ರಿಲಯನ್ಸ್​ ಇಂಡಸ್ಟ್ರೀಸ್​ನ ನಿವ್ವಳ ಲಾಭದಲ್ಲಿ ಶೇ.39 ಕುಸಿತ, ಇದಕ್ಕಿದೆ ಬೇರೆಯೇ ಕಾರಣ

ಮುಂಬೈ: ಜಾಗತಿಕ ಅತಿಶ್ರೀಮಂತರ ಪೈಕಿ ಮುಂಚೂಣಿಯಲ್ಲಿರುವ ಮುಖೇಶ್​ ಅಂಬಾನಿ ನೇತೃತ್ವದ ರಿಲಯನ್ಸ್​ ಇಂಡಸ್ಟ್ರೀಸ್​ನ ನಿವ್ವಳ ಲಾಭದಲ್ಲಿ ಶೇ.39 ಕುಸಿತವಾಗಿದೆ. ಮಾರ್ಚ್​ ಅಂತ್ಯಕ್ಕೆ ಕೊನೆಗೊಂಡ 2019-2020ನೇ ಸಾಲಿನ ಕೊನೆಯ ತ್ರೈಮಾಸಿಕದಲ್ಲಿ ಕಂಪನಿಯ ಒಟ್ಟಾರೆ ಲಾಭದಲ್ಲಿ 6,348 ಕೋಟಿ ರೂ. ಕಡಿಮೆಯಾಗಿದೆ.

ಕಳೆದ ವರ್ಷ ಮಾರ್ಚ್​ಗೆ ಅಂತ್ಯಗೊಂಡಿದ್ದ ತ್ರೈಮಾಸಿಕದಲ್ಲಿ 10,362 ಕೋಟಿ ರೂ. ಲಾಭ ಬಂದಿರುವುದಾಗಿ ಕಂಪನಿ ಘೋಷಿಸಿತ್ತು.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಕುಸಿತ ರಿಲಯನ್ಸ್​ ಕಂಪನಿಯ ನಿವ್ವಳ ಲಾಭ ಕುಸಿಯಲು ಕಾರಣ ಎನ್ನಲಾಗಿದೆ.

ಕಳೆದ ಆರ್ಥಿಕ ವರ್ಷಕ್ಕೆ ಹೋಲಿಸಿದರೆ, ಮಾರ್ಚ್​ಗೆ ಅಂತ್ಯಗೊಂಡ 2029-2020ನೇ ಸಾಲಿನ ವಿತ್ತೀಯ ವರ್ಷದಲ್ಲಿ ಕಂಪನಿಯ ಒಟ್ಟಾರೆ ಆದಾಯ 1,42,565 ಕೋಟಿ ರೂ.ನಿಂದ ಶೇ.2 ಅಂದರೆ 3,282 ಕೋಟಿ ರೂ. ಕಡಿಮೆಯಾಗಿ 1,39,283 ಕೋಟಿ ರೂ.ಗೆ ತಲುಪಿದೆ.

ಇದೇ ವೇಳೆ ರಿಲಯನ್ಸ್​ ಇಂಡಸ್ಟ್ರೀಸ್​ ರೈಟ್ಸ್​ ಇಶ್ಯೂ ಮೂಲಕ 53,125 ಕೋಟಿ ರೂ. ಹೂಡಿಕೆ ಸಂಗ್ರಹಿಸಲು ನಿರ್ಧರಿಸಿದೆ. ಭಾರತದಲ್ಲೇ ಇದು ಗರಿಷ್ಠ ಹೂಡಿಕೆ ಸಂಗ್ರಹವಾಗಲಿರುವುದಾಗಿ ಹೇಳಲಾಗಿದೆ.

https://www.vijayavani.net/tamil-nadu-sets-up-crack-team-to-net-companies-fleeing-china/