ಇತ್ತೀಚೆಗೆ ಬಾಂಗ್ಲಾ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಲಯ ಕಂಡುಕೊಳ್ಳಲು ಪರದಾಡಿದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಪರ ನಿಂತಿರುವ ಕೋಚ್ ಗೌತಮ್ ಗಂಭೀರ್, ಪದಾರ್ಪಣೆಯ ವೇಳೆ ಹೊಂದಿದ್ದ ರನ್ ಹಸಿವನ್ನೇ ಕೊಹ್ಲಿ ಈಗಲೂ ಉಳಿಸಿಕೊಂಡಿದ್ದಾರೆ. ಅವರೊಬ್ಬ ವಿಶ್ವ ದರ್ಜೆಯ ಕ್ರಿಕೆಟಿಗ. ಪ್ರತಿ ಪಂದ್ಯದ ಬಳಿಕ ಅವರ ನಿರ್ವಹಣೆಯನ್ನು ಅಳೆಯುವ ಅಗತ್ಯವಿಲ್ಲ ಎಂದು ಹೇಳಿದರು. ಕಿವೀಸ್ ವಿರುದ್ಧ ಟೆಸ್ಟ್ ಸರಣಿಗೆ ಪೂರ್ವಭಾವಿಯಾಗಿ ಭಾರತ ತಂಡದ ಅಭ್ಯಾಸದ ನಡುವೆ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಗಂಭೀರ್, ಕಿವೀಸ್ ವಿರುದ್ಧದ 3 ಟೆಸ್ಟ್ಗಳಲ್ಲಿ, ನಂತರ ಆಸ್ಟ್ರೆಲಿಯಾದಲ್ಲಿ ಕೊಹ್ಲಿ ಮಿಂಚುವ ವಿಶ್ವಾಸ ವ್ಯಕ್ತಪಡಿಸಿದರು. "ಕ್ರೀಡೆ ಎಂದ ಮೇಲೆ ವೈಲ್ಯಗಳೂ ಇದ್ದೇ ಇರುತ್ತವೆ. ಪ್ರತಿದಿನವೂ ಅತ್ಯುತ್ತಮವಾಗಿರುವುದಿಲ್ಲ. ಆಟಗಾರರನ್ನು ಬೆಂಬಲಿಸುತ್ತಿರುವುದು ನನ್ನ ಕೆಲಸ. ಅತ್ಯುತ್ತಮ ಆಡುವ 11ರ ಬಳಗವನ್ನು ಆರಿಸಲು ನಾವು ಪ್ರಯತ್ನಿಸುತ್ತೇವೆ. ಯಾರನ್ನೂ ಕೈಬಿಡುವುದು ನನ್ನ ಕೆಲಸವಲ್ಲ. ಮುಂಬರುವ 8 ಟೆಸ್ಟ್ಗಳಲ್ಲಿ ಉತ್ತಮ ನಿರ್ವಹಣೆ ತೋರುವ ತುಡಿತ ಎಲ್ಲರಲ್ಲೂ ಇದೆ' ಎಂದು ಗಂಭೀರ್ ವಿವರಿಸಿದರು.
