ಇತ್ತೀಚೆಗಷ್ಟೇ ಮದುವೆಯಾಗಿ ಗಂಡ, ಮನೆ, ಸಿನಿಮಾ ಎಂದು ಬಿಜಿಯಾಗಿರುವ ನಟಿ ಯಾಮಿ ಗೌತಮ್ ಇದೀಗ ತಮಗಿರುವ ಒಂದು ಸಮಸ್ಯೆ ಬಗ್ಗೆ ಹೇಳಿಕೊಂಡಿದ್ದಾರೆ. ಕೆಲವು ವರ್ಷಗಳಿಂದ ಕೆರಟೋಸಿಸ್ ಪೆಲಾರಿಸ್ ಎಂಬ ಚರ್ಮದ ಸಮಸ್ಯೆಯಿಂದ ಅವರು ಬಳಲುತ್ತಿದ್ದು, ಈ ಸಮಸ್ಯೆ ವಾಸಿ ಮಾಡಲು ಸಾಧ್ಯವೇ ಇಲ್ಲ ಎಂದಿದ್ದಾರೆ. ಯಾಮಿ ತಮ್ಮ ಇನ್ಸ್ಟಾಗ್ರಾಂ ಅಕೌಂಟ್ ಮೂಲಕ ಫೋಟೋ ಹಂಚಿಕೊಂಡಿರುವ ಯಾಮಿ, ‘ನಾನು ಕೆಲ ವರ್ಷಗಳಿಂದ ಕೆರಟೋಸಿಸ್ ಪೆಲಾರಿಸ್ ಎಂಬ ಚರ್ಮ ಸಮಸ್ಯೆಯಿಂದ ಬಳಲುತ್ತಿದ್ದೇನೆ. ನಾನು ಟೀನೇಜರ್ ಆಗಿದ್ದಾಗ ಚರ್ಮದ ಮೇಲೆ ಸಣ್ಣಸಣ್ಣ ಗುಳ್ಳೆಗಳೆದ್ದವು. ವೈದ್ಯರ ಬಳಿ ಹೋದಾಗ, ನಾನು ಚರ್ಮರೋಗದಿಂದ ಬಳಲುತ್ತಿರುವ ವಿಷಯ ಗೊತ್ತಾಯಿತು ಎಂದಿದ್ದಾರೆ.
