇದು ಸಜ್ಜಾಗಿದೆ. 262 ದಶಲಕ್ಷ ಡಾಲರ್​ ಹಣ ಸಂಗ್ರಹಿಸುವುದು ಇದರ ಉದ್ದೇಶ. ಈ ಹಣವನ್ನು ಕಂಪನಿಯ ಬೆಳವಣಿಗೆಗೆ ಬಳಸಲು ತೀರ್ಮಾನಿಸಿದೆ.

ಫಾಮ್​ರ್ಈಸಿ- ಇದು ಆನ್​ಲೈನ್​ ಫಾರ್ಮಸಿ ರಿಟೇಲರ್​ ಕಂಪನಿ ಆಗಿದ್ದು, 2021ರ ನವೆಂಬರ್​ನಲ್ಲೇ ಐಪಿಒಗೆ ಅರ್ಜಿ ಸಲ್ಲಿಸಿದೆ. 2022ರ ಫೆಬ್ರವರಿಯಲ್ಲಿ ಈ ಕಂಪನಿಯ ಐಪಿಒ ಪ್ರಸ್ತಾವನೆಯನ್ನು ಸೆಬಿ ಅನುಮೋದಿಸಿದೆ. ಈ ಐಪಿಒ ಮೂಲಕ 820 ದಶಲಕ್ಷ ಡಾಲರ್​ ಸಂಗ್ರಹಿಸುವ ಉದ್ದೇಶ ಹೊಂದಿದೆ. ಇದಲ್ಲದೆ, ಕಂಪನಿಯ ಮಾರುಕಟ್ಟೆ ಮೌಲ್ಯವನ್ನು 900 ಕೋಟಿ ಡಾಲರ್​ಗೆ ಏರಿಸಲು ಪ್ರಯತ್ನಿಸುತ್ತಿದೆ.

ಓಯೋ ರೂಮ್ಸ್​ - ಕೈಗೆಟಕುವ ದರದಲ್ಲಿ ಲಾಡ್ಜಿಂಗ್​ ಸೇವೆ ಒದಗಿಸುವ ಕಂಪನಿ. 2021ರ ಅಕ್ಟೋಬರ್​ನಲ್ಲೇ ಐಪಿಒ ಬಿಡುಗಡೆಗೆ ಪ್ರಸ್ತಾವನೆ ಸಲ್ಲಿಸಿದೆ. ಈ ವರ್ಷದ ಮೊದಲ ಅರ್ಧದಲ್ಲೇ ಐಪಿಒ ಮಾರುಕಟ್ಟೆ ಪ್ರವೇಶಿಸುವ ಇರಾದೆ ಹೊಂದಿದೆ. ಈ ಐಪಿಒ ಮೂಲಕ 1.2 ಶತಕೋಟಿ ಡಾಲರ್​ ಹಣ ಸಂಗ್ರಹಿಸುವುದಲ್ಲದೆ, 900 ಕೋಟಿ ಡಾಲರ್​ ಮಾರುಕಟ್ಟೆ ಮೌಲ್ಯ ಹೊಂದುವ ಇರಾದೆಯೊಂದಿಗೆ ಮುಂದಡಿ ಇರಿಸಿದೆ.

ಓಲಾ ಕ್ಯಾಬ್ಸ್​ - ಟ್ಯಾಕ್ಸಿ ಸೇವೆ ಒದಗಿಸುವ ಅಗ್ರಿಗೇಟರ್​ ಕಂಪನಿ. ಈ ವರ್ಷ ಮೊದಲ ಭಾಗದಲ್ಲೇ ಐಪಿಒ ಮಾರುಕಟ್ಟೆ ಪ್ರವೇಶಿಸಲು ತಯಾರಿ ನಡೆಸಿದೆ. ಐಪಿಒ ಮೂಲಕ 200 ಕೋಟಿ ಡಾಲರ್​ ಸಂಗ್ರಹಕ್ಕೆ ಮುಂದಾಗಿದೆ. ಇತ್ತೀಚೆಗಷ್ಟೇ ಸೆಗನ್​ಟಿ ಕ್ಯಾಪಿಟಲ್​ ಮ್ಯಾನೇಜ್​ಮೆಂಟ್​ ಮತ್ತು ಇತರರಿಂದ 200 ದಶಲಕ್ಷ ಡಾಲರ್​ ಹೂಡಿಕೆ ಮಾಡಿಸಿಕೊಂಡ ಕಂಪನಿ, ತನ್ನ ಮಾರುಕಟ್ಟೆ ಮೌಲ್ಯವನ್ನು 500 ಕೋಟಿ ಡಾಲರ್​ಗೆ ಏರಿಸಲು ಮುಂದಾಗಿದೆ.

ಸ್ವಿಗ್ಗಿ - ಆಹಾರ ಉತ್ಪನ್ನ ವಿತರಣಾ ಕಂಪನಿ. 2023ರಲ್ಲಿ ಐಪಿಒ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿದೆ. 800 ದಶಲಕ್ಷ ಡಾಲರ್​ ಸಂಗ್ರಹದ ಗುರಿ ಹಾಕಿಕೊಂಡಿದೆ. ಈ ವರ್ಷ ಜನವರಿಯಲ್ಲಿ ಇದರ ಮಾರುಕಟ್ಟೆ ಮೌಲ್ಯ 500 ಕೋಟಿ ಡಅಲರ್​ ಆಗಿತ್ತು. 700 ದಶಲಕ್ಷ ಡಾಲರ್​ ಹಣವನ್ನು ಸ್ಟ್​ಾಬ್ಯಾಂಕ್​, ವಿಷನ್​ ಂಡ್​, ಪ್ರೋಸಸ್​ ವೆಂಚರ್ಸ್​ ಮತ್ತು ಇತರರಿಂದ ಹೂಡಿಕೆ ಮಾಡಿಸಿಕೊಂಡಿದೆ.