ಬೋಲ್ಡ್​ ರೊಮ್ಯಾಂಟಿಕ್​ ಲುಕ್​ನಲ್ಲಿ ಯಶ್​, ಕಿಯಾರ ಅಬ್ಬರ; ರೂಮಿ ಶಾಯರಿಯೊಂದಿಗೆ 'ತಬಾಹಿ' ವಿಡಿಯೋ ಔಟ್..Tabahi

Yash’s Toxic Tabahi Song Release:ಸ್ಯಾಂಡಲ್​ವುಡ್​ ನಟ ಯಶ್​ ಅಭಿನಯದ, ನಟಿ ಮಣಿಯರ ತಾರಾಂಗಣವೇ ಇರುವ ಟಾಕ್ಸಿಕ್​ ಸಿನಿಮಾ ರಿಲೀಸ್​ಗಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ, ಸದ್ಯ ಈ ಸಿನಿಮಾದ ಸೆಂಟರ್​ ಆಫ್​​ ಅಟ್ರ್ಯಾಕ್ಷನ್​ ಹಾಡಾದ 'ತಬಾಹಿ' ವಿಡಿಯೋ ಸಾಂಗ್ ಬಿಡುಗಡೆ ಮಾಡಲಾಗಿದೆ.

ಜುಲೈ8ರ ಬೆಳಿಗ್ಗೆ 11:33ಕ್ಕೆ ರಿಲೀಸ್ ​ಆದ ಹಾಡಲ್ಲಿ ಯಶ್​ ಮತ್ತು ಕಿಯಾರ ಸಖತ್​ ಬೋಲ್ಡ್​ ಆಗಿ, ರೊಮ್ಯಾಂಟಿಕ್​ ಆಗಿ ಕಾಣಿಸಿಕೊಂಡಿದ್ದಾರೆ. ಇದಕ್ಕೆ ರೂಮಿಯ ಶಾಯರಿಯೊಂದನ್ನು ಹಾಕಲಾಗಿದೆ. 'ತಪ್ಪು-ಒಪ್ಪು, ಒಳ್ಳೆಯದು ಕೆಟ್ಟ ಕಲ್ಪನೆಗಳನ್ನು ಮೀರಿ ಬದುಕುವ ಒಂದು ತಾಣವಿದೆ. ನಾನು ನಿನ್ನನ್ನು ಅಲ್ಲಿ ಭೇಟಿಯಾಗುತ್ತೇನೆ' ಎಂದು ತಬಾಹಿ ಹಾಡಿನ ವಿಡಿಯೋವನ್ನು ರಿಲೀಸ್ ಮಾಡಲಾಗಿದೆ.

ಟಾಕ್ಸಿಕ್​ ಸಿನಿಮಾದಲ್ಲಿ ಯಶ್​ ದ್ವಿ ಪಾತ್ರದಲ್ಲಿ ನಟಿಸಿದ್ದಾರೆ ಎನ್ನಲಾಗಿದೆ. ಅವರಿಗೆ ಜೋಡಿಯಾಗಿ ಕಿಯಾರಾ ಅಡ್ವಾಣಿ, ಹುಮಾ ಖುರೇಷಿ,ತಾರಾ ಸುತಾರಿಯತಾ ರುಕ್ಮಿಣಿ ವಸಂತ್​ ನಟಿಸಿದ್ದಾರೆ. ಕೆವಿಎನ್​ ಹಾಗೂ ಮಾಸ್ಟರ್​ ಮೈಂಡ್​ ಕ್ರಿಯೇಷನ್ಸ್​ ಸಹಯೋಗದಲ್ಲಿ ಸಿನಿಮಾ ನಿರ್ಮಾಣವಾಗಿದೆ. ಈ ಸಿನಿಮಾವನ್ನು ಗೀತು ಮೋಹನ್​ ದಾಸ್​ ನಿರ್ದೇಶಿಸಿದ್ದಾರೆ. ರವಿ ಬಸ್ರೂರು ಸಂಗೀತ ನೀಡಿದ್ದು, ರಾಜೀವ್​ ರವಿ ಛಾಯಾ ಚಿತ್ರಗ್ರಹಣ ಮಾಡಿದ್ದಾರೆ.

ಟಾಕ್ಸಿಕ್​ ಸಿನಿಮಾದ ಈ 'ತಬಾಹಿ' ಹಾಡು ಕನ್ನಡ, ಹಿಂದಿ, ತೆಲುಗು ಹಾಗೂ ತಮಿಳು, ಮಲಯಾಳಂ ಭಾಷೆಯಲ್ಲಿ ರಿಲೀಸ್​ ಆಗಿದೆ. ಹಾಡಿನಲ್ಲಿ ಇಬ್ಬರ ಕೆಮಿಸ್ಟ್ರಿ ಭಾವನಾತ್ಮಕವಾಗಿರುವ ಸಾಹಿತ್ಯವಿದೆ. ಹಲವು ಕಡೆ ಇಬ್ಬರ ಬೋಲ್ಡ್​ ರೊಮ್ಯಾಂಟಿಕ್​ ದೃಶ್ಯ ಭವ್ಯವಾಗಿ ಚಿತ್ರೀಕರಿಸಲಾಗಿದೆ, (ಏಜೆನ್ಸೀಸ್).