ಭಾರತದಲ್ಲಿ ನೋವು ನಿವಾರಕವಾಗಿ ಬಳಸಲಾಗುವ ಪ್ಯಾರಾಸಿಟಮಲ್ ಔಷಧ ಬೆಲೆಗಳು ಈಗಾಗಲೇ ಶೇ. 40 ಏರಿಕೆಯಾಗಿದೆ. ವಿವಿಧ ಬ್ಯಾಕ್ಟೀರಿಯಾ ಸೋಂಕುಗಳ ಚಿಕಿತ್ಸೆಗೆ ಬಳಸುವ ಆಂಟಿಬಯೊಟಿಕ್ ಆದ ಅಜಿತ್ರೊಮೈಸಿನ್ ಬೆಲೆ ಶೇ. 70 ಹೆಚ್ಚಾಗಿದೆ. ಮುಂದಿನ ತಿಂಗಳ ಮೊದಲ ವಾರದೊಳಗೆ ಸರಬರಾಜು ಪುನಾರಂಭವಾಗದಿದ್ದರೆ ಔಷಧ ತಯಾರಿಕೆ ಉದ್ಯಮ ತೀವ್ರ ಕೊರತೆ ಎದುರಿಸುವ ಸಂಭವವಿದೆ. ಸೋಂಕಿನಿಂದ ತತ್ತರಿಸಿರುವ ಚೀನಾದಲ್ಲಿ ಉತ್ಪಾದನೆ ಪ್ರಕ್ರಿಯೆ ನಿಧಾನಗೊಂಡಿದೆ. ಜನರು ದೇಶಕ್ಕೆ ಬರುವುದು ಹಾಗೂ ಹೊರಗೆ ಹೋಗುವುದರ ಮೇಲೆ ನಿರ್ಬಂಧ ವಿಧಿಸಿರುವುದರಿಂದ ಔಷಧ ವಲಯದ ಮೇಲೂ ಪರಿಣಾಮ ಬೀರಿದೆ. ಪರಿಸ್ಥಿತಿ ಹೀಗೇ ಮುಂದುವರಿದರೆ ಬಹಳಷ್ಟು ಔಷಧಗಳ ಬೆಲೆ ಗಗನಮುಖಿಯಾಗಬಹುದು ಎನ್ನಲಾಗಿದೆ.
