ಜೂ.30ರವರೆಗೆ ಎಟಿಎಂ ಸೇವಾ ಶುಲ್ಕ ಮನ್ನಾ

ಬೆಂಗಳೂರು: ದೇಶಾದ್ಯಂತ ಲಾಕ್​ಡೌನ್ ಜಾರಿಯಲ್ಲಿರುವುದರಿಂದ ಎಟಿಎಂಗಳಲ್ಲಿ ನಡೆಸುವ ವಹಿವಾಟಿಗೆ ಜೂ.30ರವರೆಗೆ ಸೇವಾ ಶುಲ್ಕ ವಿಧಿಸದಿರಲು ಎಸ್​ಬಿಐ ಮತ್ತು ಇತರ ಕೆಲ ಬ್ಯಾಂಕ್​ಗಳು ನಿರ್ಧರಿಸಿವೆ.

ಎಸ್​ಬಿಐ ಈ ಹಿಂದೆ ಗ್ರಾಹಕರಿಗೆ ಆರು ಮೆಟ್ರೋ ಕೇಂದ್ರಗಳಲ್ಲಿ (ಬೆಂಗಳೂರು, ಮುಂಬೈ, ದೆಹಲಿ, ಚೆನ್ನೈ, ಕೋಲ್ಕತ್ತಾ, ಹೈದರಾಬಾದ್) ಮೂರು ಉಚಿತ ವಹಿವಾಟು ಮತ್ತು ಇತರ ಕೇಂದ್ರಗಳಲ್ಲಿ ಐದು ಉಚಿತ ವಹಿವಾಟುಗಳಿಗೆ ಅನುಮತಿ ನೀಡಿತ್ತು. ಉಳಿದ ಬ್ಯಾಂಕ್​ಗಳೂ ತಂತಮ್ಮ ಆಡಳಿತ ಮಂಡಳಿ ನಿರ್ಣಯಕ್ಕೆ ಅನುಗುಣವಾಗಿ ಕೇಂದ್ರದ ನಿರ್ಧಾರವನ್ನು ಪಾಲನೆ ಮಾಡುವ ಸಾಧ್ಯತೆಯಿದೆ. ಮೂರು ತಿಂಗಳವರೆಗೆ ಯಾವುದೇ ಬ್ಯಾಂಕ್​ನ ಎಟಿಎಂನಿಂದ ಹಣ ತೆಗೆದರೂ ಗ್ರಾಹಕರಿಗೆ ಶುಲ್ಕ ವಿಧಿಸುವುದಿಲ್ಲ ಎಂದು ಮಾ.24 ರಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಘೊಷಿಸಿದ್ದರು.

https://www.vijayavani.net/till-date-rs-36659-crore-helicopter-money-distributed/