‘ಲೈಗರ್’ ಬಳಿಕ ಪುರಿ ಜಗನ್ನಾಥ್, ವಿಜಯ್ ದೇವರಕೊಂಡ ಕಾಂಬಿನೇಷನ್ನಲ್ಲಿ ಸೆಟ್ಟೇರಿದ್ದ ಮತ್ತೊಂದು ಚಿತ್ರ ‘ಜನಗಣಮನ’. ಈಗಾಗಲೇ ಚಿತ್ರದ ಪೋಸ್ಟರ್ ಬಿಡುಗಡೆಯಾಗಿದ್ದು, ಎರಡು ಹಂತದ ಚಿತ್ರೀಕರಣ ಸಹ ಪೂರ್ಣಗೊಂಡಿದೆ. ಇದೇ ಮಾರ್ಚ್ನಲ್ಲಿ ಮೈ ಹೋಮ್ ಗ್ರೂಪ್ಸ್ ಸಂಸ್ಥೆ ಸಹ ನಿರ್ವಪಕರಾಗಿ ಚಿತ್ರತಂಡ ಸೇರಿಕೊಂಡಿತ್ತು. ಈಗ ‘ಲೈಗರ್’ ಮಕಾಡೆ ಮಲಗಿದ ಬಳಿಕ ನಾಯಕ ವಿಜಯ್ ದೇವರಕೊಂಡ, ಮತ್ತೊಂದು ಸಿನಿಮಾ ಮಾಡಿ ಆ ಬಳಿಕ ‘ಜನಗಣಮನ’ ಚಿತ್ರ ಕೈಗೆತ್ತಿಕೊಳ್ಳುವುದಾಗಿ ತಿಳಿಸಿದ್ದಾರಂತೆ. ‘ಲೈಗರ್’ ಸೋಲು, ನಾಯಕ ಹಿಂದೇಟು ಹಾಕಿರುವ ಕಾರಣಗಳಿಂದಾಗಿ ನಿರ್ವಪಕರು ಈಗ ‘ಜನಗಣಮನ’ ಚಿತ್ರದಿಂದ ಹೊರನಡೆದಿದ್ದಾರೆ ಎಂಬ ಸುದ್ದಿ ಸದ್ಯ ಟಾಲಿವುಡ್ ಅಂಗಳದಲ್ಲಿ ಓಡಾಡುತ್ತಿದೆ. -ಏಜೆನ್ಸೀಸ್
