ನಿರ್ಮಾಪಕಿ ಅಶ್ವಿನಿ, "ಯುವ ಎರಡನೇ ಸಿನಿಮಾ ನಾನೇ ನಿರ್ಮಿಸಬೇಕು ಅಂತ ಕಥೆ ಕೇಳುತ್ತಿದ್ದೆ. ಆದರೆ, ಯಾವುದೂ ಓಕೆ ಆಗಿರಲಿಲ್ಲ. ಈ ಕಥೆ ಇಷ್ಟವಾಯಿತು. ಒಳ್ಳೆ ತಂಡವಿದೆ. ಉತ್ತಮ ಕಥೆಯಿದೆ. ಇದೊಂದು ಕಂಟೆಂಟ್ ಪ್ರಧಾನ ಕಮರ್ಷಿಯಲ್ ಚಿತ್ರ' ಎಂದರು. ನಾಯಕ ಯುವರಾಜಕುಮಾರ್, ""ಎಕ್ಕ' ಪಕ್ಕಾ ಮಾಸ್ ಸಿನಿಮಾ. ಗಟ್ಟಿ ಎಮೋಷನ್ಸ್ ಇವೆ. ಡಾನ್ಸ್ ನಂರ್ಬಸ್ ಕೂಡ ಇರಲಿವೆ. ಪರಿಸ್ಥಿತಿ ಮನುಷ್ಯನನ್ನು ಹೇಗೆ ಬದಲಾಯಿಸುತ್ತೆ ಎಂಬುದರ ಸುತ್ತ ಕಥೆ ಸಾಗುತ್ತದೆ' ಎಂದು ಮಾಹಿತಿ ನೀಡುತ್ತಾರೆ. ಯುವ, ಸಂಪದ ಜತೆ ಅತುಲ್ ಕುಲಕರ್ಣಿ, "ಜಾಲಿ' ಜ್ಯಾಕ್, ರಾಹುಲ್ ದೇವ್ ಶೆಟ್ಟಿ, ಶ್ರುತಿ, ಡಾ> ಸೂರಿ, ಪೂರ್ಣಚಂದ್ರ ಮೈಸೂರು, ಪುನೀತ್ ರುದ್ರನಾಗ್ ಪ್ರಮುಖ ತಾರಾಗಣದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಚರಣ್ ರಾಜ್ ಸಂಗೀತ, ಸತ್ಯ ಹೆಗ್ಡೆ ಛಾಯಾಗ್ರಹಣ, ಮಾಸ್ತಿ ಸಂಭಾಷಣೆ ಇರಲಿದೆ.
