450 ಜನರಿಂದ ಶ್ರಮದಾನ: ಭಕ್ತರು ಸ್ವಯಂಪ್ರೇರಿತರಾಗಿ ನಡೆಸುವ ಬೀದಿ ಉರುಳು ಸೇವೆಗೆ ಅನುಕೂಲ ಒದಗಿಸುವ ನಿಟ್ಟಿನಲ್ಲಿ 450 ಸ್ವಯಂಸೇವಕರು ಕುಮಾರಧಾರಾ ಸ್ನಾನಘಟ್ಟ ಪರಿಸರದಿಂದ ರಥಬೀದಿಯ ರಾಜಗೋಪುರದ ತನಕ ಸ್ವಚ್ಛತಾ ಸೇವೆ ನಡೆಸಿದರು. ಕುಮಾರಧಾರಾದಿಂದ ಆರಂಭಿಸಿ ರಥಬೀದಿ ತನಕ ರಸ್ತೆಯ ಇಕ್ಕೆಲದಲ್ಲಿದ್ದ ಕಸಕಡ್ಡಿ ಪ್ಲಾಸ್ಟಿಕ್ ತ್ಯಾಜ್ಯಗಳನ್ನು ಹೆಕ್ಕಲಾಯಿತು. ಅಲ್ಲದೆ ರಸ್ತೆಯನ್ನು ಸಂಪೂರ್ಣವಾಗಿ ಗುಡಿಸಿ ಶುಚಿಗೊಳಿಸಲಾಯಿತು. ಇದರಿಂದಾಗಿ ಬೀದಿ ಉರುಳು ಸೇವೆ ಮಾಡುವ ಭಕ್ತರಿಗೆ ಮಣ್ಣಿನ ಕಣ, ಚಿಕ್ಕ ಕಲ್ಲುಗಳಿಂದ ತೊಂದರೆ ಆಗುವುದು ತಪ್ಪಿತು. ಕಾಶಿಕಟ್ಟೆ, ಬಿಲದ್ವಾರ, ಪಾರ್ಕಿಂಗ್ ಸ್ಥಳ, ಆದಿಸುಬ್ರಹ್ಮಣ್ಯ ಮೊದಲಾದ ಕಡೆಗಳಲ್ಲಿ ಸ್ವಚ್ಛತಾ ಕಾರ್ಯ ನೆರವೇರಿತು.
