ಚಿತ್ರದ ಕುರಿತು ಮಾತನಾಡುವ ರಿಷಬ್, "ಇದೊಬ್ಬ ಸಹಾಯಕ ನಿರ್ದೇಶಕನ ಕಥೆ. ಬಹಳಷ್ಟು ಹೊಸಬರು ಇರುವ ತಂಡ ಇದು. ಇಲ್ಲಿ ನಾನು ಲೀಡ್ ಎನ್ನುವುದಕ್ಕಿಂತ, ಈ ಚಿತ್ರದ ಒಂದು ಬಹುಮುಖ್ಯ ಪಾತ್ರ ಮಾಡಿದವರು ಹೊನ್ನವಳ್ಳಿ ಕೃಷ್ಣ ಅವರು. ನಿಜಜೀವನದಲ್ಲಿ ನೂರಾರು ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಆದರೆ, ಅವರಿಗೆ ಸ್ವತಂತ್ರ ನಿರ್ದೇಶಕರಾಗುವುದಕ್ಕೆ ಸಾಧ್ಯವಾಗಲಿಲ್ಲ. ಅಂಥದ್ದೇ ಒಂದು ವಿಷಯವನ್ನು ಇಟ್ಟುಕೊಂಡು ಈ ಚಿತ್ರ ಮಾಡುತ್ತಿದ್ದೇವೆ. ಹೊನ್ನವಳ್ಳಿ ಕೃಷ್ಣ ಅವರು ಹೊನ್ನವಳ್ಳಿ ಕೃಷ್ಣ ಎನ್ನುವ ಪಾತ್ರ ಮಾಡುತ್ತಿದ್ದಾರೆ. ನಾನು ಅವರ ಮಗನಾಗಿ ಕಾಣಿಸಿಕೊಂಡಿದ್ದೇನೆ. ಇದು ಅವರ ನಿಜಜೀವನದ ಕಥೆಯಲ್ಲ. ಇದೊಂದು ಕಾಲ್ಪನಿಕ ಕಥೆ' ಎನ್ನುತ್ತಾರೆ ರಿಷಬ್.
