ಹೂವಿನ ಕೃಷಿ-ಲೆಕ್ಕಾಚಾರ: ಪ್ರಪಂಚಾದ್ಯಂತ 4 ಲಕ್ಷ ಕೋಟಿ ರೂ. ಮೌಲ್ಯದ ಹೂವಿನ ಮಾರುಕಟ್ಟೆಯಿದೆ. ಅದರಲ್ಲಿ ನಮ್ಮ ದೇಶದ ಕೊಡುಗೆ 25 ಸಾವಿರ ಕೋಟಿ ರೂ. ಅಂದರೆ ಭಾರತದಲ್ಲಿ ಸರಿಸುಮಾರು 25 ಸಾವಿರ ಕೋಟಿ ರೂ. ಮೌಲ್ಯದ ಹೂವು ಪ್ರತಿ ವರ್ಷ ಮಾರಾಟವಾಗಿತ್ತಿದೆ. ನಮ್ಮ ದೇಶದಲ್ಲಿ ಮಹಾರಾಷ್ಟ್ರ, ಕರ್ನಾಟಕ, ಆಂಧ್ರಪ್ರದೇಶ, ಹರಿಯಾಣ, ತಮಿಳುನಾಡು, ರಾಜಸ್ಥಾನ, ಪಶ್ಚಿಮ ಬಂಗಾಳ ಪ್ರಮುಖ ಹೂಗಾರಿಕಾ ಕೇಂದ್ರಗಳಾಗಿ ಹೊರಹೊಮ್ಮಿವೆ. ವರದಿಯೊಂದರ ಪ್ರಕಾರ, 2015-16ರಲ್ಲಿ ಸುಮಾರು 249 ಸಾವಿರ ಹೆಕ್ಟೇರ್ ಪ್ರದೇಶವು ಹೂವಿನ ಕೃಷಿಗೆ ಮೀಸಲಿತ್ತು ಮತ್ತು ಇದೇ ವರ್ಷದಲ್ಲಿ 1659 ಸಾವಿರ ಟನ್ ಬಿಡಿ ಹೂವುಗಳು, 484 ಸಾವಿರ ಟನ್ ಕತ್ತರಿಸಿದ ಹೂವುಗಳ ಉತ್ಪಾದನೆಯಾಗಿದೆ. 2019-20ರ ವರದಿ ಪ್ರಕಾರ, ಭಾರತ 16,949.37 ಮೆಟ್ರಿಕ್ ಟನ್ ಹೂಗಾರಿಕೆ ಉತ್ಪನ್ನಗಳನ್ನು ವಿಶ್ವಕ್ಕೆ ರಫ್ತು ಮಾಡಿದೆ.
