ನನೆಗುದಿಗೆ ಬಿದ್ದಿದ್ದ ಸಂತೆ ಮಾರುಕಟ್ಟೆ ಉದ್ಘಾಟನೆ ಶನಿವಾರ ನೆರವೇರಿದೆ. ಉದ್ಘಾಟನೆ ಆದರೂ ಸಂತೆ ಮಾರುಕಟ್ಟೆ ಸದ್ಯಕ್ಕೆ ಹೆದ್ದಾರಿಯಿಂದ ನೂತನ ಮಾರುಕಟ್ಟೆಗೆ ಸ್ಥಳಾಂತರಗೊಂಡಿಲ್ಲ. ಸಂತೆಕಟ್ಟೆ ಜಂಕ್ಷನ್ ಸಮೀಪ ರಸ್ತೆ. ಫುಟ್ಪಾತ್ ಮೇಲೆ ಸಂತೆ ನಡೆಯುವಂತಾಗಿದೆ. ಗೋಪಾಲಪುರ ವಾರ್ಡ್ನ ಮೌಂಟ್ ರೋಸರಿ ಚರ್ಚ್ ಎದುರಿನ ವಿಶಾಲ ಜಾಗದಲ್ಲಿ ಸಂತೆಮಾರುಕಟ್ಟೆ ನಿರ್ಮಿಸಲಾಗಿದೆ. 17,500 ಚದರ ಅಡಿ ಪ್ರದೇಶದಲ್ಲಿ 99.5 ಲಕ್ಷ ರೂ. ವೆಚ್ಚದಲ್ಲಿ ಎತ್ತರದ ಕಟ್ಟೆಗಳು ಹಾಗೂ ಕಾಂಕ್ರೀಟ್ ನೆಲಹಾಸಿನಿಂದ ಆಧುನೀಕರಣಗೊಳಿಸಿ ನಿರ್ಮಿಸಲಾಗಿದೆ. ಏಕಕಾಲದಲ್ಲಿ 85ಕ್ಕೂ ಅಧಿಕ ಮಂದಿ ಕುಳಿತು ವ್ಯಾಪಾರ ನಡೆಸಬಹುದು. ಸಾರ್ವಜನಿಕರಿಗೆ, ವ್ಯಾಪಾರಿಗಳಿಗೆ ಸಾಕಷ್ಟು ಅನುಕೂಲಕರ ವ್ಯವಸ್ಥೆ ಇಲ್ಲಿದೆ. ಮಳೆ ನೀರು ಹರಿಯುವ ಪೈಪ್ ಮುರಿದಿದ್ದು, ಶೌಚಗೃಹ ಅವ್ಯವಸ್ಥೆಯ ಆಗರವಾಗಿದೆ.
