ಬೆಂಗಳೂರು: ಶಿವರಾಜಕುಮಾರ್ ನಟನೆಯ ‘ಭೈರತಿ ರಣಗಲ್’ ಬಿಡುಗಡೆ ಸಮಯದಲ್ಲೇ ಅವರ ಮತ್ತೊಂದು ಸಿನಿಮಾ ಘೋಷಣೆಯಾಗಿದೆ. ಈ ಚಿತ್ರವನ್ನು ‘ಟೋಪಿವಾಲ’, ‘ಬೀರ್ಬಲ್’, ಘೋಸ್ಟ್’ ಖ್ಯಾತಿಯ ಎಂ.ಜಿ. ಶ್ರೀನಿವಾಸ್ (ಶ್ರೀನಿ) ನಿರ್ದೇಶಿಸುತ್ತಿದ್ದು, ‘ಎ ಫಾರ್ ಆನಂದ್’. ವಿಶೇಷ ಅಂದರೆ 1986ರಲ್ಲಿ ‘ಆನಂದ್’ ಚಿತ್ರದ ಮೂಲಕ ಶಿವಣ್ಣ ನಾಯಕನಾಗಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು. ಬಳಿಕ ‘ರಣರಂಗ’, ‘ಆನಂದ ಜ್ಯೋತಿ’, ‘ಮನ ಮಿಡಿಯಿತು’, ‘ಪ್ರೇಮರಾಗ ಹಾಡು ಗೆಳತಿ’, ‘ಅಂಡಮಾನ್’, ‘ಮದುವೆ ಆಗೋಣ ಬಾ’ ಮತ್ತು ‘ಜೇಮ್ಸ್’ ಚಿತ್ರಗಳಲ್ಲಿ ಅವರ ಪಾತ್ರದ ಹೆಸರು ಆನಂದ್ ಎಂದಿತ್ತು. ಇದೀಗ ‘ಎ ಾರ್ ಆನಂದ್’ ಸಿನಿಮಾದಲ್ಲಿ ಶಿವಣ್ಣ ಮತ್ತೊಮ್ಮೆ ಆನಂದ್ ಆಗಿದ್ದಾರೆ.
