ಸೆನ್ಸೆಕ್ಸ್​ಗೆ ಶಾಕ್​ ಕೊಡುತ್ತಿರುವ ಕರೊನಾ: ಮತ್ತೆ ಪುಟಿದೆದ್ದ ರಿಲಯನ್ಸ್​ ಷೇರುಗಳು..!

ಮುಂಬೈ: ತೈಲ ಬೆಲೆ ಕುಸಿತ , ಕರೊನಾದ ಆತಂಕದಿಂದ ಸೋಮವಾರ ಮುಂಬೈ ಷೇರುಪೇಟೆಯಲ್ಲಿ ರಕ್ತಪಾತ ಉಂಟಾಗಿತ್ತು. ಆದರೆ ಇಂದು ಬಿಎಸ್​ಇ ಸೆನ್ಸೆಕ್ಸ್ ​ 62 ಪಾಯಿಂಟ್ಸ್​ ಏರಿಕೆಯಲ್ಲಿ ಅಂತ್ಯಗೊಂಡು ಚೇತರಿಕೆ ಕಂಡಿದೆ. ಸೋಮವಾರ ಭಾರೀ ನಷ್ಟ ಅನುಭವಿಸಿದ್ದ ಮುಖೇಶ್ ಅಂಬಾನಿಯ ರಿಲಯನ್ಸ್​ ಇಂಡಿಸ್ಟ್ರೀಸ್ ಲಿಮಿಟೆಡ್​ ಷೇರುಗಳು ಇಂದು 3 ಪರ್ಸೆಂಟ್​ನಷ್ಟು ಪುಟಿದೆದ್ದಿದೆ.

ಬಿಎಸ್​ಇ ಸೆನ್ಸೆಕ್ಸ್​ನಲ್ಲಿ ಹೀರೋ ಮೋಟೋಕಾರ್ಪ್, ರಿಲಯನ್ಸ್ ಇಂಡಿಸ್ಟ್ರೀಸ್, ಐಸಿಸಿಐ ಬ್ಯಾಂಕ್​ ಮತ್ತು ಎಲ್​ & ಟಿ ಹೆಚ್ಚು ಲಾಭಗಳಿಸಿದ ಟಾಪ್ ಕಂಪನಿಗಳಾಗಿವೆ. ಆದರೆ ಟಾಟಾ ಸ್ಟೀಲ್, ಇಂಡಸ್​ಇಂಡ್​ ಬ್ಯಾಂಕ್​, ಒಎನ್​ಜಿಸಿ, ಎಸ್​ಬಿಐ ಮತ್ತು ಇನ್ಫೋಸಿಸ್​ ಷೇರುಗಳು ಗಮನಾರ್ಹವಾಗಿ ಕುಸಿತಕಂಡಿವೆ.

ಈಕ್ಟಿಟಿ ಬೆಂಚ್​ಮಾರ್ಕ್​ ಸೆನ್ಸೆಕ್ಸ್ ಬುಧವಾರ 62 ಅಂಕಗಳಷ್ಟು ಏರಿಕೆ ಕಂಡರೂ, ದೇಶದಲ್ಲಿನ ಕರೊನಾ ವೈರಸ್​ ಎಫೆಕ್ಟ್ ಷೇರುಪೇಟೆಯಲ್ಲಿ ಇನ್ನೂ ಮುಂದುವರಿದಿದೆ. ದಿನದ ಪ್ರಾರಂಭದಲ್ಲಿ 386 ಪಾಯಿಂಟ್ಸ್​ ಚೇತರಿಕೆಯಿಂದ, ಸುಮಾರು 30 ಷೇರ್ ಇಂಡೆಕ್ಸ್​ ಏರಿಕೆಯಾಗಿದೆ. ಇದರಿಂದ 62.45 ಅಂಕಗಳ ಚೇತರಿಕೆ ಕಂಡು 35,697.40 ತಲುಪಿತು. ಅದೇ ರೀತಿ ಎನ್​ಎಸ್​ಇ ನಿಫ್ಟಿ 6.95 ಪಾಯಿಂಟ್ಸ್​ಗಳಷ್ಟು ಏರಿ 10,458.40 ವಹಿವಾಟು ಮುಗಿಸಿದೆ.

ಕರೊನಾ ಭೀತಿ ಮತ್ತು ತೈಲ ಬೆಲೆ ಕುಸಿತದ ಮಧ್ಯೆಯೂ ಹೂಡಿಕೆದಾರರಿಗೆ ಈಕ್ವಿಟಿ ಬೆಂಚ್​ಮಾರ್ಕ್​ ಕೊಂಚ ಚೈತನ್ಯ ನೀಡಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಅಭಿಪ್ರಾಯ ಪಟ್ಟಿದ್ದಾರೆ. ಮತ್ತೊಂದೆಡೆ ಶಾಂಘೈ, ಹಾಂಗ್ ಕಾಂಗ್​, ಸಿಯೋಲ್​ ಮತ್ತು ಟೋಕಿಯೋಗಳ ಷೇರುಪೇಟೆ ಭಾರೀ ನಷ್ಟ ಅನುಭವಿಸುತ್ತಿವೆ. ಯುರೋಪ್​ನಲ್ಲಿ ಆರಂಭಿಕ ವಹಿವಾಟು ಶೇ. 2ರಷ್ಟು ಇಳಿಕೆ ಕಂಡಿತ್ತು.

ಬ್ರೆಂಟ್ ಕ್ರೂಡ್ ಆಯಿಲ್​ 2.02 ನಷ್ಟು ಕುಸಿದಿದ್ದು, ಪ್ರತಿ ಬ್ಯಾರೆಲ್​ ಬೆಲೆ 36.47 ಡಾಲರ್​ಗೆ ಇಳಿದಿದೆ. ರಷ್ಯಾದೊಂದಿಗೆ ತೈಲ ದರ ಸಮರಕ್ಕಿಳಿದಿರುವ ಸೌದಿ ಅರೇಬಿಯಾ, ದಿನಕ್ಕೆ 1 ಮಿಲಿಯನ್​ ಬ್ಯಾರೆಲ್​ನಷ್ಟು ತೈಲ ಉತ್ಪಾದನೆಯನ್ನು ಹೆಚ್ಚಿಸಿರುವುದರಿಂದ ದ ತೈಲ ಬೆಲೆ ಪಾತಳದತ್ತ ಮುಖಮಾಡಿದೆ. (ಏಜೆನ್ಸೀಸ್​)

https://www.vijayavani.net/the-state-health-department-has-issued-an-advisory-to-corporate-houses-to-issue-sick-leave-to-their-employees-with-travel-history-to-affected-countries/