ಸ್ವತಃ ಅಮೀರ್ ಅವರೇ ನಿರ್ದೇಶಿಸಿ, ನಟಿಸಿದ ಈ ಸಿಂಪಲ್ ಕಥೆಯ ಸಿನಿಮಾ ಕೇವಲ ಬಾಲಿವುಡ್ ಮಾತ್ರವಲ್ಲ, ಇತರೆ ಚಿತ್ರೋದ್ಯಮದ ಸಿನಿಪ್ರೇಮಿಗಳ ಗಮನವನ್ನು ಸೆಳೆದಿತ್ತು. ಆ ಮಟ್ಟಿಗೆ ಯಶಸ್ಸನ್ನು ಗಳಿಸಿತು. ಮುಖ್ಯವಾಗಿ, ಚಿತ್ರದಲ್ಲಿ ಹುಬ್ಬಲ್ಲಿನ ಪೆದ್ದು ಹುಡುಗನೊಬ್ಬನ ನಟನೆಯೇ ಚಿತ್ರದ ಸಕ್ಸಸ್ಗೆ ಬಹುದೊಡ್ಡ ಕಾರಣ. ಆತನ ಅಳು, ಓದಿಗಾಗಿ ಒದ್ದಾಟ, ಪೋಷಕರಿಂದ ದೂರ ನೋಡುಗರ ಕಣ್ಣುಗಳಲ್ಲಿ ನೀರು ತುಂಬುವಂತೆ ಮಾಡಿತು. ಅಷ್ಟು ಅಮೋಘ ಅಭಿನಯ ಮಾಡಿದ ಈ ಹುಡುಗ ಬಾಲಿವುಡ್ನಲ್ಲಿ ಇಂದಿಗೂ ಅವಕಾಶಗಳನ್ನು ಪಡೆಯಲು ಒದ್ದಾಡುತ್ತಿದ್ದಾರೆ. ಆದ್ರೆ, ಇದೇ ಚಿತ್ರದಲ್ಲಿ ಅವರ ಅಣ್ಣನ ಪಾತ್ರದಲ್ಲಿ ನಟಿಸಿದ ಯೊಹಾನ್ ಆವಸ್ತಿ ಸದ್ಯ ಚಿತ್ರರಂಗ ತೊರೆದು, ನಿಮ್ಮ ಊಹೆಗೂ ಮೀರಿದ ಸಾಧನೆಯನ್ನು ಮಾಡಿದ್ದಾರೆ.
