PHOTOS| ಹೊಚ್ಚ ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದೆ ಬಜಾಜ್ ಚೇತಕ್​! ಕಾಲಕ್ಕೆ ತಕ್ಕಂತೆ ಬದಲಾದ ಸ್ಕೂಟರ್​

ಬೆಂಗಳೂರು: ಬಜಾಜ್ ಚೇತಕ್ ಎಂದರೆ ಸಾಕು ಹಲವರ ಕಿವಿ ನೆಟ್ಟಗಾಗುವುದು ಗ್ಯಾರೆಂಟಿ. ಅಷ್ಟು ಜನಪ್ರಿಯವಾಗಿತ್ತು ಈ ಸ್ಕೂಟರ್ ಆ ಕಾಲದಲ್ಲಿ! ಕಾಲಕ್ಕೆ ತಕ್ಕಂತೆ ಬದಲಾಗಿರುವ ಬಜಾಜ್ ಚೇತಕ್ ಈಗ ಹೊಚ್ಚ ಹೊಸ ಅವತಾರದಲ್ಲಿ ಗಮನಸೆಳೆಯುತ್ತಿದೆ.

ಜಗತ್ತು ವಿದ್ಯುತ್​ಚಾಲಿತ ವಾಹನಗಳ ಕಡೆಗೆ ಹೊರಳುತ್ತಿರುವಂತೆಯೇ ಎಲ್ಲ ವಾಹನ ಉತ್ಪಾದಕರೂ ವಿದ್ಯುತ್​ ಚಾಲಿತ ವಾಹನಗಳ ಉತ್ಪಾದನೆಯಲ್ಲಿ ತೊಡಗಿದ್ದಾರೆ. ಇದೇ ರೀತಿ ಒಂದು ಕಾಲದ ಜನಪ್ರಿಯ ಸ್ಕೂಟರ್​ಗೂ ಹೊಸತನದ ಸ್ಪರ್ಶ ಸಿಕ್ಕಿದೆ. ಹೊಸ ಅವತಾರದಲ್ಲಿ ಚೇತಕ್ ಕಾಣಿಸಿಕೊಂಡಿದೆ. ಇವಿ ಸ್ಕೂಟರ್ ಆಗಿರುವ ಚೇತಕ್​, ಭಾರತೀಯ ದ್ವಿಚಕ್ರವಾಹನ ಮಾರುಕಟ್ಟೆಯಲ್ಲಿ ಹೊಸ ಕ್ರಾಂತಿ ಸೃಷ್ಟಿಸುವ ನಿರೀಕ್ಷೆಯಲ್ಲಿದೆ. ಉಳಿದವುಗಳಿಗೆ ಇದು ಮಾದರಿಯಾಗಬಲ್ಲದೇ ಎಂಬ ಕುತೂಹಲವೂ ಇದೆ.

ಹದಿನೈದು ವರ್ಷಗಳ ನಂತರದ ಕಂಬ್ಯಾಕ್ ಇದಾಗಿದ್ದು, ಇವಿ ಸ್ಕೂಟರ್​ನ ಮಾರಾಟ ಮೊದಲ ಹಂತದಲ್ಲಿ ಪುಣೆ ಮತ್ತು ಬೆಂಗಳೂರಿನಲ್ಲೇ ಆರಂಭವಾಗಿದೆ. ನಂತರ ಹಂತ ಹಂತವಾಗಿ ದೇಶಾದ್ಯಂತ ಮಾರುಕಟ್ಟೆ ವಿಸ್ತರಿಸುವ ಯೋಚನೆಯಲ್ಲಿದೆ ಕಂಪನಿ.

ಆರು ಬಣ್ಣಗಳಲ್ಲಿ ಲಭ್ಯವಿರುವ ಚೇತಕ್ ಇವಿ ಸ್ಕೂಟರ್​ಗಳು ಕೆಟಿಎಂ ಡೀಲರ್​ಶಿಪ್​ಗಳ ಮೂಲಕ ಗ್ರಾಹಕರಿಗೆ ಸಿಗಲಿದೆ. ದ ಬಜಾಜ್ ಚೇತಕ್ ಇಲೆಕ್ಟ್ರಿಕ್​ ಸ್ಕೂಟರ್ ಬಜಾಜ್ ಚೇತಕ್ ಅರ್ಬನ್​, ಬಜಾಜ್ ಚೇತಕ್​ ಪ್ರೀಮಿಯಂ ಎಂಬ ಎರಡು ಮಾದರಿಯಲ್ಲಿ ಲಭ್ಯವಿದೆ. ಇದರ ವೆಚ್ಚ ಅನುಕ್ರಮವಾಗಿ 1 ಲಕ್ಷ ರೂಪಾಯಿ ಮತ್ತು 1.15 ಲಕ್ಷ ರೂಪಾಯಿ.

4kW motor ಇದರಲ್ಲಿದ್ದು, 15 amp ವಿದ್ಯುತ್ ಔಟ್​ಲೆಟ್​ ಮೂಲಕ ಇದರ ಬ್ಯಾಟರಿ ಚಾರ್ಜ್ ಮಾಡಬಹುದಾಗಿದೆ. ಒಮ್ಮೆ ಪೂರ್ಣ ಪ್ರಮಾಣದ ಚಾರ್ಜ್ ಆಗಲು 5 ಗಂಟೆ ಬೇಕಾಗುತ್ತದೆ. ಒಂದು ಗಂಟೆಯಲ್ಲಿ ಅಂದಾಜು 25 % ಚಾರ್ಜ್ ಆಗುತ್ತದೆ. ಬ್ಯಾಟರಿ ಬಾಳ್ವಿಕೆ 70,000 ಕಿ.ಮೀ. ಆಗಿದೆ. ಇಕೋ ಮೋಡ್​ನಲ್ಲಿ ಗಾಡಿಯನ್ನು 95 ಕಿ.ಮೀಟರ್ ವೇಗದಲ್ಲೂ, ಸ್ಪೋರ್ಟ್ ಮೋಡ್​ನಲ್ಲಿ 85 ಕಿ.ಮೀ. ವೇಗದಲ್ಲೂ ಚಲಾಯಿಸಬಹುದಾಗಿದೆ.

ಬಜಾಜ್​ ಈ ಸ್ಕೂಟರ್​ಗೆ 3 ವರ್ಷಗಳ ಅಥವಾ 50,000 ಕಿ.ಮೀ. ವಾರೆಂಟಿ ನೀಡುತ್ತಿದೆ. ಹೊಸ ಗಾಡಿಯನ್ನು ವರ್ಷದೊಳಗೆ ಅಥವಾ 12,000 ಕಿ.ಮೀ. ಯಾವುದು ಮೊದಲಾಗುತ್ತದೋ ಆಗ ಸರ್ವೀಸ್ ಮಾಡಿಸಬೇಕು. ಮೂರು ಉಚಿತ ಸರ್ವೀಸ್ ಲಭ್ಯವಿದೆ. ಈ ಸ್ಕೂಟರ್​ಗೆ 12 ಇಂಚಿನ ಅಲ್ಲೋಯ್ ಚಕ್ರಗಳಿದ್ದು, ಡಿಸ್ಕ್​ ಬ್ರೇಕ್ ಅಳವಡಿಸಿರುವುದಾಗಿ ಕಂಪನಿ ಹೇಳಿಕೊಂಡಿದೆ. (ಏಜೆನ್ಸೀಸ್​) 

ಬೆಂಗಳೂರು: ಬಜಾಜ್ ಚೇತಕ್ ಎಂದರೆ ಸಾಕು ಹಲವರ ಕಿವಿ ನೆಟ್ಟಗಾಗುವುದು ಗ್ಯಾರೆಂಟಿ. ಅಷ್ಟು ಜನಪ್ರಿಯವಾಗಿತ್ತು ಈ ಸ್ಕೂಟರ್ ಆ ಕಾಲದಲ್ಲಿ! ಕಾಲಕ್ಕೆ ತಕ್ಕಂತೆ ಬದಲಾಗಿರುವ ಬಜಾಜ್ ಚೇತಕ್ ಈಗ ಹೊಚ್ಚ ಹೊಸ ಅವತಾರದಲ್ಲಿ ಗಮನಸೆಳೆಯುತ್ತಿದೆ.

ಜಗತ್ತು ವಿದ್ಯುತ್​ಚಾಲಿತ ವಾಹನಗಳ ಕಡೆಗೆ ಹೊರಳುತ್ತಿರುವಂತೆಯೇ ಎಲ್ಲ ವಾಹನ ಉತ್ಪಾದಕರೂ ವಿದ್ಯುತ್​ ಚಾಲಿತ ವಾಹನಗಳ ಉತ್ಪಾದನೆಯಲ್ಲಿ ತೊಡಗಿದ್ದಾರೆ. ಇದೇ ರೀತಿ ಒಂದು ಕಾಲದ ಜನಪ್ರಿಯ ಸ್ಕೂಟರ್​ಗೂ ಹೊಸತನದ ಸ್ಪರ್ಶ ಸಿಕ್ಕಿದೆ. ಹೊಸ ಅವತಾರದಲ್ಲಿ ಚೇತಕ್ ಕಾಣಿಸಿಕೊಂಡಿದೆ. ಇವಿ ಸ್ಕೂಟರ್ ಆಗಿರುವ ಚೇತಕ್​, ಭಾರತೀಯ ದ್ವಿಚಕ್ರವಾಹನ ಮಾರುಕಟ್ಟೆಯಲ್ಲಿ ಹೊಸ ಕ್ರಾಂತಿ ಸೃಷ್ಟಿಸುವ ನಿರೀಕ್ಷೆಯಲ್ಲಿದೆ. ಉಳಿದವುಗಳಿಗೆ ಇದು ಮಾದರಿಯಾಗಬಲ್ಲದೇ ಎಂಬ ಕುತೂಹಲವೂ ಇದೆ.

ಹದಿನೈದು ವರ್ಷಗಳ ನಂತರದ ಕಂಬ್ಯಾಕ್ ಇದಾಗಿದ್ದು, ಇವಿ ಸ್ಕೂಟರ್​ನ ಮಾರಾಟ ಮೊದಲ ಹಂತದಲ್ಲಿ ಪುಣೆ ಮತ್ತು ಬೆಂಗಳೂರಿನಲ್ಲೇ ಆರಂಭವಾಗಿದೆ. ನಂತರ ಹಂತ ಹಂತವಾಗಿ ದೇಶಾದ್ಯಂತ ಮಾರುಕಟ್ಟೆ ವಿಸ್ತರಿಸುವ ಯೋಚನೆಯಲ್ಲಿದೆ ಕಂಪನಿ.

ಆರು ಬಣ್ಣಗಳಲ್ಲಿ ಲಭ್ಯವಿರುವ ಚೇತಕ್ ಇವಿ ಸ್ಕೂಟರ್​ಗಳು ಕೆಟಿಎಂ ಡೀಲರ್​ಶಿಪ್​ಗಳ ಮೂಲಕ ಗ್ರಾಹಕರಿಗೆ ಸಿಗಲಿದೆ. ದ ಬಜಾಜ್ ಚೇತಕ್ ಇಲೆಕ್ಟ್ರಿಕ್​ ಸ್ಕೂಟರ್ ಬಜಾಜ್ ಚೇತಕ್ ಅರ್ಬನ್​, ಬಜಾಜ್ ಚೇತಕ್​ ಪ್ರೀಮಿಯಂ ಎಂಬ ಎರಡು ಮಾದರಿಯಲ್ಲಿ ಲಭ್ಯವಿದೆ. ಇದರ ವೆಚ್ಚ ಅನುಕ್ರಮವಾಗಿ 1 ಲಕ್ಷ ರೂಪಾಯಿ ಮತ್ತು 1.15 ಲಕ್ಷ ರೂಪಾಯಿ.

4kW motor ಇದರಲ್ಲಿದ್ದು, 15 amp ವಿದ್ಯುತ್ ಔಟ್​ಲೆಟ್​ ಮೂಲಕ ಇದರ ಬ್ಯಾಟರಿ ಚಾರ್ಜ್ ಮಾಡಬಹುದಾಗಿದೆ. ಒಮ್ಮೆ ಪೂರ್ಣ ಪ್ರಮಾಣದ ಚಾರ್ಜ್ ಆಗಲು 5 ಗಂಟೆ ಬೇಕಾಗುತ್ತದೆ. ಒಂದು ಗಂಟೆಯಲ್ಲಿ ಅಂದಾಜು 25 % ಚಾರ್ಜ್ ಆಗುತ್ತದೆ. ಬ್ಯಾಟರಿ ಬಾಳ್ವಿಕೆ 70,000 ಕಿ.ಮೀ. ಆಗಿದೆ. ಇಕೋ ಮೋಡ್​ನಲ್ಲಿ ಗಾಡಿಯನ್ನು 95 ಕಿ.ಮೀಟರ್ ವೇಗದಲ್ಲೂ, ಸ್ಪೋರ್ಟ್ ಮೋಡ್​ನಲ್ಲಿ 85 ಕಿ.ಮೀ. ವೇಗದಲ್ಲೂ ಚಲಾಯಿಸಬಹುದಾಗಿದೆ.

ಬಜಾಜ್​ ಈ ಸ್ಕೂಟರ್​ಗೆ 3 ವರ್ಷಗಳ ಅಥವಾ 50,000 ಕಿ.ಮೀ. ವಾರೆಂಟಿ ನೀಡುತ್ತಿದೆ. ಹೊಸ ಗಾಡಿಯನ್ನು ವರ್ಷದೊಳಗೆ ಅಥವಾ 12,000 ಕಿ.ಮೀ. ಯಾವುದು ಮೊದಲಾಗುತ್ತದೋ ಆಗ ಸರ್ವೀಸ್ ಮಾಡಿಸಬೇಕು. ಮೂರು ಉಚಿತ ಸರ್ವೀಸ್ ಲಭ್ಯವಿದೆ. ಈ ಸ್ಕೂಟರ್​ಗೆ 12 ಇಂಚಿನ ಅಲ್ಲೋಯ್ ಚಕ್ರಗಳಿದ್ದು, ಡಿಸ್ಕ್​ ಬ್ರೇಕ್ ಅಳವಡಿಸಿರುವುದಾಗಿ ಕಂಪನಿ ಹೇಳಿಕೊಂಡಿದೆ. (ಏಜೆನ್ಸೀಸ್​)