ಬೆಂಜ್ ಜಿಎಲ್​ಸಿ ಕೂಪ್ ಅನಾವರಣ

ಬೆಂಗಳೂರು: ಐಷಾರಾಮಿ ಕಾರುಗಳ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಮರ್ಸಿಡಿಸ್ ಬೆಂಜ್, ಮೇಡ್ ಇನ್ ಇಂಡಿಯಾ ಪರಿಕಲ್ಪನೆಯಲ್ಲಿ ಅತ್ಯಾಧುನಿಕ ವಿನ್ಯಾಸದ 10ನೇ ಉತ್ಪನ್ನವಾಗಿ ಮರ್ಸಿಡಿಸ್ ಬೆಂಜ್ ಜಿಎಲ್​ಸಿ ಕೂಪ್ ಮತ್ತು ಎಂಬಿಯುಎಕ್ಸ್ ತಂತ್ರಜ್ಞಾನವುಳ್ಳ ಕಾರನ್ನು ‘ರೆಸ್ಟ್​ಲೆಸ್ ನೈಟ್ಸ್ ’ಕಾರ್ಯಕ್ರಮದ ಮೂಲಕ ನಗರದ ಕಸ್ತೂರಬಾ ರಸ್ತೆಯಲ್ಲಿರುವ ಸುಂದರಂ ಮೋಟಾರ್ಸ್​ನಲ್ಲಿ ಅನಾವರಣಗೊಳಿಸಲಾಯಿತು.

ಭಾರತೀಯರಿಗಾಗಿ ಭಾರತದಲ್ಲೇ ತಯಾರಾದ ಉತ್ಪನ್ನಗಳ ಸರಣಿಯಲ್ಲಿ ಜಿಎಲ್​ಸಿ ಕೂಪ್ ವಾಹನ ಮೊದಲ ಬಾರಿಗೆ ಲಭ್ಯವಾಗುತ್ತಿದೆ. ಎಸ್​ಯುುವಿ ಕೂಪ್​ಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಅದಕ್ಕೆ ತಕ್ಕಂತೆ ಪೂರೈಕೆ ಮಾಡಲು ಮರ್ಸಿಡೀಸ್ ಬೆಂಜ್ 300ಡಿ 4 ಮ್ಯಾಟಿಕ್ ಡೀಸೆಲ್ ಮತ್ತು 300 4 ಮ್ಯಾಟಿಕ್ ಪೆಟ್ರೋಲ್ ಕಾರುಗಳನ್ನು ಬಿಡುಗಡೆ ಮಾಡಲಾಗುತ್ತಿದೆ.

ವಿಶೇಷತೆಗಳು: ಹೊಸ ಜಿಎಲ್​ಸಿ ಕೂಪ್ ವಾಹನವು ಮರ್ಸಿಡೀಸ್ ಮಿ ಕನೆಕ್ಟ್ ಸೌಲಭ್ಯವನ್ನು ಹೊಂದಿದೆ. ರಿಮೋಟ್ ಲಾಕ್, ಅನ್​ಲಾಕ್, ಕಾರ್ ಲೊಕೇಟರ್, ಸ್ಪೀಡ್ ಮಾನಿಟರ್, ತುರ್ತು ಇ-ಕಾಲ್ ಮತ್ತಿತರ ಸೌಲಭ್ಯಗಳನ್ನು ಅಳವಡಿಸಲಾಗಿದೆ. ಇವೆಲ್ಲವನ್ನೂ ಗ್ರಾಹಕರ ಸ್ಮಾರ್ಟ್​ಫೋನ್ ಮೂಲಕವೇ ನಿಯಂತ್ರಿಸಬಹುದಾಗಿದೆ. ಹೊಸ ಪೀಳಿಗೆಯ ಟೆಲಿಮ್ಯಾಟಿಕ್ಸ್ ಹೊಂದಿದ್ದು, ಮರ್ಸಿಡೀಸ್ ಬೆಂಜ್ ಗ್ರಾಹಕ ಅನುಭವ (ಎನ್​ಟಿಜಿ 6.0) ಸೌಲಭ್ಯ, ವರ್ಚುವಲ್ ಅಸಿಸ್ಟೆಂಟ್ ಮತ್ತು ಇನ್ಪೋಟೇನ್ಮೆಂಟ್ ಸಿಸ್ಟಂ ಅನ್ನು ಪಡೆದಿದೆ.

ತಾಂತ್ರಿಕ ವಿವರ

ಎಕ್ಸ್ ಶೋರೂಂ ಬೆಲೆ

ಮರ್ಸಿಡಿಸ್ ಜಿಎಲ್​ಸಿ 300 4 ಮ್ಯಾಟಿಕ್ 62.70 ಲಕ್ಷ ರೂ.

ಮರ್ಸಿಡಿಸ್ ಜಿಎಲ್​ಸಿ 300ಡಿ 4 ಮ್ಯಾಟಿಕ್ 63.70 ಲಕ್ಷ ರೂ.

ಇಂಜಿನ್: ಬಿಎಸ್ 6 4 ಸಿಲಿಂಡರ್ (ಡೀಸೆಲ್)/ ಬಿಎಸ್ 6 4 ಸಿಲಿಂಡರ್ (ಪೆಟ್ರೋಲ್) ಟ್ರಾನ್ಸ್​ಮಿಷನ್: 9ಜಿ-ಟ್ರಾನಿಕ್ ಆಟೋಮ್ಯಾಟಿಕ್ ಟಾರ್ಕ್: 500 ಎನ್​ಎಂ/370 ಎನ್​ಎಂ ಗರಿಷ್ಠ ವೇಗ: ಗಂಟೆಗೆ 250 ಕಿ.ಮೀ. 0-100 ಕಿ.ಮೀ. ವೇಗ: 6.3 ಸೆಕೆಂಡ್ ಅಶ್ವಶಕ್ತಿ (ಕೆಡಬ್ಲ್ಯು ) ಎಚ್​ಪಿ/ಆರ್​ಎಂಪಿ : 180 (245)/190 (258) ಡ್ರೖೆವಿಂಗ್ ಸಿಸ್ಟಮ್ 4 ಮ್ಯಾಟಿಕ್ ಬ್ರೇಕಿಂಗ್: 4 ವ್ಹೀಲ್​ಗಳಿಗೂ ವೆಂಟಿಲೇಟೆಡ್ ಡಿಸ್ಕ್ ಬ್ರೇಕ್ ಇಂಧನ ಕ್ಷಮತೆ: ಲೀಟರ್​ಗೆ 16.34 ಕಿ.ಮೀ./12.74

77 ಸಾವಿರ ರೂ.ಗಳಿಗೆ ಸರ್ವೀಸ್ ಪ್ಯಾಕೇಜ್

300ಡಿ 4 ಮ್ಯಾಟಿಕ್ ಕಾರಿಗೆ 77 ಸಾವಿರ ರೂ. ಪಾವತಿಸಿ ಅನಿಯಮಿತ ಕಿ.ಮೀ.ವರೆಗೆ 2 ವರ್ಷ ಸರ್ವೀಸ್ ಸೌಲಭ್ಯ ಪಡೆದುಕೊಳ್ಳಬಹುದು. ಜಿಎಲ್​ಸಿ 300 4 ಮ್ಯಾಟಿಕ್ ಕಾರಿಗೆ 67,300 ರೂ. ಪಾವತಿಸಿ 2 ವರ್ಷಗಳ ಅವಧಿಗೆ ಅನಿಯಮಿತ ಕಿಲೋಮೀಟರ್ ಸರ್ವೀಸ್ ಪ್ಯಾಕೇಜ್ ಪಡೆದುಕೊಳ್ಳಬಹುದು.