ಠಾಣೆಗೇ ಬಂದಿತ್ತು ಎಸ್​ಪಿ ಕಾರು: ಸರ್ಕಲ್ ಇನ್​ಸ್ಪೆಕ್ಟರ್​ಗೂ ಮುಳುವಾಯ್ತು ಎಸ್​ಐ ದರ್ಬಾರು...

ತುಮಕೂರು: ಆರೋಪಿಯನ್ನು ಬಂಧಿಸಲು ಕಾರು ತೆಗೆದುಕೊಂಡು ಬಾ ಎಂದು ದೂರುದಾರನಿಗೇ ದಬಾಯಿಸಿದ್ದ ಸಬ್​​ ಇನ್​ಸ್ಟೆಕ್ಟರ್ ದರ್ಬಾರು ಇದೀಗ ಸರ್ಕಲ್​ ಇನ್​​ಸ್ಪೆಕ್ಟರ್​ಗೂ ಮುಳುವಾಗಿದೆ.

ಆರೋಪಿಯ ಬಂಧನಕ್ಕೆ ಕೋರಿ ತುಮಕೂರು ಜಿಲ್ಲೆ ದಂಡಿನಶಿವರ ಠಾಣೆಗೆ ಬಂದಿದ್ದ ದೂರುದಾರ ನಾಗೇಂದ್ರಪ್ಪಗೆ, 'ಆರೋಪಿಯನ್ನು ಬಂಧಿಸಬೇಕಿದ್ದರೆ ಬಾಡಿಗೆ ಕಾರು ತೆಗೆದುಕೊಂಡು ಬಾ' ಎಂದು ಸಬ್​ ಇನ್​ಸ್ಪೆಕ್ಟರ್ ಶಿವಲಿಂಗಯ್ಯ ದಬಾಯಿಸಿ ಸತಾಯಿಸಿದ್ದರು.

ಇದನ್ನೂ ಓದಿ: ರಾಜ್ಯದಲ್ಲಿ 1 ಸಾವಿರ ದಾಟಿತು ಒಮಿಕ್ರಾನ್ ಪ್ರಕರಣ; ಆದರೂ ಒಂದು ಸಮಾಧಾನದ ಸಂಗತಿ ಏನೆಂದರೆ…

ಇದರಿಂದ ಬೇಸತ್ತಿದ್ದ ನಾಗೇಂದ್ರಪ್ಪ ಜ. 13ರಂದು ಸೀದಾ ತುಮಕೂರು ಜಿಲ್ಲಾ ಪೊಲೀಸ್​ ಅಧೀಕ್ಷಕ ರಾಹುಲ್​ಕುಮಾರ್​ ಅವರಲ್ಲಿಗೇ ತೆರಳಿ ಅಹವಾಲು ಹೇಳಿಕೊಂಡಿದ್ದರು. ಆಗ ಎಸ್​ಪಿ ತಮ್ಮ ಕಾರನ್ನೇ ಕೊಟ್ಟು ದೂರುದಾರರನ್ನು ಆ ಕಾರಿನಲ್ಲಿ ಠಾಣೆಗೆ ಕಳುಹಿಸಿದ್ದಲ್ಲದೆ, ಆರೋಪಿಯನ್ನು ಬಂಧಿಸುವಂತೆ ಎಸ್​ಐಗೆ ಕರೆ ಮಾಡಿ ಖಡಕ್ ಎಚ್ಚರಿಕೆಯನ್ನೂ ಕೊಟ್ಟಿದ್ದರು.

ಇದನ್ನೂ ಓದಿ: ಹೃದಯಾಘಾತಕ್ಕೀಡಾಗಿ 24 ವರ್ಷದ ಪೈಲ್ವಾನ್ ಸಾವು!

ಈಗ ಅದೇ ಪ್ರಕರಣ ತುರುವೇಕೆರೆ ಸರ್ಕಲ್​ ಇನ್​ಸ್ಪೆಕ್ಟರ್ ನವೀನ್​​ಗೂ ಮುಳುವಾಗಿದೆ. ಪ್ರಕರಣ ಸಂಬಂಧ ಕರ್ತವ್ಯಲೋಪದ ಹಿನ್ನೆಲೆಯಲ್ಲಿ ನವೀನ್​ ಅವರನ್ನು ಅಮಾನತು ಮಾಡಿ ಕೇಂದ್ರ ವಲಯ ಐಜಿಪಿ ಚಂದ್ರಶೇಖರ್ ಆದೇಶ ಹೊರಡಿಸಿದ್ದಾರೆ.

https://www.vijayavani.net/a-tumkur-sp-car-dandinashivara-psi/

https://www.vijayavani.net/vikrant-rona-movie-release-postponed-again/